Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout

  នៅពេលដែលនិយាយដល់ Collagen តើអ្នកនឹងគិតដល់អ្វីមុនគេ? ជាការពិតណាស់ បញ្ហាទាក់ទងសម្រស់នឹងលេចឡើងមកមុនគេ ប៉ុន្តែអ្នកមានដឹងដែរទេថាជាក់ស្តែងការប្រើប្រាស់សារធាតុកូឡាជែនក្រោមរូបភាពផ្សេងៗគ្នាក្នុងគោលបំណងរក្សាសុខភាពមានលើសពីនេះសន្ធឹកសន្ធាប់  ស្របពេលដែលមានការមន្ទិលសង្ស័យមួយចំនួនទាក់ទងនឹងប្រសិទ្ធភាពក៏ដូចជាសុវត្ថិភាពរបស់សារធាតុនេះផងដែរ។   តើអ្វីទៅជាកូឡាជែន(collagen)? Collagen ជាប្រូតេអ៊ីនដ៏សម្បូរម្យ៉ាងដែលមានលក្ខណៈរឹងមិនរលាយ និងរាងជាសរសៃៗ ដែលត្រូវបានផលិតក្នុងរាងកាយរបស់មនុស្សស្រាប់ ដោយកោសិកាមួយចំនួនពិសេសគឺកោសិកាហ្វីប្រូប្លាស (fibroblast) នៃជាលិកាភា្ជប់ (connectivetissue) ឆ្អឹងសាច់ដុំ ស្បែក សរសៃពួរជាដើម។   វាក៏ជាធាតុផ្សំដ៏សំខាន់របស់សក់ និងក្រចកផងដែរ។ វាត្រូវបានផ្សំឡើងពីអាស៊ីតអាមីនេចម្បង៣ គឺគ្លីស៊ីន(Glycine) ប្រូលីន(Proline) និងអ៊ីត្រូស៊ីប្រូលីន (Hydroxyproline)។  រីឯបំណែករបស់collagen ហៅថា gelatin មានតួនាទីមិនខុសពី collagen ឡើយ។   តើ Collagen មានប្រសិទ្ធភាពយ៉ាងណាខ្លះ? Collagen មាននាទីប្រៀបដូចជាអ្នកទ្រទ្រង់នូវរចនាសម្ព័ន្ធនានានៃសរីរាង្គឲ្យមានភាពរឹងមាំដោយវាធ្វើការភ្ជាប់ជាមួយគ្នាផងដែរនូវសរីរាង្គទាំងអស់នៃរាងកាយទាំងមូល។  លើសពីនេះ Collagen ក៏ត្រូវបានដឹងផងដែរថាអាចជួយជំនួសកោសិកាដែលងាប់ក៏ដូចជាជួសជុលឡើងវិញនូវជាលិកាដែលខូចខាតព្រមទាំងការពារការស្រូបយក និងការរីករាលដាលនៃសារធាតុដែលអាចបង្កជំងឺ មេរោគ និងកោសិកាមហារីកបានទៀតផង។ ដូចនេះហើយបានជា Collagen ត្រូវបាននិយមយកមកប្រើប្រាស់ក្នុងរូបភាពវេជ្ជសាស្ត្រ  និងគ្រឿងសម្អាងយ៉ាងទូលំទូលាយ៖   ១.ប្រើជាបង់សម្រាប់បិទរបួស ជាមួយនឹងឥទ្ធិពលក្នុងការធ្វើឲ្យរបួសឆាប់ជាសះស្បើយ Collagen ក៏ទាក់ទាញផងដែរនូវកោសិកាថ្មីៗឲ្យមកកាន់ទីតាំងរបួសដោយវាបង្កើតជាទម្រង់មួយសម្រាប់កោសិកាថ្មីៗអាចលូតលាស់បានល្អ និងជម្រុញឲ្យមុខរបួសឆាប់ជា។ គួរកត់សម្គាល់ថាបង់ប្រភេទនេះ មិនគួរជ្រើសរើសប្រើប្រាស់សម្រាប់ការរលាកកម្រិតធ្ងន់ដែលមានដំបៅគ្របដណ្តប់ដោយក្រម៉ស្ងួត ឬក៏អ្នកជំងឺដែលមានប្រតិកម្មជាមួយនឹងផលិតផលពីសត្វគោ ឬសត្វសមុទ្រឡើយ។   ២.ប្រើប្រាស់ក្នុងវិស័យកែសម្ផស្ស ការចាក់បំពេញសារធាតុ Collagen ទៅក្នុងស្បែកត្រូវបានធ្វើឡើងដើម្បីធ្វើឲ្យប្រសើរឡើងនៅត្រង់បរិវេណស្បែកដែលជ្រីវជ្រួញ ក៏ដូចជាសម្លាកផ្សេងៗផងដែរពិសេសគឺប្រហោងមុខដោយសារមុនជាដើម។គួរបញ្ជាក់ផងដែរថា Collagenនឹងត្រូវបានចាក់បំពេញតែតំបន់ស្បែកផ្នែកខាងលើប៉ុណ្ណោះ និងអាចរក្សាប្រសិទ្ធភាពបានរយៈពេលរហូតដល់ទៅ៦ខែ។ ចំពោះការខូចខាតនៃស្បែកនៅជ្រៅច្រើនបំពេញដោយសារធាតុខ្លាញ់ស៊ីលីកូនឬក៏ប្រើប្រាស់បច្ចេកវិទ្យាអ៊ីមផ្លានតែម្តង។ យ៉ាងណាមិញ ការជ្រើសរើសប្រើប្រាស់នូវវិធីសាស្ត្រនេះត្រូវបានប្រុងប្រយ័ត្នខ្លាំងចំពោះអ្នកដែលមានប្រតិកម្ម ឬក៏អាល្លែកហ្ស៊ីជាមួយសារធាតុណាមួយ និងតម្រូវឲ្យមានការធ្វើតេស្តលើស្បែកជាមុនជាចាំបាច់។ ដោយឡែក ការបង្កើនកម្រិត Collagen ក្នុងខ្លួនឡើងវិញដោយការប្រើប្រាស់ Collagen ក្នុងទម្រង់ផ្សេងៗទៀតក៏អាចជួយឲ្យស្បែកមើលទៅមានសភាពតឹងណែន រលោង និងជួយឲ្យកោសិកាថ្មីៗដុះព្រមទាំងជួសជុលនូវកោសិកាចាស់ៗមកធម្មតាទៀតផង។ ក្រៅពីនោះ សុខភាពសក់ក្រចកនិងធ្មេញក៏នឹងប្រសើរឡើង ដោយឥទ្ធិពលនៃCollagen នេះដូចគ្នា។   ៣.វិធីសាស្ត្រតម្រង់ទិសនៃការកកើតថ្មីរបស់កោសិកា(GTR) ក្នុងការវះកាត់មាត់ធ្មេញ, Collagen ដែលមានទម្រង់ជាស្រទាប់របាំង (membrane) ត្រូវបានប្រើក្នុងគោលបំណងជម្រុញការលូតលាស់របស់កោសិកាជាក់លាក់ណាមួយដោយវាក្លាយជារបាំងសម្រាប់បន្ថយល្បឿននៃកោសិកាអេប៉ីតេល្យូម(Epithelium) របស់អញ្ចាញដែលអាចរំកិលទៅដល់ត្រង់មុខរបួសនោះដើម្បីទុកចន្លោះសម្រាប់កោសិកាថ្មីៗ របស់ធ្មេញឲ្យដុះឡើងវិញបានល្អ។ ម្យ៉ាងទៀត ដោយសារ Collagen អាចស្រូបទៅវិញដោយកោសិកា និងត្រូវបានបំផ្លាញទៅវិញដោយឯកឯងដូចនេះអ្នកជំងឺមិនចាំបាច់តម្រូវឲ្យទទួលយកការវះកាត់ម្តងទៀត ដើម្បីដករបាំងCollagen នេះចេញវិញឡើយ។   ៤.Collagen ក្នុងការព្យាបាលរលាកសន្លាក់ឆ្អឹង ដោយយោងទៅលើប្រសិទ្ធភាពក្នុងការកាត់បន្ថយការឈឺចាប់ Collagen ត្រូវបានជ្រើសរើសមកប្រើប្រាស់ក្នុងជំងឺរលាកសន្លាក់ឆ្អឹង។ ប្រសិទ្ធភាពនេះបានមកដោយសារ Collagen ដែលប្រមូលផ្តុំនៅក្នុងឆ្អឹងខ្ចីទៅជួយភ្ញោចកោសិកាដែលនៅក្នុងសន្លាក់ហៅថា Chondrocytes ឲ្យផលិតសារធាតុដែលស្ថិតនៅក្រៅកោសិកា (Extracellular matrix) ដែលធានាមុខងាររបស់ឆ្អឹងខ្ចី។ ដោយឡែក ត្រង់តំបន់សន្លាក់ឆ្អឹងនេះផ្ទាល់ ប្រសិនបើមានកង្វះ Collagen កើតឡើងនឹងធ្វើឲ្យសរសៃពួរក៏ដូចជាសរសៃភា្ជប់ធ្វើចលនាមិនសូវស្រួលនាំឲ្យមានភាពគាំងនិងហើមសន្លាក់និងបញ្ហាដទៃទៀត។   ៥.ជម្រុញមេតាបូលីស និងបង្កើនថាមពល គ្លីស៊ីន (Glycine) ដែលមានក្នុង collagen នឹងជួយក្នុងការស្រូបយកស្ករចូលទៅក្នុងកោសិកា ដើម្បីធ្វើការផលិតថាមពល។ មិនតែប៉ុណ្ណោះ វាក៏ជួយក្នុងការកសាងសាច់ដុំផងដែរដោយវាទៅដុតរំលាយកាឡូរីច្រើនជាងខ្លាញ់នៅក្នុងសាច់ដុំ។   ៦.បណ្តេញជាតិពុលនៅក្នុងខ្លួន គ្លីស៊ីន (Glycine) នឹងទៅកាត់បន្ថយការខូចខាតនៃថ្លើមដោយវាធ្វើការបឺតស្រូបសារធាតុខាងក្រៅផ្សេងៗមិនឲ្យឆ្លងកាត់ថ្លើម។ លើសពីនោះ វាក៏ជួយឲ្យរាងកាយចៀសផុតពីសារធាតុគីមីជាច្រើន  និងកសាងឡើងវិញនូវសុខភាពផ្លូវអាហារផងដែរ។   តើអ្នកអាចបាន Collagen ដោយរបៀបណា? •ការលូតលាស់នៃ Collagen, elastin និងMelanin សុទ្ធតែអាចភ្ញោចតាមរយៈការព្យាបាល ដោយកាំរស្មីឡាស៊ែរដែលប្រើប្រាស់នូវបច្ចេកវិទ្យានៃពន្លឺដែលមានកម្រិតរលកខ្លាំង។ វិធីសាស្ត្រមួយនេះត្រូវបានប្រើប្រាស់ក្នុងការព្យាបាលស្នាមសង្វារ។ •សារធាតុចិញ្ចឹមមួយចំនូនទៀតដែលអាចទ្រទ្រង់ការផលិត ឬស្រូបយកព្រមទាំងបំលែង Collagenឲ្យប្រើការបានរួមមាន៖ •Proline ដែលច្រើនមាននៅក្នុងស៊ុតផ្នែកស សាច់ ឈីស សណ្តែក និងស្ពៃក្តោប •Anthocyanidins ដែលមាននៅក្នុងផ្លែឈើមួយចំនួនដូចជាប្លេកប៊ែរី ប្លូប៊ែរី ឆៀរី និងរ៉ាស់ប៊ែរី •Vitamin C អាចរកបាននៅក្នុងផ្លែក្រូច ស្ត្រូប៊ែរី ម្រេចនិង ផ្កាស្ពៃ •Vitamin A សម្បូរនៅក្នុងអាហារធ្វើពីសាច់សត្វនិង រុក្ខជាតិមួយចំនួនដែលមានផ្ទុក betacarotene •Copper ដែលមាននៅក្នុងខ្យង គ្រាប់ធញ្ញជាតិ សាច់ពណ៌ក្រហម និងនៅក្នុងទឹករ៉ែសម្រាប់បរិភោគមួយចំនួនផងដែរ។   តើ collagen នឹងត្រូវបំផ្លាញឬបាត់បង់នៅពេលណា? ខណៈពេលដែល collagen ត្រូវបានសំយោគនៅក្នុងរាងកាយរបស់មនុស្សដោយធម្មជាតិ វាក៏អាចនឹងបាត់បង់ទៅវិញផងដែរដោយកត្តាទាំងក្នុង និងក្រៅខ្លួនជាច្រើនរួមមាន៖ •វ័យ ការបាត់បង់នៃ Collagen នឹងកើតមានជាបន្តបន្ទាប់ និងកើនឡើងជាពិសេសចាប់ពីអាយុ៤០ ឆ្នាំឡើងទៅហើយចំពោះស្ត្រីក្រោយវ័យអស់រដូវវិញការបាត់បង់របស់វាជាលទ្ធផលធ្វើឲ្យមានបញ្ហាសុខភាពក៏ដូចជាសម្រស់យ៉ាងគួរឲ្យកត់សម្គាល់ដូចជា ស្បែកយារធ្លាក់ លេចឡើងនូវស្នាមជ្រីវជ្រួញ និងភាពចុះទន់ខ្សោយនៃឆ្អឹងខ្ចីនៅនឹងសន្លាក់ផងដែរ។ •ពេលមានបញ្ហាសុខភាពណាមួយ ឬមានភាពតានតឹងអារម្មណ៍   អំឡុងពេលនេះមិនត្រឹមតែមានការខូចខាតCollagenទេខ្លួនប្រាណរបស់អ្នកក៏មិនអាចផលិតគ្រប់គ្រាន់នូវអាស៊ីតអាមីនេដោយខ្លួនឯងបានឡើយហើយលើសពីនេះតម្រូវការនៃសារធាតុសំខាន់ៗទាំងនេះក៏មានការកើនឡើងផងដែរដូចនេះជំនួយពីអាហារបំប៉នពីក្រៅពិតជាសំខាន់។ •ការបរិភោគស្ករក្នុងបរិមាណខ្ពស់ អាហារមានកម្រិតជាតិស្ករខ្ពស់អាចបង្កើតឲ្យមានចលនាការមួយដែលស្ករនៅក្នុងឈាមទៅភ្ជាប់ជាមួយប្រូតេអ៊ីនបង្កើតជាផលិតផលថ្មីមួយដែលទៅបំផ្លាញ ប្រូតេអ៊ីនដែលនៅជិតៗដែលក្នុងនោះក៏រួមមានទាំង Collagen ផងដែរជាហេតុធ្វើឲ្យវាមានសភាពស្ងួត ទន់ខ្សោយ និងផុយស្រួយងាយនឹងខូចខាត។ •ការជក់បារី សារធាតុគីមីដែលមាននៅក្នុង បារីអាចទៅបំផ្លាញទាំង Collagenនិង Elastin រីឯសាធាតុនីកូទីនក៏ជះឥទ្ធិពលដល់សរសៃឈាមដែលធ្វើការនាំសារធាតុចិញ្ចឹមនិងអុកស៊ីសែនទៅកោសិកាផងដែរ។ •ពន្លឺព្រះអាទិត្យ កាំរស្មីស្វាយអុលត្រាពីព្រះអាទិត្យ អាចធ្វើឲ្យ Collagen បាក់បែកហើយ ថែមទាំងអាចធ្វើឲ្យមានការកកើតនៃ Elastin ជាមួយនឹងលក្ខណៈខុសប្រក្រតីដែលជម្រុញឲ្យមានការផលិតអង់ស៊ីមទៅបំផ្លាញ collagen បន្ថែមទៀត។ •ភាពខុសប្រក្រតីនៃប្រព័ន្ធភាពស៊ាំ (ការប្រឆាំងនឹងខ្លួនឯង) ករណីខ្លះនៃភាពមិនធម្មតានៃប្រ-ព័ន្ធភាពស៊ាំ គឺធ្វើឲ្យមានការផលិតអង់ទីករដែលប្រឆាំងផ្ទាល់ នឹងប្រូតេអ៊ីនរបស់ខ្លួនឯងផ្ទាល់ក៏អាចរួមមានទាំង Collagen ផងដែរ។   ការប្រើប្រាស់ Collagen ពីផលិតផលខាងក្រៅអាចមានផលរំខានអ្វីខ្លះ? •ការកើនឡើងខ្ពស់នូវកម្រិតកាល់ស្យូមនៅក្នុងខ្លួន ជាពិសេសសម្រាប់  Collagen ដែលមានប្រភពពីឆ្អឹងខ្ចីរបស់ត្រីឆ្លាម និងខ្យងច្រើនផ្ទុកនូវបរិមាណដ៏ច្រើននៃកាល់ស្យូម ហើយជាក់ស្តែងភាពលើសលប់នេះនឹងបង្ហាញឡើងតាមរយៈអាការៈមួយចំនួនដូចជា ការទល់លាមក ការឈឺឆ្អឹងអស់កម្លាំង ក្អួតចង្អោរ និងមានចង្វាក់បេះដូងមិនប្រ-ក្រតីផងដែរ។ កាន់តែត្រូវប្រុងប្រយ័ត្នក្នុងករណីដែល Collagenត្រូវបានប្រើប្រាស់ជាមួយអាហារបំប៉នផ្សេងទៀតដែលមានផ្ទុកសារធាតុកាល់ស្យូមដូចគ្នា។ •ការមានប្រតិកម្មជាមួយនឹងសារធាតុនៃផលិតផល ដោយសារប្រភពនៃ Collagen ដែលចម្រាញ់ចេញពីសត្វសមុទ្រ ឬស៊ុត ដូចនេះប្រតិកម្មអាចកើតមានឡើងជាពិសេសជាមួយក្មេងៗ។ ដូចនេះ ការធ្វើតេស្តមុនប្រើប្រាស់ពិតជាសំខាន់។ •ផ្តល់នូវរសជាតិនិងក្លិនមិនល្អជាប់នៅក្នុងមាត់ ការប្រើប្រាស់ផលិតផល Collagen ជាមួយទឹកផ្លែឈើដើម្បីបិទបាំងរសជាតិនិងក្លិនមិនល្អរបស់វាអាចនិយមប្រើប្រាស់ ប៉ុន្តែត្រូវប្រុងប្រយ័ត្នចំពោះផ្លែឈើដែលមានសារធាតុអាស៊ីតដូចជា ក្រូច ប៉ោម ទំពាំងបាយជូ ប៉េងប៉ោះ ដោយសារវាអាចកាត់បន្ថយឥទ្ធិពលរបស់ Collagen បាន។ •ការបាត់បង់ចំណង់អាហារ អាចនឹងកើតមាននៅអំឡុងពេលប្រើប្រាស់វាផងដែរដូចនេះការប្រើប្រាស់ខុសពីគោលបំណងក្នុងការសម្រកទម្ងន់នឹងក្លាយទៅជាផលរំខានទៅវិញ។   ទោះបីផលរំខានទាំងនេះកើតមានក្នុងភាគរយតិចក៏ដោយ ប៉ុន្តែមុននឹងសម្រេចចិត្តជ្រើសប្រើប្រាស់ប្រភេទ Collagen ប្រភេទណាមួយ អ្នកគប្បីពិគ្រោះជាមួយវេជ្ជបណ្ឌិត ឬក៏អ្នកជំនាញសើស្បែកណាមួយ ដើម្បីធានាឲ្យបានការប្រើប្រាស់ប្រកបដោយប្រសិទ្ធភាព និងចៀសផុតពីផលរំខានក៏ដូចជាគ្រោះថ្នាក់ផ្សេងៗ។   ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

សម្រាប់ផ្ទៃមុខមានសារៈសំខាន់ណាស់សម្រាប់មនុស្សគ្រប់គ្នាពិសេសសម្រាប់សុភាពនារីទាំងឡាយ។បើកាលណាផ្ទៃ មុខអ្នកទាំងអស់គ្នាជួបនៅបញ្ហាឡើងកន្ទួល​ ក្រហម ឬមុននោះវានឹងធ្វើឲ្យបាត់បង់នូវភាពទាក់ទាញ។   តើអ្វីទៅជាជំងឺមុខក្រហម? ជំងឺមុខក្រហម គឹជាជំងឺមួយប្រភេទដែលភាគច្រើនកើតមានឡើងនៅលើផ្ទៃមុខបុរសស្ត្រីទូទៅដែលមានស្បែកស្ថិតនៅក្នុងប្រភេទទី១ ទី២ ហើយមានអាយុកចន្លោះពី៣០‍‍‍‍‍‍‍ដល់៥០ឆ្នាំ។ ជំងឺនេះមានទម្រង់ប្រហាក់ប្រែលនឹងមុនដែរ តែវាជាការរលោកដោយរុំារ៉ៃទៅលើក្រពេញខ្លា្ញញ់​និងគល់រោមលើស្បែកមុខ។ការរលាកនេះអាចនាំឲ្យឈាមដល់ការរីកធំនៃសរសៃឈាមតូចៗនៅលើផ្ទៃមុខដែរ។   មូលហេតុបង្កជំងឺ​ជាការពិតមូលហេតុទាក់ទងនឹងជំងឺមុខក្រហមនេះ គឺគេមិនដឹងច្បាស់លាស់នោះទេ ។ ប៉ុន្តែគេអាចសន្និដ្ឋានបានថា វាអាចបណ្ដាលមកពីបញ្ហាសេនេទិច បញ្ហាបរិស្ថាន​(កម្ដៅថ្ងៃក្ដៅខ្លាំងឬ ត្រជាក់ខ្លាំង) បញ្ហាស្ត្រេស​ បញ្ហារោគក្រពះ (រលោកក្រពះដោយមេរោគ Helicobacter pylori) ការញុំអាហារហិលពេក  សេពគ្រឿងស្រវឹង ខ្វះវីតាមីនមួយចំនួ​នដូចជា Vitamins Bcomplex ,Zinc។ល។ ការប្រើប្រាស់ផលិតផលគ្រឿងសម្អាង ដែលមានជាតិផ្សំខ្លាំងពេក ទាក់ទងទៅនិងប្រព័ន្ធការពារខ្លួនយើងជាមួយមេរោគមួយចំនួនដូចជា Demodex Follicularis   ប្រភេទជំងឺមុខក្រហមនិង រោគសញ្ញា ករណីមុខក្រហមនេះយើងអាចចែកជា៣ប្រភេទគឺ៖ ·ប្រភេទទី១ជាប្រភេទស្រាល ៖អ្នកជំងឹក្រាន់តែមានបញ្ហាក្រហមលើស្បែកមុខនិងមានឡើងសរសៃក្រហមឆ្មារៗនៅលើផ្ទៃមុខ ។ ·ប្រភេទទី២(រួមផ្សំនិងប្រភេទទីមួយខាងលើ) ៖ គឺមានសរសៃក្រហមឆ្មារៗហើយករណីខ្លះអាចមានឡើងកន្ទួលក្រហមដុំៗ និងមានខ្ទុះនៅលើផ្ទៃមុខផងដែរ ។ ·ប្រភេទទី៣​ ជាប្រភេទធ្ងន់ធ្ងរ ៖ ​អ្នកជំងឺមានរោគសញ្ញាប្រភេទទី១និងទី២ ហើយសរសៃក្រហមឆ្មារៗទាំងនោះ ស្បែកមុខរិតតែក្រហមខ្លាំងមែនទែន (Telangiectasia) និងមានអ្នកជំងឺខ្លះអាចឡើងកន្ទួលក្រហមធំៗ រហូតដល់ក្លាយទៅជាក្រម៉រ(ដោយសារញេច) មានហូរទឹករងៃ មានអារម្ភក្ដៅនៅលើមុខហើយធ្វើឲ្យឡើងក្រហមទាំងភ្នែកទៀតផង។ ចំនុចមួយទៀតនោះ ​គឺវាអាចឈានដល់ប្រភេទមួយ​ពាក់ពន្ធ័ទៅនឹងច្រ​មុះដែលធ្វើអោយច្រមុះអ្នកជំងឺរើសឡើងធំ (Rhinophyma) ប៉ះពាល់ដល់សម្ភស្សផ្ទៃមុខ ។   ការព្យាបាល​៖ ការព្យាបាលជំងឹមុខក្រហមគឺពិបាក នឹងឲ្យជាសះស្បើយណាស់។ ជាមួយនេះ គោលបំណងនៃការព្យាបាល គឺវេជ្ជបណ្ឌិតជំនាញធ្វើយ៉ាងណាដើម្បីទប់ស្កាត់និយាយជារួម អ្នកជំងឺ អាចប្រើជាប្រភេទជាអង់ទីប៊ីយ៉ូទិច (លាបឬលេ) មួយចំនួនដូចជាDoxycycline, Erythromycine  ជាដើម ។ ទន្ទឹមនឹងនេះក្នុងករណីសភាពអ្នកជំងឺធ្ងន់ធ្ងរខ្លាំង វេជ្ជបណ្ឌិតជំនាញអាចព្យាបាលបានដោយការវះកាត់ឬប្រើឡេស័រ។ ដទៃពីនេះក៏នៅមានបញ្ហាមួយចំនួនដែលវេជ្ជបណ្ឌិតជំនាញត្រូវពិចារណាផ្ដល់ជូនដល់អ្នកជំងឺអោយបានគ្រប់គ្រាន់ដែរនូវជាតិវីតាមីនមួយចំនួន និងអាហារគួរចៀសវាង ។ លើសពីនេះទៀតអ្នកជំងឺអាចស្អំមុខ ដោយប្រើទឹកត្រជាក់ (ទឹកកក) ឬធ្វើយ៉ាងណាឲ្យគាត់បន្ធូរនៅភាពតានតឹងដោយការហាត់ប្រាណធ្វើសមាធិជាដើម ។ និយាយជារួមការព្យាបាលមួយចំនួន គឺត្រូវធ្វើឡើងតាមប្រភពដែលបង្កឲ្យមានជំងឺនេះឡើង។   វិធីបង្ការជំងឺមុខក្រហម៖ ចំពោះវិធីការពារជំងឺមុខក្រហមនេះ ទី១គឺយើងត្រូវជ្រើសរើសប្រើនូវផលិតផលណាដែលមានកម្រិតជាតិថ្នាំស្រាល។  មកលាងសម្អាតនៅលើផ្ទៃមុខ។ចៀសវាងប្រើផលិតផលណាដែលធ្វើឲ្យរលាកស្បែកមុខ។ចៀសវាងការទទួលទាន គ្រឿងស្រវឹង និងអាហារដែលមានជាតិហិរ។ យើងគប្បីទទួលទានចំណីអាហារដែលមានពពួកស្ពែក្ដោប ខាត់ណា បន្លែបែតងឬទំពាំងបាយជូរឲ្យបានច្រើនព្រោះវាជាប្រភេទអាហាររូបត្ថម្ភជួយការពារកុំឲ្យកើតជំងឺក្រហមមុខនេះឡើង ។ បន្ថែមលើនេះ គួរចៀសវាងនៅកត្តាទាំងឡាយ ណាដែលជាមូលហេតុ បង្កដូចបានជម្រាបជូនខាងលើ ។ ម្យ៉ាងវិញទៀត  គឺយើងអាចថែរក្សាស្បែកមុខដោយការពាក់មួក ឬប្រើកន្សែងក្រមា ដើម្បីការពារកម្ដៅថ្ងៃ ហើយយក ល្អយើងក៏គួរប្រើប្រាស់ផលិតផលការពារកម្ដៅថ្ងៃផងដែរ ។   អនុសាសន៏វេជ្ជបណ្ឌិតជំនាញ គួរបញ្ជាក់ឡើងវិញផងដែរថាជំងឺមុខក្រហមមិនមែនជាជំងឺមុនទេ។អ្នកជំងឺមិនអាចព្យាបាលជំងឺនេះដោយក្រាន់តែទៅទិញថ្នាំនៅតាមឱសថស្ថានខ្លួនឯងនោះទេ។​បញ្ហាដែលសំខាន់នោះគឺសូមឲ្យបងប្អូនប្រជាពលរដ្ឋអញ្ជើញមក ជួយវេជ្ជបណ្ឌិតជំនាញ ដើម្បីព្យាបាលឲ្យបានត្រឹមត្រូវ។ មានតែវេជ្ជបណ្ឌិតជំនាញទេ  ដែលមានជួយដោះស្រាយបញ្ហានេះបាន។ ជាមួយគ្នានេះក៏សូមអំពាវនាវផងដែលជាផលដែរថាសូមបងប្អូនកុំទទួល ទានគ្រឿងស្រវឺងដែលជាមូលហេតុមួយជំរុញឲ្យកើតជំងឺមុខក្រហមនិងដើម្បីចូលរួមកាត់បន្ថយគ្រោះថ្នាក់ចរាចរណ៏ក្នុងសង្គមយើងនាពេលបច្ចុប្បន្នផងដែរ។   បកស្រាយដោយលោកវេជ្ជបណ្ឌិត ហូយ សេរីវឌ្ឍនៈ អនុប្រធានការិយាល័យបច្ចេកទេស និងជាវេជ្ជបណ្ឌិតជំងឺសើរស្បែកនិងកាមរោគនៃមន្ទីរពេទ្យព្រះកុសមៈ   ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

មនុស្សជាច្រើនបានរិះរកវិធីសាស្រ្តក្នុងការថែស្បែករបស់ខ្លួន ដើម្បីអោយចៀសផុតពីខូចខាតនៃស្បែក​ ។​ស្បែកមានតួនាទីដ៏សំខាន់សម្រាប់ការពារសរីរាង្គខាងក្នង បើស្បែកមានបញ្ហានោះបញ្ជាក់ថាសរីរាង្គមានភាពចុះអន់ថយ នៅពេលសេរីរាង្គអន់ថយហើយនឹងធ្វើអោយយើងបាត់បង់ទំនុបចិត្ត ដែលមានមកលើខ្លួន  ហើយ ភ័យខ្លាចក្នុងការជួបមិត្តភក្កនឹងមនុស្សដែលនៅជុំវិញខ្លួន​ ។នោះលែងជាបញ្ហាទៀតហើយ យើងខ្ញុំអាចជួយណែនាំអ្នកបាន...ប៉ុន្តែ អ្នកអាចធ្វើការសម្រេចចិត្តដោយខ្លួនឯង គ្លីនិកស្បែក ប៊ីស៊ី - BC Skin Clinic  រយៈពេលជាង15ឆ្នាំកន្លងមកនេះ គ្លីនិកស្បែកBC ប្រកបដោយសក្តានុពលភាពទាំងផ្នែកគុណភាព និង ធនធានមនុស្ស គ្លីនិកស្បែក BC ព្យាបាល និងថែទាំ ស្បែក និងសម្រស់របស់អស់លោកអ្នកប្រកបដោយគុណភាព គុណធម៌ និងតម្លៃសមរម្យ។ លោកវេជ្ជបណ្ឌិត យិន វុឌ្ឍីជា ប្រធានគ្លីនិកសើស្បែកប៊ីស៊ីI (បឹងកេងកង) និងII(ទួលគោក)អតីតនិសិ្សតផ្នែកវេជ្ជសាស្រ្តមួួយរូបនៃសកលវិទ្យាល័យវិទ្យាសាស្ត្រសុខាភិបាលហើយបានបញ្ចប់ជំនាញជាច្រើនទាក់ទងនឹងផ្នែកជំងឹសើស្បែក​ និងសម្រស់ និងការព្យាបាលប្រឆាំងភាពជ្រីវជ្រួញ ការវះកាត់សម្ផស្សដោយកាំរស្មីឡាស៊ែរ ព្រមទាំងជំនាញពិសេសផ្សេងៗទៀត​ ពីប្រទេសកូរ៉េ ទីក្រុងសេអ៊ូល ។ គ្លីនិក​ សើស្បែក ណង់ស៊ី (វេជ្ជបណ្ឌិត ព្រហ្ម ផានិត)  គ្លីនិកសើស្បែកណង់ស៊ី បានបង្កើតឡើងដោយលោកវេជ្ជបណ្ឌិត ព្រហ្ម ផានិត ឯកទេសជំងឺសើស្បែកដែលបានបញ្ចប់ការសិក្សាពីប្រទេសបារាំង អនុបណ្ឌិតផ្នែកជំងឺឆ្លងនៃតំបន់ត្រូពិច និងជាអ្នកជំនាញ ផ្នែកឧបករណ៍​ Laser។ បច្ចុប្បន្ន លោកវេជ្ជបណ្ឌិត កំពុងបម្រើការងារនៅមន្ទីរពេទ្យ មិត្តភាពខ្មែរ-សូវៀត។ កាដាវ គ្លីនិកសើស្បែក និងឡេសឺរ (វេជ្ជបណ្ឌិត ចាន់ វិចិត្រ)​ ចាប់តាំងពីឆ្នាំ 1997 គ្លីនិកស្បែក កាដាវ បានក្លាយជា គ្លីនិកជំនាញខាងជម្ងឺស្បែក គួរឱ្យទុកចិត្តបំផុតនៅក្នុងប្រទេសកម្ពុជា ។ រាប់គិតចាប់ពី បច្ចេកវិទ្យាឡាស៊ែរ ចុងក្រោយបំផុត ។លោកវេជ្ជបណ្ឌិត ចាន់ វិចិត្រ ក្រោយពីបានបញ្ចប់ការសិក្សា លោកគ្រូបានចូលបម្រើការងារនៅមជ្ឈមណ្ឌលជាតិប្រយុទ្ធប្រឆាំងនឹងជំងឺអេដស៏​ ​សើស្បែក និងកាមរោគនៃក្រសួងសុខាភិបាល នឹងជាអតីតប្រធានគ្លីនិកជាតិសើស្បែកនិងកាមរោគផងដែរ។ សព្វថ្ងៃ លោកវេជ្ជបណ្ឌិតបានប្ដូរមកបម្រើការនៅមន្ទីរពេទ្យមិត្តខ្មែរសូវៀតវិញ ភ្លាមៗនោះលោកគ្រូក៏បានបង្កើតផ្នែកជំងឺសើស្បែកនៅមណ្ឌីរពេទ្យនេះតែម្ដង។ វេជ្ជបណ្ឌិត ចាន់ វិចិត្រមានតួនាទីជា នាយករងមន្ទីរពេទ្យមិត្តខ្មែរសូវៀត និងជាប្រធានសមាគមគ្រូពេទ្យសើស្បែកកម្ពុជា​៕ ពេទ្យសើស្បែក ពីកូ អូឡាំពិក   ពេទ្យសើស្បែក ពីកូ មានពិនិត្យ និងព្យាបាល មុខកេីតមុន ជាំមុខ អាចម៍រុយ មុខក្រហម អាលែកហ្សុី តាអក រមាស់ស្បែក ស្បែកក្បាលអង្គែ ជ្រុះសក់ កាមរេាគ រេាគបុរស និងបញ្ហាស្បែកផ្សេងៗ ដែលប្រកបទៅដោយការជឿទុកចិត្តពីសំណាក់ភ្ញៀវដែលបានទទួលការព្យាបាលពីលោកវេជ្ជបណ្ឌិត ប៊ី ពីកូ ។​លោកវេជ្ជបណ្ឌិត ប៊ី ពីកូ ជាអតីតសិស្សនៅសាកលវិទ្យាល័យវិទ្យាសាស្រ្តសុខាភិបាលជំនាន់ទី៣២ នឹងបានបញ្ចប់ការសិក្សាផ្នែកវេជ្ជសាស្រ្ត នៅឆ្នាំ២០១២ ។ បន្ទាប់មកលោកវេជ្ជបណ្ឌិតបានសិក្សាថ្នាក់ឯកទេសផ្នែកជំងឺសើស្បែក ចំនួនពីរឆ្នាំបន្ថែមទៀត ។ សព្វថ្ងៃនេះលោកវេជ្ជបណ្ឌិត ប៊ី ពីកូបម្រើការផ្នែកជំនាញសើស្បែកនិងកាមរោគ នៅមន្ទីរពេទ្យព្រះកុសុមៈ ។ បន្ទប់ពិគ្រោះ ព្យាបាលជំងឺទូទៅ និងអេកូ វេជ្ជបណ្ឌិត សារុន សេងហួរ  បន្ទប់ពិគ្រោះ ព្យាបាលជំងឺទូទៅ និងអេកូសាស្ត្រ មានទទួលព្យាបាល ជំងឺ សើស្បែកនិងកាមរោគ ជំងឺកុមារ ពិគ្រោះនិងព្យាបាលជំងឺទូទៅ និងអេកូសាស្ត្រ ដោយវេជ្ជបណ្ឌិតជំនាញដែលមានបទពិសោធណ៍ជាច្រើនឆ្នាំ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

  ជាំ ជាការកើតឡើងនូវពណ៌លើស្បែក ដែលបណ្តាលឲ្យពណ៌ស្បែកប្រែទៅជាពណ៌ក្រមៅជាងស្បែកធម្មតាហើយមានកម្រិតព្រំដែនច្បាស់លាស់។ គេសង្កេតឃើញថា«ជាំ» កើតមានលើស្ត្រីច្រើនជាងបុរស ហើយច្រើនកើតលើមនុស្សចាប់ពី២០ឆ្នាំ តែមូលហេតុរបស់វា មិនត្រូវបានបញ្ជាក់ ច្បាស់លាស់នោះទេ។   រីឯការព្យាបាលនោះទៀតសោត ក៏ធ្វើតាមវិធីសាស្ត្រផ្សេងៗពីគ្នា នេះបើតាមការបកស្រាយរបស់លោកស្ត្រីវេជ្ជបណ្ឌិត ញ៉ែម ណាវី ឯកទេសជំងឺសើស្បែកនិងកាមរោគ។   ក្រៅពីការព្យាបាលបែបវេជ្ជសាស្ត្រ ជាំក៏អាចធ្វើការព្យាបាលតាមរយៈគ្រឿងផ្សំងាយៗដែលមាននៅផ្ទះរបស់អ្នកស្រាប់បានដែរ…..   ម្សៅរមៀត ម្សៅរមៀត ជាធម្មតាត្រូវបានស្គាល់ថាជាប្រភេទម្សៅបរិសុទ្ធ មានផ្ទុកនូវលក្ខណៈសម្បត្តិជាថ្នាំធម្មជាតិពិសេសក្នុងការព្យាបាលជំងឺសើស្បែក ឬបញ្ហាស្បែកមួយចំនួន។ វាអាចបន្ថយផងដែរនូវជាតិពណ៌របស់ស្បែកនិងជួយបំបាត់ស្នាមជាំបានទៀតផង។ សមាសធាតុ curcumin នៅក្នុងរមៀតជាសារធាតុប្រឆាំងអុកស៊ីតកម្មដែលអាចកាត់បន្ថយភាពចាស់ជ្រីវជ្រួញនិងបង្កើនពន្លឺស្បែកជួយឲ្យផ្នែកខ្មៅនៃស្បែកឡើងភ្លឺមួយ កម្រិត។ របៀបធ្វើ៖   លាយ៥ស្លាបព្រានៃម្សៅរមៀត ជាមួយ១០ស្លាបព្រានៃទឹកដោះគោ ច្របល់ចូលគ្នាឲ្យសព្វ(មិនខាប់ពេកមិនរាវពេក)។ លាបល្បាយនេះនៅកន្លែងមានស្នាមជាំ  ទុកវាឲ្យស្ងួតរយៈពេល២០នាទី បន្ទាប់មកលាងជម្រះចេញជាមួយទឹកក្តៅឧណ្ហៗ ហើយជូតជាមួយកន្សែងពោះគោដែលស្អាត។លោកអ្នកអាចអនុវត្តជាប្រចាំ១ថ្ងៃម្តង   ដើម្បីទទួលបានលទ្ធផលឆាប់រហ័ស។ គួរបញ្ជាក់ថានៅក្នុងទឹកដោះគោមានផ្ទុកអាស៊ីតឡាក់ទិច និងកាល់ស្យូមដែលជួយឲ្យស្បែកទន់រលោងស្អាត ម៉្យាង ល្បាយនេះក៏មានសមត្ថភាពជួយបញ្ចេញ toxin ដែលជាជាតិពុលពីស្បែក និងជួយព្យាបាលមុនបានយ៉ាងប្រសើរថែមទៀត។   ម៉ាសល្ហុងទុំ នរណាៗក៏ដឹងថាល្ហុងមានផលប្រយោជន៍ចំពោះស្បែកដែរមិនថាខ្ចីឬទុំនោះទេ។ លក្ខណៈដោយឡែក ចំពោះល្ហុងទុំ វាមានឥទ្ធិពលខ្ពស់ ក្នុងការព្យាបាលជាំមុខ ដោយសារប៉ាប៉ាអីុន ដែលជាអង់ស៊ីមសកម្មនៅក្នុងល្ហុង ដើរតួនាទីជាអ្នកកម្ចាត់កោសិកាស្បែកចាស់ៗ ជាំ និងជួយឲ្យស្បែកទន់រលោងស្អាត។ របៀបធ្វើ៖ យកល្ហុងទុំប៉ុន្មានចំណិតច្របល់ ឬកិនឲ្យសព្វ ហើយលាបលើមុខរបស់អ្នកទុកវារយៈពេល១៥ ទៅ២០នាទី ទើបលាងជាមួយនឹងទឹកត្រជាក់ចេញ ក្រោយមកទៀតលោកអ្នកអាចលាបឡេផ្តល់សំណើមដល់ស្បែកបន្ថែម។   លោកអ្នកអាចអនុវត្តម៉ាសល្ហុងនេះ ឲ្យបាន២ដងក្នុងមួយសប្តាហ៍ នោះអ្នកនឹងទទួលបានប្រសិទ្ធភាពគួរជាទីគាប់ចិត្ត។   យ៉ាអួរ ជឿឬអត់ថា យ៉ាអួរមានប្រសិទ្ធភាពអាចកំចាត់នូវស្បែកជាំ? ប្រាកដណាស់ វាជួយបន្ថយសភាពជាំលើស្បែកមុខ ដោយសារអាស៊ីតឡាក់ទិចដែលមានផ្ទុកក្នុងនោះ។ អាស៊ីតឡាក់ទិចមានលក្ខណៈសម្អាត ជួយកាតបន្ថយជាតិពណ៌លើស្បែក និងជួយផលិតកោសិកាស្បែកថ្មីផងដែរ។ របៀបធ្វើ៖ ត្រូវសម្អាតមុខរបស់អ្នកឲ្យបានស្អាត បន្ទាប់មកលាបយ៉ាអួរស្តើងៗ លើផ្ទៃមុខត្រង់ផ្នែកជាំ ទុករយៈពេល១០នាទីមុននឹងលាងជាមួយនឹងទឹកស្អាត ដែលលោកអ្នក  អាចអនុវត្តបាន ម្តងឬ២ដង ក្នុង១សប្តាហ៍។   ជែលប្រទាលកន្ទុយក្រពើ លក្ខណៈសម្បត្តិដ៏អស្ចារ្យនៃម៉ាស់ប្រទាលកន្ទុយក្រពើ មានទាំងសារធាតុប្រឆាំងអុកស៊ីតកម្ម និងmucilaginous polysaccharidesដែលអាចជួយព្យាបាលជំងឺសើស្បែកមួយចំនួន និងបន្ថយស្នាមជាំខ្មៅលើផ្ទៃមុខរបស់អ្នកបាន។ របៀបធ្វើ៖ ចិតយកសាច់ប្រទាលកន្ទុយក្រពើរួចក្រឡុកឲ្យម៉ត់ លាបជែលប្រទាលកន្ទុយក្រពើសុទ្ទ  លើផ្នែកជាំ និងម៉ាស្សាស្រាលៗរយៈពេល២នាទីបន្ទាប់មកទុកឲ្យស្ងួតរយៈពេល១៥នាទីរួចលាងជម្រះជាមួយនឹងទឹកស្អាត។លោកអ្នកអាចអនុវត្តជារៀងរាល់ថ្ងៃដើម្បីទទួលបានប្រសិទ្ធភាពឆាប់ រហ័ស។   © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

ចែករំលែក

  ស្រស់ស្អាតជាក្តីប្រាថ្នារបស់មិត្តនារីគ្រប់រូបមិនថាស្ថិតក្នុងវ័យណាកាលៈទេសៈណា។ភាពស្រស់ស្អាតទាំងនោះមិនត្រឹមតែចោទសំខាន់ទៅលើផ្ទៃមុខនោះទេ តែភាពទន់រលោងរបស់សរសៃសក់ក៏ជាចំណុចសំខាន់នៃការបង្ហាញពីសម្រស់ផងដែរ។ ដោយហេតុនេះ ហេលស៍ថាម សូមណែនាំ វិធីសាស្ត្រថែរក្សាសក់ប្រកបដោយសុវត្ថិភាពខាងក្រោម៖ ផ្តល់សំណើមជាប្រចាំ៖   តាមពិតទៅការថែរក្សាសក់របស់អ្នក វាក៏ដូចជាការថែរក្សាស្បែកដែរ ការផ្តល់សំណើមដល់សក់ គឺពិតជាសំខាន់ ដើម្បីឲ្យ ប្រាកដថាវាអាចរក្សាបាននូវសុខភាពល្អ និងមិនងាយខូច។ ដោយហេតុថាសក់មនុស្សវ័យចំណាស់មានសភាពស្តើង ហើយផុយស្រួយជាងធម្មតា។ ម៉ាស្សាស្បែកក្បាល៖   ម៉ាស្សា ឬត្រដុសស្បែកក្បាល អាចជួយបង្កើនចលនាឈាមរត់នៃស្បែកជុំវិញលលាដ៍ក្បាលរបស់អ្នកដែលនឹងជំរុញការភ្ញោចគល់សក់។ ការកើននូវចលនាឈាមរត់នេះទៀតសោតនឹងនាំយកនូវចំណីអាហារមកចិញ្ចឹមស្បែកក្បាលព្រមទាំងបង្កើនការដុះលូត-លាស់នៃសក់ក្បាលបានមួយកម្រិតទៀតផង។ ផ្សើមសក់៖  ផ្សើមសក់ជាមួយទឹកត្រជាក់នឹងមិនការពារសក់របស់អ្នកពីភាពស្ងួតបាននោះទេ ប៉ុន្តែវានឹងបិទគល់សក់ដើម្បីការពារការបំផ្លាញផ្សេងៗ។លោកអ្នកគួរប្រយ័ត្នផងដែរចំពោះការលាងឬផ្សើមសក់ជ្រុលហួសហេតុព្រោះវាអាចបំផ្លាញដល់ប្រេងធម្មជាតិដែលមានសារសំខាន់ក្នុងការរក្សាទ្រង់ទ្រាយសក់របស់អ្នក។ យកល្អអ្នគ្រាន់តែលាងសម្អាតសក់រៀងរាល់ថ្ងៃ ព្រមទាំងចៀសវាងសិតសក់កំឡុងពេលសក់សើម ព្រោះវាធ្វើឲ្យសក់អ្នកផុយ និងឆាប់ជ្រុះ។ ផលិតផលសម្រាប់សក់៖  ចៀសឲ្យឆ្ងាយពីសាប៊ូកក់សក់ និងផលិតផលសម្រាប់សក់ណា ដែលមានផ្ទុកសារធាតុគ្រោះថ្នាក់ ដូចជា SodiumLauryl Sulphate ជាដើម។ សារធាតុទាំងនេះ បំផ្លាញសក់របស់អ្នក ហើយអាចក្លាយជាជាតិពុលជ្រាបចូលក្នុងរាងកាយទៀតផង។ ដើម្បីទទួលបានប្រសិទ្ធភាព អ្នកគួរសួរទៅកាន់ឱសថការី ឬអ្នកជំនាញខាងសើស្បែក ពីផលិតផលដែលល្អប្រើបំផុត។ ស្វែងរកផលិតផលធម្មជាតិ មានរួមបញ្ចូលទាំងសារធាតុសរីរាង្គជាជម្រើសដ៏ល្អ។ចំពោះជែលលាបសក់ឬផលិតផលលេងម៉ូតសក់មួយចំនួនគួរតែត្រូវបានលាងជម្រះចេញមុនពេលអ្នកចូលគេង។ ត្រូវចាំថា ភាពស្អិតនៃស្ព្រៃយន៍បាញ់សក់ និងជែលអាចជ្រាបទៅដល់ស្បែកក្បាល និងផ្ចិតរន្ធញើស ករណីរក្សាវាក្នុងរយៈពេលយូរ។ សាប៊ូកក់សក់៖  សម្រាប់សក់ស្តើងគួរប្រើសាប៊ូ និងក្រែមបន្ទន់សក់ ដែលជួយបង្កើនកម្រាស់សក់។សាប៊ូបង្កើនកម្រាស់សក់ ជាទូទៅមានផ្ទុកសារធាតុផ្សំដូចជា ប្រូតេអ៊ីន ដែលនឹងគ្របដណ្តប់ការពារសក់ នឹងធ្វើឲ្យភ្លឺរលោង។ ទោះជាយ៉ាងណាក៏ដោយ ការផ្តល់សំណើមគឺសំខាន់ ចៀស-វាងក្រែមបន្ទន់សក់ដែលមានកម្រិតខ្លាំងពេកព្រោះវាអាចបន្ថយទម្ងន់សក់ និងមើលទៅសក់ហាក់ដូចជាមានជាតិប្រេងច្រើន។ ការលេងម៉ូតសក់៖  ប្តូរម៉ូតសក់ញឹកញាប់ ហាក់ដូចជាការសម្លាប់សក់ខ្លួនឯងដូច្នេះដែរ។ នៅពេលធ្វើម៉ូតសក់ អ្នកគួរព្យាយាមចៀសវាង ផ្លុំសំងួតសក់ពេលវាកំពុងសើមជោគ ដោយទុកសក់ឲ្យស្ងួតតាមធម្មតា ពូតនឹងដៃ និងជូតដោយកន្សែងជាមុនសិន។ ការធ្វើម៉ូតសក់វែងដោយការចងតឹងពេក ជាមួយកៅស៊ូចងសក់ ជាការដាក់សម្ពាធដល់ស្បែកក្បាលនិងជាមូលហេតុនៃការដាច់សក់។ របបអាហារ៖  ទម្លាប់រស់នៅប្រចាំថ្ងៃ រួមជាមួយនឹងរបបអាហារ មានផលប៉ះពាល់ក្នុងផ្នែកដ៏ធំលើសុខភាពសក់។ ព្យាយាមបង្កើនបរិមាណអាហារសម្បូរប្រូតេអុីន ដូចជា ស៊ុត សណ្តែកសៀង សណ្តែកខៀវ និងសាច់។ អាហារសម្បូរជាតិដែក វីតាមីនA វិតាមីនB និងសារធាតុរ៉ែ វានឹងធានាឲ្យសក់របស់អ្នកទទួលបានសារធាតុចិញ្ចឹមគ្រប់គ្រាន់តាមតម្រូវការ។ ចាំថា ការជក់បារីនឹងធ្វើឲ្យសក់អ្នកងាយជ្រុះ និងឆាប់ក្លាយជាស្កូវ។ ជម្រើសត្រឹមត្រូវ រួមជាមួយការអនុវត្តដ៏ត្រឹមត្រូវ នឹងផ្តល់ឲ្យអ្នកនូវភាពស្រស់ស្អាតបែបធម្មជាតិ… © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

  ជាំ គឺជាការកើតឡើងនូវពណ៌លើស្បែកដែលបណ្តាលឲ្យពណ៌ស្បែកប្រែទៅជាពណ៌ក្រមៅជាងស្បែកធម្មតាកើតថ្មីៗ ហើយមានកម្រិតព្រំដែនច្បាស់លាស់។ គេសង្កេតឃើញថា «ជាំ» កើតមានលើស្រ្តីច្រើនជាងបុរស ហើយកើតលើមនុស្សចាប់ពីអាយុ២០ឆ្នាំឡើងទៅ​ តែមូលហេតុរបស់ជាំ​ មិនត្រូវបានបញ្ជាក់ ច្បាស់លាស់ទេ។ វាអាចបណ្តាលមកពីមូលហេតុច្រើនយ៉ាង គ្រាន់តែអាចសម្គាល់ឃើញថា វាមានទំនាក់ទំនង និងបម្រែបម្រួលរបស់អ័រម៉ូន និងកម្តៅថ្ងៃ។  សម្រាប់ការព្យាបាលបញ្ហាមុខជាំនេះ បើយោងតាមប្រសាសន៍របស់លោកស្រីវេជ្ជបណ្ឌិត ញ៉ែម ណាវី ឯកទេសសើស្បែក និងកាមរោគ នៃមន្ទីរពេទ្យបង្អែករាជធានីភ្នំពេញនិងម្ចាស់បន្ទប់ពិគ្រោះជំងឺរតនា គឺមានដូចខាងក្រោម ៖ 1.    ការព្យាបាលមួយផ្នែកត្រូវធ្វើឡើងទៅតាមកត្តាមូលហេតុដែលបង្កជាបញ្ហាមុខជាំនេះផ្ទាល់ ដែលមានន័យថា៖ • ប្រសិនបើស្ត្រីកំពុងតែពិសាថ្នាំពន្យារកំណើត គាត់ត្រូវបញ្ឈប់ការប្រើប្រាស់ថ្នាំនោះសិន • ចំពោះស្រ្តីទើបនឹងសម្រាលកូន ត្រូវរង់ចាំមើលរយៈពេល ៦ខែក្រោយសម្រាល • ចំពោះស្ត្រីមានផ្ទៃពោះក៏ត្រូវរង់ចាំសម្រាលកូនរួចរយៈពេល៦ខែក្រោយសម្រាលដូចគ្នា។ តែទោះជាក្នុងករណីណាក៏ដោយ   ការប្រើប្រាស់នូវមធ្យោបាយការពារកម្តៅថ្ងៃនានាក៏ត្រូវបានណែនាំទាំងចំពោះបុរស និងស្ត្រីដដែល ទៅតាមទម្រង់នៃប្រភេទរបស់ស្បែកដែលត្រូវបានបែងចែកជា៦ក្រុម។ 2.    ចំពោះការប្រើថ្នាំលាបផ្សេងទៀត  ដើម្បីកាត់បន្ថយនូវការឡើងយ៉ាងខ្លាំងនៃពណ៌របស់ស្បែក (Hyperpigmentation) ក៏ត្រូវប្រើតាមដំណាក់កាលផងដែរគឺចាប់ផ្តើមពី Kliment I, Kliment II, Kliment III និងបន្តការពារការឡើងពណ៌ស្បែកឡើងវិញដោយពពួក Alpha  Albutine ។ ចំពោះ Hydroquinone នៅតែមានការណែនាំឲ្យប្រើដដែលរួមជាមួយ Retine A និងពពួក Steroide ទៅតាមកម្រិតនៃការរលាករបស់ស្បែក។ បច្ចុប្បន្ន មានការព្យាបាលបន្ថែមឬ ទៅតាមកម្រិតនៃការឡើងពណ៌របស់ស្បែកដោយពពួក AHA ផងដែរ។ 3.    ចំពោះការព្យាបាលដោយថ្នាំលេបវិញ ការប្រើប្រាស់ Tranxamic acid (500mg) ពេលព្រឹក នៅតែត្រូវបានណែនាំឲ្យប្រើប្រាស់សម្រាប់ការព្យាបាលដូចគ្នា។ ស្វែងយល់បន្ថែម៖ ជាំមុខមិនមែនជាជំងឺ តែប៉ះពាល់ខ្លាំងដល់ផ្លូវចិត្ត ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

ចែករំលែក

​​អាល្លែកហ្ស៊ីស្បែកជាពាក្យបច្ចេកទេសពេទ្យដែលយើងអាចប្រែជាភាសាខ្មែរបានថាជំងឺប្រតិកម្មស្បែក។ អាល្លែកហ្ស៊ីស្បែកជាជំងឺប្រតិកម្មស្បែកដែលមាន បញ្ហាធ្វើឲ្យស្បែកយើងរលាករមាស់ ឬក៏មានបញ្ហាអ្វីមួយទៅលើស្បែកខុសប្រក្រតីហើយអាចមានកម្រិតស្រាល និងកម្រិតធ្ងន់។  ប្រេវ៉ាឡង់នៃអ្នកកើតជំងឺនេះតាមការសន្និដ្ឋានជាបឋមឃើញថាភាគច្រើនកើតមានលើមនុស្សពេញវ័យទាំងបុរសនិងស្ត្រីដែលអាចវាយតម្លៃទៅប្រហែលជា20%សម្រាប់ប្រទេសកម្ពុជាយើង។ បើយើងនិយាយពីអាល្លែកហ្ស៊ី ឬប្រតិកម្មនេះមានច្រើនប្រភេទផ្សេងៗគ្នាដូចជាអាល្លែកហ្ស៊ីផ្លូវដង្ហើម អាល្លែកហ្ស៊ីទូទៅក្នុងរាងកាយ អាល្លែកហ្ស៊ីស្បែក និងនៅមានប្រភេទអាល្លែកហ្ស៊ីផ្សេងៗទៀត។ ជាមួយគ្នានេះដែរ អាល្លែកហ្ស៊ីស្បែកក៏ជាជំងឺដែលគួរឲ្យ យកចិត្តទុកដាក់ខ្ពស់ផងដែរ។  មូលហេតុបង្ក មានមូលហេតុជាច្រើនដែលបណ្ដាលឲ្យកើតអាល្លែកហ្ស៊ីដែលយើងអនុញ្ញាតលើកយកមកបង្ហាញជូនមួយចំនួនដូចជា៖ -អាល្លែកហ្ស៊ីស្បែកបណ្ដាលមកពីកម្ទេចកម្ទីនៅក្នុងខ្យល់ (Airbomesubstances) កើតមកពីស្រ្ពៃយ៏បាញ់សម្លាប់ សត្វល្អិត (មូស កន្លាត រុយ)។ ពេលដែលយើងហិតចូលទៅ វាធ្វើឲ្យយើងអាល្លែកហ្ស៊ីស្បែក ឬ ផ្លូវដង្ហើមក៏មាន។ -អាល្លែកហ្ស៊ីស្បែកបណ្ដាលមកពីកម្ទេចក្រណាត់។ ភាគច្រើនវាប៉ះពាល់ចំពោះកម្មការនីរោងចក្រធ្វើការនៅកន្លែងដែលមានកម្ទេចក្រណាត់ហុយ។ ពេលដែលវាមកប៉ះនឹងស្បែក​ ឬត្រូវបានស្រូបតាមប្រដាប់ដង្ហើមវាអាចបង្កឲ្យ ប្រតិកម្មដល់ស្បែក។ -អាល្លែកហ្ស៊ីស្បែកបណ្ដាលមកពីសារធាតុគីមីដែលគេប្រើនៅក្នុងស្បែកជើង ឬសម្លៀកបំពាក់ក៏អាចធ្វើស្បែកមានកន្ទួលរមាស់នៅពេលដែលយើង ពាក់ឬប្រើប្រាស់វា។ -អាល្លែកហ្ស៊ីស្បែកបណ្ដាលមកពីការប្រើប្រាស់ផលិតផល Cosmetic មួយចំនួន។ យើងដឹងស្រាប់ហើយថា ថ្នាំលាប លេជួយបង្កើន​សម្រស់ ថ្នាំជម្រុះរោម ដែលបច្ចុប្បន្នមានយ៉ាងច្រើនសន្ធឹកនៅលើទីផ្សារក៏អាចធ្វើឲ្យមានប្រតិកម្មស្បែកដែរ។ បន្ថែមលើនេះ ពពួកនេលផូលីស(NailPolish) ដូចជា ប្រដាប់ខាត់ក្រចក ថ្នាំបំបាត់ក្លិន ​ថ្នាំប្ដូរពណ៏សក់  ទឹកអប់ ថ្នាំដែលប្រើនៅបន្ទាប់ទឹកសាប៊ូដុះខ្លួនជាដើម សុទ្ធតែអាចបង្កឲ្យមានអាល្លែកហ្ស៊ីស្បែកបាន។ -អាល្លែកហ្ស៊ីបណ្ដាលមកពីសារធាតុនៅក្នុងរោងចក្រ (ផ្លាស្ទិក) សារធាតុផ្សំមួយចំនួននៅក្នុងថ្នាំលាបរឺត បំបាត់ឈឺដៃជើង ម្សៅឡាក់ទិច (ក្នុងស្រោមដៃ ស្រោមអនាម័យ ប៉េងប៉ោង)។ -អាល្លែកហ្ស៊ីបណ្ដាលមកពីការបរិភោគចំណីអាហារ ជាពិសេសអាហារមួយចំនួនដូចជា ត្រី បង្កងសមុទ្រ បង្គា ក្តាម លៀស ខ្យង ស្រាបៀរ ។ល។ -អាឡែកស៊ីបណ្ដាលមកពីមូលហេតុផ្សេងទៀតមាន៖ ការពាក់នាឡិកាដៃ ខ្សែក ខ្សែដៃ សារធាតុម្សៅនៅក្នុងខ្សែភ្លើង ជ័រស្វាយ កាំរស្មីថតស្កែន (មិនមែនទាំងអស់នោះទេ) ត្រូវកម្ដៅថ្ងៃយូរ ពពួកសត្វសង្កើច អាត់ ក៏សុទ្ធតែអាចធ្វើឲ្យប្រតិកម្មស្បែកដែរ។ រោគសញ្ញា ដោយឡែក ចំពោះរោគសញ្ញានៃជំងឺអាល្លែកហ្ស៊ីវិញមានខុសៗគ្នាអាស្រ័យលើមូលហេតុដែលបង្កជំងឺឡើង។ ឧទាហរណ៏អ្នកជំងឺគាត់អាល្លែកហ្ស៊ីដោយការប្រើទឹកអប់ ឬសាប៊ូដុសខ្លួន។ នៅពេលដែលគាត់ប្រើ ឬដុសវាត្រង់ណា គាត់នឹងមានកន្ទួលរមាស់ ត្រង់កន្លែងនោះ។  ស្របគ្នានេះអ្វីដែលអាចកត់សម្គាល់បាននោះគឺនៅពេលដែលលោកអ្នកមានអាល្លែកហ្ស៊ីស្បែក លោកអ្នកអាចមានបញ្ហាលើស្បែក ដូចជា អាចឈឺអាចរមាស់អាចឡើងកន្ទួលក្រហមឬក៏មានមេរោគអ្វីមួយបង្កពីលើវាទៅជាខ្ទុះក៏ថាបាន។ ជាងនេះទៅទៀត រោគសញ្ញទាំងអស់អាចនឹង វិវឌ្ឍទៅជាជំងឺផ្សេងៗ បើយើងព្យាបាលមិនបានទាន់ពេលវេលា។ វិធីព្យាបាល ពិតណាស់អាល្លែកហ្ស៊ីស្បែកជាជំងឹដែលមិនអាចព្យាបាលអោយជាសេះស្បើយបានទេ​។ យើងមានវិធីព្យាបាល២ប្រភេទធំៗ គឺ៖  -វិធីទី១ទាមទារឲ្យដឹងថា តើមានមូលហេតុអ្វីដែលបណ្ដាលឲ្យលោកអ្នកកើតប្រតិកម្មលើស្បែក។ ពេលដឹងពីប្រភពបង្កហេតុ ហើយគ្រាន់តែចៀសវាង មូលហេតុ នោះទៅអាចគេចផុតពីបញ្ហាបានហើយ។ -វិធីទី២គឺ៖ពេលមានបញ្ហាស្បែកដោះស្រាយដោយខ្លួនឯងមិនចេញយើងត្រូវមកទទួលយកការប្រឹក្សាយោបល់ព្យាបាលពីគ្រូពេទ្យឯកទេសខាងរោគសើស្បែក។ គ្រូពេទ្យនឹងបង្ហាញពីវិធីដោះស្រាយបញ្ហាដែលកើតមាននៅលើស្បែកលោកអ្នកឲ្យលោកអ្នកប្រើប្រាស់ថ្នាំព្យាបាលពេលខ្លះមានស្រ្ពៃយ៏បាញ់ពេលខ្លះត្រូវ ប្រើថ្នាំគ្រាប់ញុំា ពេលខ្លះថ្នាំលាបជាដើម។ ជារួមយើងមិនដឹងថាស្បែកមនុស្សម្នាក់ៗមានប្រតិកម្មនឹងសារធាតុអ្វីមួយនោះទេទោះជាគ្រូពេទ្យក៏ដោយ។ ករណីណាមួយដែលយើងញុំា ឬទៅប៉ះសារធាតុ អ្វីមួយបណ្ដាលឲ្យចេញអាល្លែកហ្ស៊ីអ្នកគួរកត់ចំណាំខ្លួនឯងហើយត្រូវតមឬបើមិនអាចជៀសបានអ្នកត្រូវទៅពិគ្រោះជាមួយគ្រូពេទ្យជំនាញជាមុន មុននឹងញុំា ឬប្រើប្រាស់នោះឡើងវិញ៕ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

ចែករំលែក

  ជំងឺមុន គឺជាជំងឺសើស្បែកដែលកើតឡើងដោយការរលាកក្រពេញ​​ គល់រោមដែលជួបញឹកញាប់បំផុតក្នុងចំណោមមនុស្សពេញវ័យ ដែលមានអាយុពី១៥ឆ្នាំ(អាចមុន១៥)ទៅ២៥ឆ្នាំ(ឬលើសនេះ)។ គេសង្កេតឃើញថា បុរសកើតមុនធ្ងន់ធ្ងរជាងស្ត្រី។ នេះបញ្ជាក់ថា វាមានទំនាក់ទំនងយ៉ាងជិតស្និទជាមួយនឹងអ័រម៉ូនភេទបុរស គឺអង់ដ្រូហ្សែនដែលមានឥទ្ធិពលលើការបញ្ចេញសេបូម(ខ្លាញ់)នៃ ក្រពេញខ្លាញ់គល់រោម។​​ វាអាចមានលក្ខណៈគ្រួសារបើឪពុកឬម្តាយកើតមុនពីក្មេងកូនៗ​ ក៏អាចកើតមុនដូចឪពុកម្តាយដែរ។  ក្រៅពីនេះ មានកត្តាផ្សេងៗទៀត ជាច្រើនដែលអាចបង្កជាមុនផងដែរ ដូចជាថ្នាំលេប ថ្នាំចាក់ ថ្នាំលាប ផលិតផលលាបលើស្បែកមុខ គ្រឿងសំអាង និងកត្តាបរិស្ថាន ជាដើម។ ជំងឺមុន មិនកើតឡើងដោយសារចំណីអាហារទេ។ ជំងឺមុនកើតឡើងនៅលើមុខ ទ្រូង ខ្នង ដើមដៃ និងអាចកើតនៅកំប៉េះគូថ។ វាអាចជាគ្រាប់មុនតូចៗ(មុនខ្សាច់) កជាខ្ទុះតូច ធំដែលអាចបង្កជាសម្លាកនៅពេលវាជាទៅវិញ។ កាលណាមិនបានព្យាបាលទាន់ពេល វាបន្សល់ទុកនូវផលវិបាក ធ្ងន់ធ្ងរដែលពិបាកព្យាបាលគឺ សម្លាក-មុខខ្មូត។ ការព្យាបាល គឺការលាងសម្អាតខ្លាញ់ដោយសាប៊ូ (Cleanser) លាបអាស៊ីតវិតាមីនអា(Vitamin A acid) លាបឬលេបអង់ទីប៊ីយ៉ូទិក (សម្រាប់សម្លាប់មេរោគមុន)។ល។  រីឯការញេចមុនវិញ មិនមែនជាជម្រើសល្អទេ គួរតែត្រូវបានធ្វើឡើងដោយ វេជ្ជបណ្ឌិតជំនាញ ឬដោយគិលានុប្បដ្ឋាកដែលបាន ឆ្លងកាត់ការ សិក្សាផ្នែកនេះ។ បើពុំនោះទេ វាអាចបង្កនូវផលវិបាកផ្សេងៗដូចជា ដំបៅក្លាយ ជាពិសេស គឺសម្លាក។ ក្រៅពីនេះ គេក៏អាចព្យាបាល ជំងឺមុនបាន ដោយម៉ាស៊ីនឡាស៊ែររៀង១ខែ១ដង។ គេអាចព្យាបាលមុខសម្លាក-មុខខ្មូតដោយសារជំងឺមុន ដោយប្រើ ថ្នាំលាប និងឡាស៊ែរ Fractional CO2 (សូមមើលឯកសារមុនៗ)។ សម្រាប់ចម្ងល់ផ្សេងៗរាល់ជំងឺសើស្បែក សូមសរសេរក្នុងខំមិន ឬទាក់ទងតាមទូរស័ព្ទ012 533 355 យើងខ្ញុំនឹងបកស្រាយជូនគ្រប់សំនួរ ឬមកកាន់គ្លីនិកយើងខ្ញុំដែលមានអស័យដ្ឋាន ផ្ទះលេខ៧៤អឺអូ ផ្លូវមុនីរ៉េត(ផ្លូវ២១៧) សង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ( ក្បែរគ្លីនិកវិសាលសុខផ្លូវទៅផ្សារដើមគ)

ចែករំលែក

ពណ៍សម្បុរស្បែករបស់មនុស្សមានច្រើនប្រភេទតាមពូជសាសន៍ ប៉ុន្តែប្រសិនមានការប្រែប្រួលពណ៍នៃស្បែកខុសពីធម្មតា​អាចបង្ហាញថាស្បែករបស់អ្នកកំពុងមានបញ្ហា។ គួរបញ្ជាក់ថា មូលហេតុមួយនេះអាចបណ្តាលមកពីជំងឺស្បែកម៉្យាងហៅថា ឃ្លង់ល្ពៅ។ ឃ្លង់ល្ពៅជាជំងឺដែលធ្វើឲ្យស្បែកប្រែទៅជាពណ៍សខុសធម្មតាហើយវាមកពីការស្លាប់នៃកោសិកាផលិតពណ៍។ ជំងឺស្បែកនេះអាចកើតមានឡើងចំពោះមនុស្សគ្រប់វ័យអាចកើតមាននៅលើផ្ទៃមុខដងខ្លួនចុងដៃចុងជើង និងតាមជាលិកាទន់ដូចជាភ្នែក ច្រមុះ បបូរមាត់។   តាមរយៈ លោកវេជ្ជបណ្ឌិត ព្រហ្ម ផានិត ឯកទេសជំងឺស្បែក និងកាមរោគនៃមន្ទីរពេទ្យមិត្តភាពខ្មែរ-សូវៀត និងជាប្រធានគ្លីនិកសើស្បែក ណង់ស៊ី បានមានប្រសាសន៍ថា “ជំងឺនេះមិនមានការឆ្លងពីមនុស្សម្នាក់ទៅមនុស្សម្នាក់ទៀតនោះទេ ដោយសារវាកើតឡើងដោយប្រព័ន្ធការពាររបស់ខ្លួនយើងផ្ទាល់ប្រឆាំងនឹងខ្លួនឯង(Auto Immune)។ ឯកត្តាសេនេទិចក៏មិនទាន់បានបញ្ជាក់ឲ្យច្បាស់លាស់ផងដែរដោយគ្រាន់តែអាចដឹងថាបើគ្រួសារមួយមានជំងឺឃ្លង់ល្ពៅនេះកូនចៅ ឬចៅទួតអាចមានកើតជំងឺនេះប៉ុន្តែអាចនឹងអត់កើតផងដែរ។       ជាចុងក្រោយប្រសិនបើបងប្អូនប្រិយមិត្តអានទាំងឡាយបានជួបប្រទះ ឬមានការសង្ស័យថាខ្លួនមានស្បែកខុសធម្មតាគួរតែទៅជួបជាមួយនឹងគ្រូពេទ្យឯកទេសខាងសើស្បែកដើម្បីពិនិត្យ និងធ្វើរោគវិនិច្ឆ័យឲ្យបានត្រឹមត្រូវចៀសវាងការយល់ខុស និងការប្រើប្រាស់ថ្នាំដោយគ្មានវេជ្ជបញ្ជាដែលអាចបណ្តាលឲ្យប៉ះពាល់ដល់សុខភាព។ ស្វែងយល់បន្ថែម ជំងឺឃ្លង់ល្ពៅ   © 2017 រក្សាសិទ្ធិគ្រប់យ៉ាង​ដោយ Healthtime Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ   

ចែករំលែក

សម្រាប់នារី សម្រស់ទាមទារការយកចិត្តទុកដាក់ថែរក្សាជាទៀងទាត់។ នៅក្នុងយុគដែលនារីត្រូវចេញទៅធ្វើការជារៀងរាល់ថ្ងៃពេលវេលាដែលអាចចំណាយទៅលើការកែសម្រស់ក៏ថយចុះ។ ប៉ុន្តែនរណាប្រាប់ថាទាល់តែទៅហាងទើបអាចរក្សាសម្រស់បាន? ខាងក្រោមនេះជាវិធីរក្សាសម្រស់ថែទាំទាំង៥ដែលអ្នកអាចធ្វើដោយខ្លួនឯង បាននៅផ្ទះ។ បញ្ហាភ្នែកខ្មៅ៖ ដើម្បីដោះស្រាយបញ្ហានេះ នារីក្រាន់តែយកកញ្ចប់តែដែលប្រើរួចយកមកដាក់នៅលើភ្នែកទាំងសងខាងដែលមានស្មាមជាំនោះជាការស្រេច។ ជាតិកាហ្វេអ៊ីននៅក្នុងកញ្ចប់តែនឹងជួយបន្ថយអាការៈហើមនៃ សរសៃឈាមនៅបរិវេណជុំវិញភ្នែក ធ្វើឲ្យភ្នែកភ្លឺថ្លានិងបំបាត់បញ្ហាភ្នែកខ្មៅ។ ប្រសិនបើអ្នកមិនមានកញ្ចប់តែ អ្នកអាចយកដំឡូងបារាំងទៅក្លាសេ្សក្នុងទូរទឹកកកឲ្យត្រជាក់បន្ទាប់ពីនោះត្រូវយកដំឡូងបារាំងមកចិតសម្បកចេញរួចហាន់ស្ដើងៗ ហើយយកដំឡូងដែលហាន់រួចមកដាក់បរិវេណភ្នែកដែលជាំខ្មៅ។ ដំឡូងបារាំងនឹងជួយកាត់បន្ថយបញ្ហាភ្នែកហើមជាំខ្នៅបានដូចគ្នាដែរ។ សក់ដែលមានសុខភាពល្អ៖ វិធីងាយៗចំណាយតិចតែទទួលបានផលច្រើននោះគឺយកស៊ុតមាន់ចំនួន ១ យកតែផ្នែកក្រហម ផ្លែប៊័រមួយភាគបួន ផ្លែប្រេងអូលីវ ២ស្លាព្រាបាយ និង Conditioner មួយប្រអប់ដៃមកលាយបញ្ជូលគ្នារួចលាបទៅលើសក់ ទុកចោល ១ទៅ២ម៉ោងហើយលាងចេញនោះអ្នកនឹងទទួលបានសក់ទន់រលោងមានសុខភាពល្អជាងមុនដោយមិនចាំបាច់ចំណាយប្រាក់ច្រើន ។ មុនសាច់៖ ជាប្រភេទមុនដែលប៉ោងធំឡើងលើផ្ទៃមុខ ឬតាមផ្នែកផ្សេងៗនៃរាងកាយ។ ប្រសិនបើមានមុនសាច់កើតឡើងអ្នកគួរយកថ្នាំដុសធ្មេញមកលាបពីលើមុននោះមុនពេលចូលគេង។ ជាតិដីធម្មជាតិ និងជីអង្កាមនៅក្នុងថ្នាំដុសធ្មេញជួយកាត់បន្ថយភាពហើមរបស់មុន និងជួយមិនឲ្យមានស្នាម។ ប្រការដែលត្រូវចៀសវាងជាដាច់ខាតនោះ គឺមិនត្រូវសង្កត់ ឬញេចមុនសាច់ឡើយ ព្រោះក្រៅពីបណ្ដាលឲ្យមានស្នាមហើយវានៅធ្វើឲ្យមុនកើនឡើងច្រើនជាងមុនថែមទៀត។ ស្បែកទន់រលាង៖ ដាក់ប្រេងដូងកន្លះកែវចូលក្នុងម៉ៃក្រូវ៉េវដើម្បីកម្ដៅឲ្យល្មមតែមិនត្រូវឲ្យប្រេងពុះឡើយ។ បន្ទាប់ពីប្រេងដូងក្ដៅល្មមហើយដាក់ស្ករក្រហមកន្លះកែវចូលរួចច្របាច់ក្រូចឆ្មារ ៣ចំណិតចូលហើយកូរឲ្យសព្វ។ ប្រេងដូងជួយបន្ថែមសំណើមដល់ស្បែកខណៈដែលស្ករក្រហម និងក្រូចឆ្មារជួយជម្រុះស្បែកដែលស្ងួត ឬងាប់ចោល។ ល្បាយខាងលើនេះអាចយកមកលាបនៅលើខ្លួនប្រាណគ្រប់កន្លែងទាំងអស់ ទុករយៈពេល ២០ទៅ៣០នាទី រួចលាងចេញជាការស្រេច។ កន្ទួលលើស្បែកមុខ៖ នៅពេលដែលអ្នកហត់នឿយខ្លាំងឬមានអារម្មណ៏ស្មុគស្មាញខ្លាំងស្បែករបស់អ្នកនឹងមានឡើងកន្ទួលក្រហម។ដើម្បីបំបាត់អាការៈកន្ទួលក្រហមនៅលើស្បែកមុខនេះអ្នកអាចយកចេកទុំមកកិនឲ្យម៉ដ្ឋលាយជា មួយទឹកឃ្មុំមួយស្លាបព្រាទឹកធម្មតាមួយស្លាបព្រានិងក្រែមបំប៉នស្បែកមុខពីរស្លាបព្រា។ចេកសម្បូរទៅដោយវីតាមីនAនិងវីតាមីនEដែលអាចជួយកាត់បន្ថយភាពក្រហមលើស្បែកចំណែកក្រែមបំប៉នជួយឲ្យស្បែកទន់ រលាងនឹងមានសំណើម។ លាបល្បាយនេះលើមុខរយៈពេល១០នាទីរូចលាងទឹកចេញ៕ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

ចែករំលែក

តាំងពីបរមបុរាណមកនារីខ្មែរតែងប្រកាន់ប្រពៃណីខ្ជាប់ខ្ជួនដោយកម្រដើរហើរចេញក្រៅផ្ទះណាស់។ ភាគច្រើននារីពេញវ័យគ្រប់ការត្រូវចូលម្លប់ សម្អិតសម្អាងខ្លួនប្រាណ និងរៀនសូត្រតម្រាក្បួនច្បាប់នានា។ រហូតមកដល់សម័យនេះហើយនារីៗក្រោយពីរៀនចប់ត្រូវចេញធ្វើការរកប្រាក់ចំណូលផ្គត់ផ្គង់ខ្លួនឯង និងគ្រួសារ មិនសូវមានពេលថែទាំខ្លួនប្រាណប៉ុន្មានទេ។ ខាងក្រោមនេះជាគន្លឺះរក្សាសម្រស់របស់នារីធ្វើការិយាល័យអាចធ្វើដោយខ្លួន ឯងនៅផ្ទះបាន​។​ សុខភាព៖ សម្រាប់នារីដែលធ្វើការការិយាល័យសម័យនេះធ្វើការច្រើនគួរសមហេតុនេះទើបនាទីសុខភាពសូមណែនាំឲ្យអ្នកចាប់ផ្ដើមថែទាំសុខភាព ជាពិសេសគឺសុខភាពផ្លូវកាយ ហើយអ្វីដែលសំខាន់បំផុតគឺមិនត្រូវទទួលទានទឹកតិចពេក និងមិនត្រូវទទួលទានដំណេកតិចពេកនោះទេ។ ការខ្វះខាតលើកត្តាដែលបានលើកឡើងទាំងពីខាងលើនេះប្រសិនបើយើងមិនបានយកចិត្តទុកដាក់លើវាទេនោះទោះយើងប្រើប្រាស់ផលិតផលជំនួយពីឋានសួគ៌ក៏ដោយក៏វាមិនអាចជួយឲ្យបានផលដែលអ្នកចង់បានដែរ។ សូមទទួលទានទឹកឲ្យបានច្រើនព្រោះវានឹងជួយឲ្យស្បែកស្រស់ថ្លាមានសម្រស់មិនស្រអាប់ប្រផេះ ចំណែកការទទួលទានដំណេកក៏ដូចគ្នាដែរ។ បើកាលណាអ្នកទទួលទានដំណេកបានគ្រប់គ្រាន់ ស្បែករបស់អ្នកក៏មានសុខភាពល្អទៅតាមនោះដែរ។ ភ្នែក៖ បញ្ហាដែលច្រើនកើតមានសម្រាប់ភ្នែកនោះគឺស្នាមខ្មៅក្រោមភ្នែក ដែលជាបញ្ហាពិបាកដោះស្រោយបំផុត។ ដើម្បីដោះស្រាយបញ្ហានោះនារីៗគួរតែទទួលទានដំណេកឲ្យបានគ្រប់គ្រាន់។ ប៉ុន្តែក្នុងការដែលមិត្តនារីរវល់ខ្លាំងដោយមានការងារជាច្រើនត្រូវបង្ហើយរហូតដល់ពេលយប់ជ្រៅហើយធ្វើឲ្យនៅក្រោមភ្នែករបស់អ្នកមានសភាពខ្មៅហើម។ អ្នកអាចដោះស្រាយបញ្ហានេះបានដោយយកកញ្ចប់តែដែលប្រើរួចយកមកដាក់នៅលើភ្នែក ទាំងសងខាង១០ពី ១៥នាទីទៅ នាទីរួចលាងភ្នែកជាការស្រេច។ ស្បែក៖ ការថែទាំស្បែកភាគច្រើនតែងតែចៀសមិនរួចពីករណីស្បែកស្ងួតគ្មានសំណើម និងអាចម៏រុយនោះទេ។ បើស្បែកស្ងួតក៏ឲ្យទទួលទានទឹកឲ្យច្រើន ចំណែករឿងអាចម៏រុយវិញវាអាចជាបញ្ហាធ្ងន់ធ្ងរបន្តិច។ ប្រសិនបើអាចម៏រុយកើតលើស្បែកហើយ ទាមទារឲ្យមានការយកចិត្តទុកដាក់ថែរក្សាឲ្យបានជិតដិតទើបអាចម៏រុយអាចបាត់ទៅវិញបាន។ ក្នុងករណីដែលមិនទាន់មានអាចម៏រុយកើតឡើងទេនោះមិត្តនារីគួរ បង្កើតទម្លាប់លាបឡេការពារកម្តៅថ្ងៃមុននឹងចេញហាលក្ដៅ។ ការលាបឡេនេះនឹងជួយការពារស្បែករបស់អ្នកពីកម្ដៅថ្ងៃដែលជាដើមហេតុនៃ អាចម៏រុយ។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។    

ចែករំលែក

តាមរយៈប្រសាសន៍របស់លោកវេជ្ជបណ្ឌិត យិន វុឌ្ឍី បានឲ្យដឹងថា«ស្នាមជ្រីវជ្រួញនៅលើផ្ទៃមុខច្រើនកើត ជាពិសេសចាប់ពីអាយុ30ឆ្នាំឡើងទៅហើយ ក៏អាចមានស្នាមជ្រួញខ្លះកើតចាប់ពីអាយុ25ឆ្នាំដែរ»។ វាអាចមានកត្តាចម្បងចំនួនពីរដែលបង្កឲ្យមានបញ្ហាជ្រីវជ្រួញគឺ កត្តាខាងក្នុង​ (តំណពូជ អាយុច្រើន)​ និង កត្តាខាងក្រៅ (កម្តៅថ្ងៃ គេងមិនគ្រប់គ្រាន់ ជក់បារី)។​ ទាក់ទងនឹងការព្យាបាល បើគ្មានវេជ្ជបញ្ជាពីគ្រូពេទ្យជំនាញវានឹងអាចបង្កឲ្យមានបញ្ហាដល់ស្បែកធ្ងន់ធ្ងរ។ ក្រៅពីការប្រើប្រាស់ផលិតផលថែរក្សាសម្ផស្ស យើងមានវិធីផ្សេងៗជាច្រើនទៀតដូចជា៖ ការប្រើថ្នាំលាប ការប្រើថ្នាំចាក់ ការភៀលមុខ Face lifting with laser, Botox, Thread lift, ការប្រើម៉ាស៊ីនបន្តឹងស្បែកមុខ និង Surgery. នៅពេលលោកអ្នកទទួលការព្យាបាលរួច លោកអ្នកគួរមានវិធីការពារ ឬថែរក្សាផ្ទៃមុខដោយមាន ការការពារពីកម្តៅថ្ងៃឲ្យបានល្អ និងលាបឡេថែរក្សាស្បែកឲ្យបានជាប្រចាំទើបយើងទទួលផលរយៈពេលយូរ។   ស្វែងយល់បន្ថែម ការប្រឆាំងនឹងភាពជ្រីវជ្រួញ ពីលោកវេជ្ជបណ្ឌិត យិន​ វុឌ្ឍី ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

ចែករំលែក
Top