• Jun 14, 2017 |
• 8 years ago |
• 5.1K views

គ្រាន់តែធ្វើចលនាម្រាមដៃទាំងនេះ....លទ្ធផលមិនគួរឲ្យជឿ

ធ្លាប់ដឹងដែរឬទេថា ដៃរបស់អ្នកមានទំនាក់ទំនងបែបណាខ្លះទៅនឹងថាមពលផ្លូវកាយ និងផ្លូវចិត្តរបស់អ្នក?  ការធ្វើចលនាតែបន្តិចបន្តួចនៅលើដៃរបស់អ្នក គឺពិតជាមានឥទ្ធិពលលើការសម្រាលដល់បញ្ហាខ្លះដែលអ្នកអាចនឹងមិនធ្លាប់នឹកគិតដល់ នេះបើយោងតាមការសិក្សាស្រាវជ្រាវរបស់អ្នកជំនាញផ្នែករេផ្លិច (Reflexologist)… មេដៃ មេដៃ ពាក់ព័ន្ធនឹងអាការៈថប់អារម្មណ៍ និងឈឺក្បាល។ប្រសិនបើអ្នកកំពុងមានការឈឺក្បាល ចូរអ្នកសាកល្បងក្ដាប់មេដៃរបស់អ្នកថ្នមៗរយៈពេល៥នាទី។ អ្នកជំនាញផ្នែករេផ្លិចបាននិយាយថា វានឹងជួយបំបាត់នូវការឈឺចាប់។ ចង្អុលដៃ ម្រាមនេះគ្រប់គ្រងការឈឺចាប់សាច់ដុំ ក៏ដូចជាអារម្មណ៍អស់សង្ឃឹម ភ័យខ្លាច និងភាពអាម៉ាស់។ តាមរយៈការសិក្សានៅឯ University of Minnesota បានបង្ហាញថា អ្នកជំងឺដែលមានបញ្ហាឈឺខ្នង និងឈឺសាច់ដុំបានធូរស្បើយក្រោយពេលទទួលបានការព្យាបាលតាមរយៈរេផ្លិច។ ក្ដាប់ម្រាមចង្អុលរបស់អ្នកដោយដៃម្ខាងទៀតរបស់អ្នករយៈពេល៥នាទី។ ម្រាមកណ្ដាល ការប្រើដៃម្ខាងទៅក្ដាប់ម្រាមកណ្ដាលនៃដៃម្ខាងទៀតអាចជួយឲ្យអ្នកបានធូរស្រាលជាងមុន ប្រសិនបើអ្នកមានអារម្មណ៍រំខានធុញថប់ ខឹង ឬក៏នឿយហត់ជាងធម្មតា។ ការសិក្សាបានបង្ហាញថា ការធ្វើបែបនេះអាចបន្ថយសម្ពាធឈាម និងធ្វើឲ្យអ្នកមានអារម្មណ៍ស្ងប់ជាងមុន។ ម្រាមដៃនាង អារម្មណ៍បែបអវិជ្ជមាន និងការកើតទុក្ខនឹងរលាយបាត់ទៅវិញ ប្រសិនបើអ្នកក្ដាប់ម្រាមដៃនាងរបស់អ្នកថ្នមៗរយៈពេល៥នាទី។ កុំភ្លេចធ្វើចិត្តឲ្យស្ងប់ និងផ្ដោតអារម្មណ៍ទៅនឹងការដកដង្ហើមរបស់អ្នក។ ម្រាមកូនដៃ កូនដៃ មានទំនាក់ទំនងទៅនឹងការគោរព និងផ្ដល់ភាពជឿជាក់ដល់ខ្លួនឯង អារម្មណ៍តានតឹង និងភាពភ័យខ្លាច។ ប្រសិនបើអ្នកងាយនឹងបន្ថយតម្លៃខ្លួនឯង អ្នកគួរតែគិតអំពីការម៉ាស្សាដោយក្ដាប់កាន់កូនដៃរបស់អ្នករយៈពេល៥នាទី ហើយអ្នកគួរព្យាយាមគិតពីអ្វីដែលល្អៗ ពេលដែលធ្វើសកម្មភាពបែបនេះ។ បាតដៃ ប្រើម្រាមដៃរបស់អ្នកសង្កត់ឲ្យចំចំណុចកណ្ដាលនៃបាតដៃម្ខាងទៀត ហើយម៉ាស្សាវាក្នុងចលនាជារាងរង្វង់ និងដកដង្ហើមចេញចូលឲ្យបានវែងៗចំនួន៣ដង។ អ្នកជំនាញផ្នែករេផ្លិចបានប្រាប់ថា ការម៉ាស្សាបែបនេះឲ្យបានទៀងទាត់អាចជួយបង្ការការចង្អោរ ភាពតានតឹងផ្លូវចិត្ត រាគ និងការទល់លាមកជាដើម។ ការផ្គុំដៃទាំងពីរចូលគ្នា ការដាក់ដៃបែបនេះច្រើនត្រូវបានប្រើជាញឹកញាប់ក្នុងការតាំងសមាធិ។ វាជួយឲ្យអ្នកផ្ដោតអារម្មណ៍បានល្អ និងធ្វើឲ្យគំនិតរបស់អ្នកគ្មានភាពច្របូកច្របល់។ ការផ្គុំដៃទាំងសងខាងរបស់អ្នកចូលគ្នាអាចបង្កើនចលនាឈាមឲ្យបានល្អ។ លាតបាតដៃ ហើយយកម្រាមដៃនាងផ្គួបនឹងមេដៃ (Surya Mudra) ការធ្វើដៃបែបនេះនឹងជួយការរំលាយអាហារ និងប្រតិកម្មមេតាបូលីសក្នុងរាងកាយអ្នកកាន់តែប្រសើរឡើង។ តិចនិកនេះ គឺត្រូវបានប្រើសម្រាប់អ្នកដែលមានសីតុណ្ហភាពទាបក្នុងឈាម និងអ្នកដែលបាត់បង់ចំណង់អាហារ។ រឿងបែបៗនេះ បើមិនសាក គឺមិនដឹងពីប្រសិទ្ធភាពនោះឡើយ…ដើម្បីដឹងថាអ្វីដែលបានលើកឡើងខាងលើនេះ ពិតជាមានភាពអស្ចារ្យប៉ុណ្ណានោះ សូមសាកល្បងទាំងអស់គ្នា… ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។​​​

• Jun 14, 2017 |
• 8 years ago |
• 4.4K views

ចំណុច៤យ៉ាងដែលអាចបំផ្លាញសុខភាពទ្វារមាស

សម័យបច្ចុប្បន្នស្រ្តីភាគច្រើនតែងតែរកវិធីសាស្រ្តថ្មីៗ ប្លែកៗដើម្បីទទួលបានចំណាប់អារម្មណ៍ពីអ្នកដទៃ។ អ្វីដែលគួរឲ្យកត់ចំណាំ និងព្រួយបារម្ភនោះ គឺបញ្ហាដែលជះឥទ្ធិពលមកពីការចង់បានភាពស្រស់ស្អាតទាំងនោះ។ អត្ថបទមួយនេះនឹងបង្ហាញស្រ្តីគ្រប់រូបពីចំណុចសំខាន់ បួនផ្សេងៗដែលបង្កការរំខានដល់សុខភាពមនុស្សស្រីជាពិសេសទ្វារមាស។   ១. ខោទ្រនាប់ ស្រ្តីទូទៅវ័យក្មេងជាច្រើន និយមចូលចិត្តស្លៀកខោទ្រនាប់ស៊ិចស៊ីដែលផលិតឡើងពីសារធាតុសំយោគខ្សែតូចងាយមានសំណើមជាហេតុនាំឲ្យមេរោគឆ្លងបានរហ័សទៅលើទ្វារមាស។ ដូច្នេះ អ្នកជំនាញសំណូមពរឲ្យមិត្តស្រ្តីទាំងអស់គួរជ្រើសរើសខោទ្រនាប់ផលិតឡើងពីកប្បាសដោយវាមានលក្ខណៈទន់សមស្របនឹងរូបរាងងាយស្រួលបត់បែន លើសពីនេះវាក៏មានលក្ខណៈស៊ិចស៊ីមានភាពទាន់សម័យផងដែរ។   ២. ជម្រុះសក់ជុំវិញទ្វារមាស មនុស្សស្រីមួយចំនួនតែងយល់ខុសហើយធ្វើការជម្រុះសក់ជុំវិញទ្វារមាសដើម្បីទទួលបានភាពស៊ិចស៊ីតែនេះគឺជាការយល់ខុសទាំងស្រុង។ យោងទៅតាមអ្នកឯកទេសខាងរោគស្រ្តី ការជម្រុះសក់ជុំវិញទា្វរមាសបង្កភាពងាយស្រួលក្នុងការចម្លងរោគផ្សេងៗក្នុងនោះក៏អាចឆ្លងតាមរយៈការរួមភេទផងដែរដូចជា ជំងឺស្វាយ ប្រមេះ ជាដើម។   ៣. ប្រើប្រាស់ទឹកបាញ់សម្រាប់លាងទា្វរមាស ជាការពិតនៅជុំវិញទ្វារមាសមានបាក់តេរីល្អៗមួយចំនួនដែលអាចការពារស្រ្តីពីការឆ្លងមេរោគផ្សេងៗបង្កឡើងពីបរិស្ថានខាងក្រៅជាដើម។ ប្រសិនបើអ្នកប្រើប្រាស់ទឹកបាញ់លាងទ្វារមាសនោះវាអាចធ្វើឲ្យបាត់បង់នូវបាក់តេរីល្អៗទាំងនោះហើយគ្មានអ្វីការពារពីមេរោគខាងក្រៅទៀតទេ។ បញ្ហាធ្ងន់ធ្ងរអាចធ្វើឲ្យស្រ្តីមិនអាចបង្កកំណើតបានទៀតផង។ ដូច្នេះស្រ្តីគួរចៀសវាងវិធីសាស្រ្តសំអាតដោយប្រើទឹកបាញ់លាងនេះទៀតទៅ គួរតែជ្រើសរើសវិធីសាស្រ្តរក្សាអនាម័យផ្សេងវិញ។   ៤. ការបរិភោគអាហារដែលមានក្លិនឆួលខ្លាំង និងសារធាតុផ្អែម ធម្មតា បើទ្វារមាសរងការឆ្លងមេរោគផ្សេងៗនោះនឹងបង្កឲ្យមានក្លិនមិនល្អកើតឡើង។ មិនតែប៉ុណ្ណោះអាហារដែលយើងបរិភោគមានក្លិនឆួលខ្លាំងដូចជាខ្ទឹមស ទំពាំងបារាំង ឬគ្រឿងការីសុទ្ធតែធ្វើឲ្យមានក្លិនមិនល្អ មិនត្រឹមតែក្នុងមាត់ទេតែក៏អាចធ្វើឲ្យមានក្លិនមិនល្អដល់ទ្វារមាសផងដែរបើយោងតាមសេចក្តីសន្និដ្ឋានពីការស្រាវជ្រាវរបស់អត្ថបទស្រាវជ្រាវមួយចំនួន។ ដូចគ្នានេះដែរ ការទទួលទានជាតិផ្អែមច្រើនក៏ជាផ្នែកមួយប៉ះពាល់ដល់សុខភាពស្រ្តី និងទ្វារមាស។ ជាតិផ្អែមទាំងនោះជាហេតុនាំឲ្យពពួកផ្សិតមេរោគដុះលូតលាស់លឿន និងងាយរីកធំធាត់។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

• Jun 13, 2017 |
• 8 years ago |
• 1.7K views

ថែទាំសុខភាពតាមក្បួនពីក-អ

• Jun 12, 2017 |
• 8 years ago |
• 5.9K views

ប្រយ័ត្ន! ធ្វើការពេលយប់ ហើយគេងពេលថ្ងៃ មិនល្អ ចំពោះសុខភាពឡើយ!

សព្វថ្ងៃនេះ ប្រជាពលរដ្ឋទីក្រុងប្រហែលជា ៥ ទៅ ១៥ ភាគរយ ប្រកបការងារនៅពេលយប់ ហើយសម្រាក ឬគេងនៅពេលថ្ងៃ ពីព្រោះវាអាចរកចំណូល បានច្រើនជាងធម្មតា ឬគ្មានជម្រើសក៏ថាបាន។ ការងារប្រភេទនេះ តើវាមានសុវត្ថិភាពដែរឬទេ? ចុះការគេងរបស់អ្នកវិញ? តើវាអាចប៉ះពាល់អ្វីខ្លះទៅ?   តើអ្នកអាចគេងលក់ស្រួល នៅពេលថ្ងៃដែរទេ? ចម្លើយ​ គឺមិនអាចទេ! ទោះបីជាអ្នកគេងលក់ វាក៏មិនស្កប់ស្កល់ ឬមានរយៈពេលយូរ ដូចជាការគេង នៅពេលយប់ដែរ។ អ្នកមិនអាចក្បត់ ឬបន្លំរាងកាយរបស់អ្នកបានឡើយ ទោះបីជាអ្នកគេងក្នុងបន្ទប់ងងឹតយ៉ាងណាក៏ដោយ។ ការគេង ទាមទារដំណើរការសារធាតុគីមី នៅក្នុងរាងកាយរបស់អ្នក ហើយកង្វះការគេង ពិតជាប៉ះពាល់ខ្លាំងណាស់ ចំពោះសុខភាពទូទៅ។   អ្វីដែលអ្នកគួរស្វែងយល់ ៖   ១.  អ្នកជំនាញផ្នែកសុខភាពបានព្រមានថា ការងារវេនយប់ ដូចទៅនឹងភ្នាក់ងារបង្កជំងឺមហារីកអញ្ចឹង វានឹងធ្វើឲ្យសុខភាពរបស់អ្នកចុះខ្សោយ ពីមួយថ្ងៃ​ ទៅមួយថ្ងៃ។ ២.  ដំណើរការក្នុងរាងកាយរបស់អ្នក ត្រូវផ្លាស់ប្តូរ និងមានដំណើរការខុសប្រក្រតី ដែលវានឹងប៉ះពាល់ដល់អ័រម៉ូន និងសារធាតុគីមីនានា នៅក្នុងរាងកាយរបស់អ្នក ជាពិសេស កម្រិត melatonin ក្នុងរាងកាយ។ ៣. ការសិក្សាមួយបានរកឃើញថា បុគ្គលិកពេទ្យដែលប្រចាំការពេលយប់ ប្រឈមមុខខ្ពស់ទៅនឹងជំងឺមហារីកដោះ។ ៤.  ការគេងពេលថ្ងៃ នឹងទៅរំខានដល់សកម្មភាពរបស់ហ៊្សែន និងអ័រម៉ូនមួយចំនួន នៅក្នុងរាងកាយរបស់អ្នក។ ៥.  អ្នកធ្វើការវេនយប់ អាចប្រឈមមុខទៅនឹងជំងឺមួយចំនួន ដូចជា ជំងឺមហារីក ជំងឺលើសសម្ពាធឈាម ជំងឺទឹកនោមផ្អែម និងការធាត់លើសទម្ងន់។ ៦.  ពេលអ្នកធ្វើការពេលយប់ ហើយគេងពេលថ្ងៃ ការទទួលទានអាហាររបស់អ្នក​ នឹងមិនសូវល្អឡើយ ពោលគឺអ្នកអាចនឹងញ៉ាំតិច ឬច្រើនជ្រុល ខុសពីធម្មតា។ ៧.  កង្វះការគេង នឹងធ្វើឲ្យស្បែកមានសុខភាពមិនសូវល្អ ហើយឆាប់ចាស់៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

• Jun 12, 2017 |
• 8 years ago |
• 6.1K views

ហេតុអ្វីបានជាអ្នកផឹកកាហ្វេអាចរស់បានយូរ? ការសិក្សាមានពន្លឺខ្លះហើយ…

“អ្នកផឹកកាហ្វេអាចរស់បានយូរ” វាត្រូវបានក្លាយជាការសន្និដ្ឋានរបស់ការសិក្សាជាច្រើនក្នុងពេលប៉ុន្មានឆ្នាំចុងក្រោយនេះ។ នៅពេលនេះ អ្នកស្រាវជ្រាវជឿជាក់ថា ពួកគេបានរកឃើញយន្តការមួយ ដែលនៅពីក្រោយទំនាក់ទំនងនេះហើយ។   ក្នុងការសិក្សាថ្មីមួយ អ្នកស្រាវជ្រាវបានបង្ហាញអំពី គំហើញនៃដំណើរការនៃការរលាកអាចជំរុញឲ្យមានការវិវឌ្ឍទៅជាជំងឺសរសៃឈាមបេះដូង នៅពេលចាស់ទៅ។ ពួកគេក៏បានរកឃើញថា «ការទទួលទានជាតិកាហ្វេអ៊ីន អាចប្រឆាំងនឹងដំណើរការនៃការរលាកនេះ»។ កាហ្វេ តែ សូដា ភេសជ្ជៈប៉ូវកម្លាំង និងសូកូឡា គឺសុទ្ធតែជាអាហារ និងភេសជ្ជៈដែលមានផ្ទុកនូវជាតិកាហ្វេអ៊ីន ដែលវាត្រូវបានស្គាល់ថា គឺជាសារធាតុមួយដែលទៅភ្ញោចសមត្ថភាពខួរក្បាល។   ទោះបីជាយ៉ាងណាក៏ដោយ កាហ្វេអ៊ីនមិនមែនត្រឹមតែជួយបង្កើនថាមពលពេលព្រឹកនោះទេ មានការសិក្សាជាច្រើន បានបង្ហាញថា ការទទួលទានកាហ្វេជាប្រចាំ អាចធ្វើឲ្យអាយុវែង។ ការសិក្សាមួយដែលបានចេញផ្សាយកាលពីឆ្នាំ២០១៥ បានរកឃើញថា «អ្នកដែលទទួលទានកាហ្វេចាប់ពីមួយ ទៅប្រាំកែវក្នុងមួយថ្ងៃ មានហានិភ័យទាប ក្នុងការស្លាប់ជាងអ្នកដែលមិនទទួលទានកាហ្វេ»។   លោក Furman និងសហការីរបស់លោកបាននិយាយថា «ការទទួលទានជាតិកាហ្វេអ៊ីនអាចជួយបង្កើនអាយុ ហើយវាអាចប្រឆាំងនឹងការរលាក»។ សម្រាប់ការសិក្សារបស់ពួកគេ ក្រុមអ្នកស្រាវជ្រាវ បានព្យាយាមកំណត់ឲ្យបាន នៃដំណើរការនៃការរលាកថា វាអាចរួមចំណែកក្នុងការធ្វើឲ្យសុខភាពបេះដូងថយចុះ នៅក្នុងវ័យចំណាស់។ ពួកគេបានវិភាគទិន្នន័យដែលបានពីយុវវ័យដែលមានសុខភាពល្អ មានអាយុចាប់ពី២០ទៅ៣០ឆ្នាំ និងមួយក្រុមទៀត គឺមនុស្សចាស់ ដែលមានសុខភាពល្អ ហើយមានអាយុចាប់ពី៦០ឆ្នាំឡើងទៅ។   បើយោងទៅតាមការពិនិត្យឈាមនៃអ្នកចូលរួមទាំងពីរក្រុមនេះ  អ្នកស្រាវជ្រាវបានកំណត់បានថាមាន  Gene clusters ពីរក្រុមសកម្មភាពខ្លាំង ចំពោះក្រុមមនុស្សចាស់។ ពួកគេបានរកឃើញថា ក្រុមហ៊្សែនទាំងនេះ មានការផ្សារភ្ជាប់ទៅនឹងការផលិតនៃ IL-1beta ដែលជាប្រូតេអ៊ីនមួយប្រភេទ បង្កឲ្យមានការរលាក។   កាហ្វេអ៊ីនអាចជួយបង្ការការរលាក បណ្ដាលមកពីសារធាតុដែលបានមកពីការធ្វើមេតាបូលីសនៃអាស៊ីតនុយក្លេអ៊ិច  (Nucleic acid metabolites)។​ ការវិភាគមានបង្ហាញថា ជាតិកាហ្វេអ៊ីនអាចប្រឆាំងនឹងផលប៉ះពាល់អវិជ្ជមាននៃ Nucleic acid metabolites។ ក្នុងការវាយតម្លៃទៅលើអ្នកដែលទទួលទានជាតិកាហ្វេអ៊ីន អ្នកស្រាវជ្រាវបានរកឃើញថា ឈាមនៃយុវវ័យដែលមាន Gene cluster activity ទាប គឺមានផ្ទុកនូវជាតិ Caffeine metabolites ដូចជាពួក Theophylline និងTheobromine។   នៅពេលដែលអ្នកស្រាវជ្រាវបណ្ដុះកោសិកាភាពស៊ាំជាមួយនឹង Caffeine metabolites និង Nucleic acid metabolites ពួកគេបានរកឃើញថា Caffeine metabolites ជួយបង្ការមិនឲ្យមានផលប៉ះពាល់នៃការរលាកនៃ Nucleic acid metabolites។   លោក Mark Davis ជាបណ្ឌិតនៃ Institute for Immunity, Transplantation and Infection នៅសាកលវិទ្យាល័យ Stanford បាននិយាយថា «ការរកឃើញនេះបានបង្ហាញអំពី ដំណើរការនៃការរលាក ​ដែលមានការជាប់ទាក់ទងទៅនឹងអាយុនេះ​ គឺមិនត្រឹមតែ មួយនាំឲ្យមានជំងឺសរសៃឈាមបេះដូងទេ ប៉ុន្តែវាត្រូវបានដឹកនាំដោយក្រុមម៉ូលេគុលមួយប្រភេទ យើងអាចធ្វើការកំណត់គោលដៅ និងប្រឆាំងនឹងវាបាន»។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

• Jun 12, 2017 |
• 8 years ago |
• 4.9K views

១២សំណួរទៅកាន់គ្រូពេទ្យ ឬឱសថការីរបស់អ្នក មុនពេលទទួលយកថ្នាំមកញ៉ាំ

ក្រោយពេលពិនិត្យ និងពិគ្រោះជំងឺរួចមក អ្នកប្រហែលជានឹងទទួលបានវេជ្ជបញ្ជា និងថ្នាំពេទ្យមួយចំនួនយកមកញ៉ាំ ដើម្បីព្យាបាលអាការៈរោគរបស់អ្នក។ ជាការពិត អ្នកជំងឺមួយភាគធំ មិនសូវខ្វល់នឹងការសាកសួរគ្រូពេទ្យវិញឡើយ ជុំវិញការប្រើប្រាស់ថ្នាំទាំងនេះ ដែលជាលទ្ធផល អ្នកជំងឺមួយចំនួន នឹងជួបផលវិបាករបស់ថ្នាំ ហើយការព្យាបាលជំងឺ ក៏មិនសូវមានប្រសិទ្ធភាពផងដែរ។   ថ្ងៃនេះ គេហទំព័រសុខភាព  Health Time យើងខ្ញុំ សូមណែនាំឲ្យបងប្អូនរៀនឆ្ងល់ និងសាកសួរសំណួរនានាមួយចំនួន ជុំវិញការប្រើប្រាស់ថ្នាំរបស់អ្នក ដើម្បីឲ្យអ្នកមានសុវត្ថិភាពក្នុងការញ៉ាំ ហើយជំងឺក៏ឆាប់ជាទៅតាមនោះផងដែរ។ សូមកុំខ្លាច ក្នុងការសាកសួរគ្រូពេទ្យរបស់អ្នក ព្រោះវាសំខាន់សម្រាប់សុខភាព ហើយវាក៏ជាអ្វី ដែលអ្នកគួរទទួលបាន ក្រោយពេលបង់លុយឲ្យគ្រូពេទ្យនោះដែរ។   សំណួរ ដែលអ្នកគួរសួរទៅកាន់គ្រូពេទ្យ ឬឱសថការីរបស់លោកអ្នក ៖   ១.   តើថ្នាំនេះសម្រាប់ព្យាបាលអ្វីដែរទៅ? ២.  តើវាមានប្រសិទ្ធភាព ក្រោយញ៉ាំប៉ុន្មានម៉ោង ឬប៉ុន្មានថ្ងៃទៅ? ៣.  តើវាមានផលប៉ះពាល់អ្វី ចំពោះសុខភាពទូទៅរបស់ខ្ញុំដែរឬទេ? ៤.   ខ្ញុំមានជំងឺប្រចាំកាយ (ឧទាហរណ៍ លើសឈាម ទឹកនោមផ្អែម ឬហឺតជាដើម) តើខ្ញុំអាចញ៉ាំវាបានដែរឬទេ? ៥.   វាអាចធ្វើទុក្ខ ឬបង្កផលលំបាកអ្វីខ្លះ ក្រោយពេលញ៉ាំ? ៦.   តើខ្ញុំគួរបញ្ឈប់ការញ៉ាំ ក្នុងករណីណាខ្លះទៅ? ៧.  តើខ្ញុំគួរញ៉ាំមុនបាយ ពេលបាយ ឬក្រោយញ៉ាំបាយ? ញ៉ាំជាមួយទឹកច្រើន ឬតិច? ៨.  តើខ្ញុំគួរសម្រាក ឬធ្វើអ្វីដែរទេ ក្រោយញ៉ាំថ្នាំរួច? ៩.   ចុះបើខ្ញុំភ្លេចលេប​ ឬច្រឡំលេបផ្ទួនៗ? ១០.តើវាមានផលប៉ះពាល់ ជាមួយនឹងការញ៉ាំអាហារ ឬភេសជ្ជៈណាមួយដែរឬទេ? ១១.តើខ្ញុំគួរទុកថ្នាំនៅកន្លែងណា? ១២.តើខ្ញុំគួរមកជួបលោកគ្រូទៀតនៅពេលណា? ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

• Jun 12, 2017 |
• 8 years ago |
• 4K views

អាយុ ៦ ខែ កូនខ្ញុំចាប់ផ្តើមញ៉ាំអាហារហើយ អ៊ីចឹង តើគេត្រូវការទឹកដោះ ក្នុងកម្រិតណាទៅ?

មិនថាអ្នកបំបៅកូនដោយទឹកដោះ ឬទឹកដោះគោឡើយ នៅពេលដែលគេមានអាយុ ៦ ខែ អ្នកគួរតែចាប់ផ្តើមឲ្យគេញ៉ាំអាហារជាលើកដំបូង ដូច្នេះ បរិមាណទឹកដោះដែលគេញ៉ាំ នឹងត្រូវកាត់បន្ថយទៅតាមនោះផងដែរ។ បើអ្នកកំពុងតែបំបៅដោះកូន ទោះបីជាគេមានអាយុលើសពី ៦ខែហើយក៏ដោយ វាគ្មានហេតុផលណាមួយ ដែលអ្នកគួរបញ្ឈប់ការបំបៅដោះឡើយ។ ចូរព្យាយាមបំបៅដោះកូនឲ្យយូរបំផុត តាមដែលអ្នកអាចធ្វើបាន។   អ្នកមិនអាចវាស់បរិមាណទឹកដោះ ដែលគេត្រូវការនោះឡើយ ពោលគឺ គេជាអ្នកកំណត់ដោយខ្លួនឯង មានន័យថា បើគេឃ្លាន គេនឹងយំប្រាប់ ឬឲ្យសញ្ញាអ្នកដឹងហើយ។ ភាគច្រើន គេនឹងបៅច្រើន នៅពេលព្រឹក និងមុនចូលគេង។ ក្រៅពីនេះ គេប្រហែលជាចង់ញ៉ាំអាហារផ្សេងៗ ដែលគេអាចញ៉ាំបានហើយ។   អ្នកជំនាញមួយចំនួនបានណែនាំថា កូនក្មេងគួរតែទទួលថ្នាំដំណក់វីតាមីន Dបន្ថែម ពី ៨,៥ ទៅ ១០ មីក្រូក្រាម (mcg) តាំងពីកើត។ នេះមិនមែនមានន័យថា ទឹកដោះម្តាយខ្វះវីតាមីន Dឡើយ ប៉ុន្តែ​វាដើម្បីប្រាកដថា កូនរបស់អ្នកបានទទួលវីតាមីនគ្រប់គ្រាន់ សម្រាប់សុខភាពឆ្អឹង និងធ្មេញ។ (ចំណាំ ៖ កុំប្រើថ្នាំនេះ ដោយគ្មានវេជ្ជបញ្ជាពីគ្រូពេទ្យជំនាញរបស់អ្នកឲ្យសោះ)។   ប្រសិនបើអ្នកបំបៅកូនដោយទឹកដោះគោ ចូរធ្វើតាមធម្មតា។ ពេលគេញ៉ាំអាហារផ្សេងឆ្អែត គេនឹងកាត់បន្ថយការទទួលទានទឹកដោះគោដោយខ្លួនឯង។​ ជាធម្មតា គេអាចញ៉ាំពី ៥០០ ទៅ ៦០០ មីលីលីត្រក្នុងមួយថ្ងៃ។ ហើយប្រសិនបើកូនរបស់អ្នក អាចញ៉ាំទឹកដោះគោក្នុងកម្រិតនេះ អ្នកមិនចាំបាច់ប្រើថ្នាំវីតាមីន D បន្ថែមឡើយ ពីព្រោះ ក្នុងទឹកដោះគោ បានបន្ថែមរូបមន្តនេះរួចទៅហើយ៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

• Jun 10, 2017 |
• 8 years ago |
• 4.5K views

ឥទ្ធិពលអាហារ ទៅលើជំងឺអាល្លែកហ្ស៊ីច្រមុះ

មានអាហារមួយចំនួនជាជំនួយដល់ច្រមុះដែលងាយនឹងរងអាល្លែកហ្ស៊ី ហើយអាហារមួយចំនួនទៀតអាចធ្វើឲ្យអាការៈនេះកាន់តែធ្ងន់ធ្ងរ ដែលអ្នកគួរតែយល់ដឹង។   អាហារដែលមានផលល្អចំពោះអាល្លែកហ្ស៊ីច្រមុះ •​ ទឹកក្តៅឧណ្ហៗ៖ ញ៉ាំទឹកតែ ឬទឹកស៊ុបឧណ្ហៗអាចធ្វើឲ្យផ្លូវដង្ហើមដែលស្ទះបានធូរជាងមុន និងធ្វើឲ្យយើងងាយស្រួលក្អកដើម្បីបញ្ចេញនូវកំហាកចេញមកក្រៅ។ • សាច់ត្រី៖ តាមការសិក្សាស្រាវជ្រាវថ្មីៗបានឲ្យដឹងថា​ សារជាតិអាស៊ីត ខ្លាញ់ អូមេហ្គាបី ដែលមាននៅក្នុងត្រីធូណា ត្រីសាលម៉ុន ត្រីស្បៃកាអាចជួយកាត់បន្ថយ ការប្រឈមមុខនឹងការវិវឌ្ឍនៃអាល្លែកហ្ស៊ី។ • ទឹកដោះគោជូរ៖ មានការសិក្សាមួយចំនួនបានបង្ហាញថា មេរោគល្អៗឈ្មោះថា ប្រូប៊ីយូទិកដែលមានក្នុងទឹកដោះគោជូរ អាចជួយកាត់បន្ថយរោគសញ្ញា នៃអាល្លែកហ្ស៊ីលំអងផ្កា​ របស់កុមារតូចៗ។ • ទឹកឃ្មុំ៖ ទទួលទានទឹកឃ្មុំមួយកូនស្លាបព្រាកាហ្វេ ដើម្បីព្យាបាលអាល្លែកហ្ស៊ី ក៏ប៉ុន្តែមិនត្រូវឲ្យកុមារដែលមានអាយុក្រោម១ឆ្នាំញ៉ាំនោះទេ។   អាហារដែលមានផលអាក្រក់ចំពោះអាល្លែកហ្ស៊ីច្រមុះ • អាហារដែលធ្វើឲ្យទាស់៖ មានដូចជាសណ្តែកដី ស្រ្តូប៊ឺរី និងអាហារផ្សេងៗទៀត ដែលអាចធ្វើឲ្យមានរមាស់ ឬហើម។ ហើយវានឹងបណ្តាលឲ្យមានអាល្លែកហ្ស៊ីច្រមុះ ដែលមានអាការ:តឹងថប់ នៅពេលយើងបរិភោគអាហារប្រភេទនេះ។ ប្រសិនបើអ្នកមានអាការ:បែបនេះ នៅពេលបរិភោគអាហារទាំងអស់នោះ អ្នកត្រូវ ទៅជួបគ្រូពេទ្យជាបន្ទាន់។ • លម្អងផ្កា៖ ប្រសិនបើជាអ្នកអាល្លែកហ្ស៊ីទៅនឹងលំអងផ្កា នោះអ្នកនឹងមានប្រតិកម្មជាមួយអាហារដែលមានផ្ទុកសារជាតិស្រដៀងគ្នានោះដែរ។​ លំអងផ្កា​​ អាចបង្កឲ្យអ្នកកណ្តាស់ រមាស់ និងតឹងច្រមុះ ជាហេតុធ្វើឲ្យច្រមុះដែលអាល្លែកហ្ស៊ីស្រាប់​ មានអាការៈរឹតតែធ្ងន់ធ្ងរ។ • ស្រាបៀរ និងស្រា៖ ច្រមុះអ្នកខ្លះនឹងឡើងតឹងភ្លាមៗ នៅពេលទទួលទានទឹកដែលមានជាតិអាល់កុល ដូចជាស្រា ឬក៏ស្រាបៀរ។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។    

• Jun 10, 2017 |
• 8 years ago |
• 4.6K views

គេងច្រើន ឬគេងជ្រុល ក្នុងថ្ងៃឈប់សម្រាក អាចធ្វើឲ្យអ្នកកើតជំងឺបេះដូង

តើអ្នកតែងតែខ្ជិល ហើយបន្តការគេង នៅថ្ងៃឈប់សម្រាកពីការងារមែនទេ? បើមែន សូមប្រុងប្រយ័ត្ន  វាអាចធ្វើឲ្យអ្នកកើតជំងឺបេះដូង នេះបើតាមការសិក្សាថ្មីមួយបានព្រមាន។ ការសិក្សាបានបង្ហាញថា ការបន្ថែមរយៈពេលមួយម៉ោង ទៅក្នុងការគេងរបស់អ្នក ក្នុងថ្ងៃឈប់សម្រាក អាចធ្វើឲ្យអ្នកប្រឈមទៅនឹងជំងឺបេះដូង ដល់ទៅ ១១ ភាគរយ។ វាក៏អាចធ្វើឲ្យអ្នកមានសុខភាពចុះខ្សោយ អារម្មណ៍មិនស្វាងល្អ ហើយវារឹតតែធ្វើឲ្យអ្នកងងុយ និងអស់កម្លាំងជាងធម្មតាទៅវិញនោះទេ។ ការសិក្សាបានបញ្ជាក់ផងដែរថា ទម្លាប់នៃការចូលគេង និងក្រោកពីគេងដ៏ល្អប្រចាំថ្ងៃរបស់អ្នក ដើរតួនាទីសំខាន់ណាស់ ក្នុងការថែរក្សាសុខភាពរាងកាយ។ អ្នកគួរតែកំណត់ម៉ោងចូលគេង និងម៉ោងភ្ញាក់ពីគេងឲ្យបានល្អ ហើយធ្វើតាមនោះឲ្យបានខ្ជាប់ខ្ជួន មិនថាអ្នករវល់ ឬមានពេលវេលាច្រើនយ៉ាងណានោះទេ ដើម្បីការពារការប្រឈមទៅនឹងជំងឺបេះដូង។ យោងទៅតាមគ្រូពេទ្យជំនាញ អ្នកគួរតែគេងឲ្យបានលើសពី ៧ ម៉ោងក្នុងមួយយប់ ដើម្បីថែរក្សាសុខភាពទូទៅឲ្យរឹងមាំ។ បើអ្នកគេងបានគ្រប់គ្រាន់៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

• Jun 09, 2017 |
• 8 years ago |
• 3.7K views

កុំឲ្យភ្នែករបស់អ្នកក្លាយជាមូលហេតុនៃភាពចាស់ជាងវ័យ

ជាការពិត ស្បែកនៅត្រង់បរិវេណភ្នែកជាតំបន់ដែលមានសភាពស្តើង និងរស់ ហើយងាយនឹងទទួលការខូចខាត។ ការលេចឡើងជាស្នាមជ្រីវជ្រួញ ត្រង់កន្ទុយភ្នែក ក្រោមភ្នែក និងសភាពជាំ ឬឡើងខ្មៅនៅជុំវិញភ្នែក ជាបញ្ហាមួយដែលអ្នកទាំងអស់គ្នាមានកង្វល់ស្រាប់ទៅហើយ ខណៈពេលដែលអាយុកាន់តែច្រើន ព្រោះវាជាផ្នែកមួយ ដែលស្តែងចេញច្បាស់ជាងគេ នូវការវិវឌ្ឍទៅរកភាពចាស់ ប៉ុន្តែអ្នកក៏ត្រូវប្រឈមមុខនឹងកត្តាជាច្រើនទៀត ដែលត្រូវបានដឹងថា ជាមូលហេតុ​ នៃឥទ្ធិពលអាក្រក់នេះ។ ដោយឡែក ក្នុងនោះកត្តាទាក់ទិននឹងភ្នែកដែលត្រូវបំពេញមុខងារជារៀងរាល់ថ្ងៃ បែរជាត្រូវបានមើលរំលងទៅវិញ។   តើភ្នែកមានទំនាក់ទំនងយ៉ាងណាជាមួយភាពចាស់របស់ផ្ទៃមុខ?   ១. ការប្រើប្រាស់លេនដាក់ភ្នែក មិនទាក់ទងនឹងឥទ្ធិពលរបស់លេនទេ តែសំដៅដល់របៀបពាក់លេន ដែលជាទូទៅតម្រូវឲ្យមានការទាញស្បែកដើម្បីសូកបញ្ចូលលេនទៅក្នុងភ្នែក។ ប្រព្រឹត្តិទង្វើបែបនេះដដែលៗ អាចឲ្យស្បែកមានសភាពយារធ្លាក់ បាត់បង់ភាពរស់រវើក និងហាប់ណែន។   ២. ការផ្តល់សម្ពាធដល់ភ្នែក ដូចជាការពាក់វ៉ែនតាម៉ូតធំៗ ឬដងធ្ងន់ជាប្រចាំ អាចចាត់ទុកថាជាការផ្តល់សម្ពាធដល់ភ្នែក ដែលហុចផលអាក្រក់ដល់ស្បែក ពិសេសក្រោមភ្នែក និងសងខាងស្លាបច្រមុះ ដោយបន្សល់នូវស្នាមជាំខ្មៅដែលមើលឃើញច្បាស់។   ៣. ការប្រើប្រាស់គ្រឿងសម្អាងទៅលើភ្នែក ជាក់ស្តែងពពួក eyeliner ដែលជាទីពេញនិយមរបស់ស្រ្តី ក៏អាចបង្កជាស្នាមជ្រីវជ្រួញដែរ   ដោយសាររបៀបនៃការគូស ក៏ដូចជាការជូតសម្អាតវិញ  ធ្វើឲ្យ ស្បែកទទួលរងការកកិត។ ក្នុងនោះការប្រើប្រាស់នូវគ្រឿងសម្អាងសម្រាប់ភ្នែកផ្សេងៗ ដែលគ្មានគុណភាព ក៏អាចបណ្តាលឲ្យស្បែកដ៏ស្តើងនៅតំបន់ភ្នែក ទទួលរងការខូចខាតផងដែរ។   ៤. ការប្រើប្រាស់ភ្នែកហួសកម្រិត ការប្រឹងសម្លឹងមើលអ្វីមួយក្នុងរយៈពេលយូរ មិនត្រឹមតែជះឥទ្ធិពលដល់សមត្ថភាពក្នុងការមើលរបស់ភ្នែកទេ ថែមទាំងអាចធ្វើឲ្យភ្នែករបស់អ្នក មានការនឿយហត់ ដែលសម្តែងឡើងតាមរយៈស្បែកនៅជុំវិញភ្នែកឡើងខ្មៅ។ ដោយឡែក ចំពោះការសម្លឹងនៅមុខកុំព្យូទ័រ ទូរទស្សន៍ ឬថេបប្លេត រឹតតែមិនល្អ ដល់ស្បែករបស់អ្នក។ មិនតែប៉ុណ្ណោះ ពន្លឺដែលចេញពីឧបករណ៍ទាំងអស់នេះ អាចជាមូលហេតុនៃការគេងមិនស្កប់ស្កល់ ឈឺក្បាល វិលមុខ ក៏ដូចជា ការរលាកភ្នែករបស់អ្នក និងធ្វើឲ្យវាក្លាយជាមូលហេតុដោយប្រយោល នៃភាពចាស់ទាក់ទងនឹងការប្រើប្រាស់ភ្នែករបស់អ្នក។ ចំពោះបញ្ហានេះ អ្នកអាចដោះស្រាយបាន ដោយការអនុវត្តការសម្រាកភ្នែក៥នាទីរៀងរាល់មួយម៉ោងម្តង និងអាចប្រើប្រាស់ផ្ទាំងការពារពន្លឺសម្រាប់កុំព្យូទ័រ ឬទូរទស្សន៍ផងដែរ។   ៥. ជ្រួញចិញ្ចើមដោយការចាញ់ពន្លឺ វាជារឿងធម្មតាដែលយើងនឹងជ្រួញចិញ្ចើមនៅពេលប្រឈមមុខនឹងពន្លឺអ្វីមួយ ដោយមិនអាចចៀសបាន ដែលការធ្វើបែបនេះញឹកញាប់ ឬក្នុងរយៈពេលយូរ នឹងបង្ហាញឡើងឲ្យឃើញនូវភាពជ្រីវជ្រួញជាមិនខាន។ ម្យ៉ាងទៀត ការប្រឈមនឹងពន្លឺ គឺផ្តល់នូវលទ្ធផលមិនល្អស្រាប់ទៅហើយដល់ស្បែក និងភ្នែក ដូចនេះយល់ល្អ អ្នកគួរតែជ្រើសរើសប្រើប្រាស់ផលិតផលការពារកំដៅសម្រាប់ស្បែកជុំវិញភ្នែកផ្ទាល់ ហើយក៏គួរជ្រើសរើសប្រើវ៉ែនតាការពារពន្លឺថ្ងៃ ដែលមានដងស្រាល ពេលអ្នកនៅក្រោមពន្លឺ។   ៦. ការញីភ្នែកញឹកញាប់ នេះអាចជាទម្លាប់មួយរបស់មនុស្សមួយចំនួន ជាពិសេសក្រោយពេលភ្ញាក់ពីគេង។ ដោយឡែក ការរកាំភ្នែក ស្ងួត រមាស់ភ្នែក ឬជំងឺភ្នែកមួយចំនួនទៀត ក៏អាចជាមូលហេតុ​ ដែលឲ្យអ្នកញីភ្នែកញឹកញាប់ ដោយមិនដឹងខ្លួនផងដែរ។ដូចនេះ អ្នកគប្បីថែទាំសុខភាពភ្នែករបស់អ្នកឲ្យចៀសផុតពីបញ្ហាទាំងអស់នេះ ដើម្បីផាសុកភាពនៃភ្នែករបស់អ្នក។ ចំពោះករណីធូលីចូលភ្នែក អ្នកក៏ត្រូវចៀសវាង ប្រើដៃញីភ្នែកខ្លាំងៗ ដែលមិនត្រឹមតែធ្វើឲ្យស្បែកយារ ក៏អាចប្រឈម នឹងការឆ្លងរោគ ទៅជាជំងឺភ្នែកផងដែរ។ សម្រាប់បញ្ហានេះ អ្នកអាចដោះស្រាយបាន ដោយការប្រើប្រាស់ទឹកសម្រាប់លាងភ្នែក ថ្នាំបន្តក់ភ្នែក ឬទឹកស្អាតដើម្បី សម្អាតកម្ទេច ឬធូលីចេញ។   ៧. ការមិនទៅជួបនឹងគ្រូពេទ្យភ្នែកទៀងទាត់ ពិសេសចំពោះអ្នកមានបញ្ហាភ្នែក ឬម្ញូប ដែលទាមទារឲ្យធ្វើការតាមដានការវិវឌ្ឍរបស់វា ដើម្បីធ្វើការការព្យាបាល ឬប្តូរវ៉ែនតាចំពោះអ្នកម្ញូប។ បើអ្នកធ្វេសប្រហែស ចំពោះបច្ចុប្បន្នភាព ទាក់ទងនឹងសុខភាពភ្នែក អ្នកប្រកដណាស់នឹងប្រឈមមុខនឹងបញ្ហាឈឺ រកាំភ្នែក រួមជាមួយអាការៈឈឺក្បាល និងនឿយហត់ និងបញ្ហាព្រិច ឬជ្រួញចិញ្ចើម ដោយសារការប្រឹងមើល ដែលជាមូលហេតុពីរចម្បងនៃភាពជ្រីវជ្រួញ។ ដោយគ្រាន់តែចំណាយពេលខ្លះទៅជួបនឹងគ្រូពេទ្យភ្នែក អ្នកមិនបាច់បារម្ភ ពីបញ្ហានេះទៀតទេ។   ទន្ទឹមនឹងនេះ អ្នកគួរស្វែងយល់នូវគន្លឹះផ្សេងៗទាក់ទងការថែទាំសុខភាពភ្នែក ក៏ដូចជាសុខភាពស្បែកដទៃទៀត ដើម្បីជាជំនួយ និងពន្យារនូវភាពចាស់របស់អ្នក និងជាពិសេសចៀសវាងសម្រេចធ្វើការព្យាបាល ឬប្រើប្រាស់នូវផលិតផល ដែលមិនគួរទុកចិត្តណាមួយដោយខ្លួនឯង៕   ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

• Jun 09, 2017 |
• 8 years ago |
• 3.9K views

កុំធ្វើកិច្ចការទាំងនេះ នៅពេលអ្នកមានផ្ទៃពោះ

អំឡុងពេលមានផ្ទៃពោះ រាងកាយរបស់អ្នក មិនអាចហត់នឿយ ឬធ្វើការហួសកម្លាំងបាននោះឡើយ ដូច្នេះ អ្នកគួរតែមានការប្រុងប្រយ័ត្នឲ្យបានខ្ពស់ ចំពោះសកម្មភាព និងការងារប្រចាំថ្ងៃរបស់អ្នក។   ការញ៉ាំអាហារត្រឹមត្រូវ និងមានសុខភាពល្អ ការហាត់ប្រាណ និងការបញ្ចេញកម្លាំងតិចៗជាប្រចាំ ពិតជាអ្វីដែលស្រ្តីមានផ្ទៃពោះគួរតែធ្វើ ដើម្បីពង្រឹង សុខភាពទូទៅ និងទារកក្នុងផ្ទៃម្តាយ។ បើអ្នកអស់កម្លាំង ឬធ្វើការមិនកើត ត្រូវសុំជំនួយពីគ្រួសាររបស់អ្នក ជាពិសេសគឺស្វាមីសំណព្វចិត្ត។   ខាងក្រោមនេះ គឺជាកិច្ចការផ្ទះមួយចំនួន ដែលអ្នកគួរតែចៀសវាង ៖   #១ ការលើកដាក់របស់របរធ្ងន់ៗ គឺហាមដាច់ខាត #២ អ្នកមិនគួរប៉ះពាល់ផលិតផលលាងសម្អាតផ្ទះ ឬចង្ក្រានបាយនោះឡើយ ពីព្រោះសារធាតុទាំងនោះមិនមានសុត្ថិភាព សម្រាប់ស្រ្តីមានផ្ទៃពោះឡើយ #៣ អំឡុងពេលមានផ្ទៃពោះ សន្លាក់ និងសរសៃរបស់អ្នក ហាក់ដូចជាទន់ ឬខ្សោយជាមុន ដូច្នេះសូមអ្នកកុំធ្វើចលនាណាខ្លាំងៗ ឬដដែលឲ្យសោះ #៤ នៅឲ្យឆ្ងាយពីសត្វចិញ្ចឹម ដូចជា កណ្តុរ ទន្សាយ និងឆ្មាជាដើម #៥ គ្រឿងសម្អាង ទឹកអប់ ឬផលិតផលក្នុងបន្ទប់ទឹកមួយចំនួន ប្រហែលជាមិនស័ក្តសមនឹងអ្នកឡើយ ដូច្នេះ សូមសាកសួរវេជ្ជបណ្ឌិតរបស់អ្នក មុនពេលប្រើប្រាស់វាបន្តទៀត #៦ កុំបោកខោអាវ ពីព្រោះ វាអាចប៉ះពាល់ដល់កូន ហើយសារធាតុគីមី និងសាប៊ូ ក៏មិនល្អ​សម្រាប់អ្នកដែរ៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

• Jun 09, 2017 |
• 8 years ago |
• 13.3K views

របបអាហារដែលល្អ និងមានសុខភាពបំផុតសម្រាប់បុរស

ដើម្បីថែរក្សាសុខភាពឲ្យបានល្អ និងរឹងមាំ បុរសត្រូវការរបបអាហារជាពិសេស ហើយមានចំណីអាហារមួយចំនួន អ្នកមិនគួរមើលរំលងនោះទេ។ ការធាត់លើសទម្ងន់ អាចកើតឡើងចំពោះបុរសគ្រប់គ្នា ហើយមានបុរសតែ ៥០ ភាគរយប៉ុណ្ណោះ ដែលមានរាងកាយមាំមួន និងមានសុខភាពល្អ។   គន្លឹះញ៉ាំអាហារសម្រាប់បុរស   ១. ញ៉ាំផ្លែឈើ និងបន្លែឲ្យបានច្រើនមុខតាមដែលអាចធ្វើទៅបាន ដើម្បីទទួលបានសារធាតុចិញ្ចឹមគ្រប់គ្រាន់ ២. ត្រូវលើកទឹកចិត្តខ្លួនឯង ថែរក្សារាងកាយឲ្យបានមាំមួន តាមរយៈការញ៉ាំអាហារត្រឹមត្រូវ និងហាត់ប្រាណជាប្រចាំ ៣. ផ្តោតអារម្មណ៍ទៅលើបរិមាណ និងគុណភាពនៃអាហារដែលអ្នកនឹងទទួលទាន មានន័យថាញ៉ាំអាហារល្អៗ និងចៀសឲ្យឆ្ងាយពីអាហារសម្រន់ ព្រមទាំងអាហារគ្មានជីវជាតិសម្រាប់រាងកាយ ៤. សាកល្បងរូបមន្តអាហារថ្មីៗ ដើម្បីកុំឲ្យអ្នកធុញទ្រាន់ ឬលែងចង់ញ៉ាំអាហារមានសុខភាពល្អទាំងនោះ ៥. ចម្អិនអាហារបែបសាមញ្ញៗ ដូចជាស្ងោរ ឬចំហុយ ពីព្រោះអាហារប្រភេទនេះ ងាយស្រួលញ៉ាំ ហើយមានសុវត្ថិភាពជាងការឆា ឬចៀន ដែលប្រើខ្លាញ់ច្រើនៗ។   អាហារសម្រាប់បុរស ១. ប្រូខូលី ដើម្បីការពារជំងឺមហារីកប្លោកនោម ២. ប៉េងប៉ោះ ដើម្បីការពារជំងឺមហារីកប្រូស្តាត ៣. អាហារសមុទ្រ ដើម្បីបង្កើនថាមពល និងគុណភាពមេជីវិតឈ្មោល (ឆាប់មានកូន) ៤. ឪឡឹក ដើម្បីកាត់បន្ថយសម្ពាធឈាម ៥. ប៊័រសណ្តែកដី ដើម្បីកាត់បន្ថយកូឡេសស្តេរ៉ុល ៦. អាហារធ្វើពីស្រូវអូត ដើម្បីសុខភាពសរសៃឈាមបេះដូង ៧. ខ្ទឹម ដើម្បីកាត់បន្ថយការអស់កម្លាំង៕   ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។