Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Mar 08, 2026 |
  • 1 week ago |
  • 437 views

ក្រុមហ៊ុន Herbalife ប្រចាំប្រទេសកម្ពុជាចែករំលែកអំពីប្រធានបទ #GivetoGain៖ ហេតុអ្វីបានជាការថែទាំសុខភាពខ្លួនឯង គឺជាកាតព្វកិច្ចដែលអ្នកមិនគួរមើលរំលង?

(ភ្នំពេញ)៖ Herbalife ដែលជាក្រុមហ៊ុន សហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាពបានចែករំលែកអំពី មូលហេតុដែលការថែទាំសុខភាពខ្លួនឯង គឺជាកាតព្វកិច្ចដែលអ្នកមិនគួរមើលរំលង។ ខណៈដែលយើងប្រារព្ធទិវានារីអន្តរជាតិឆ្នាំ ២០២៦ ប្រធានបទ #GiveToGain លើកទឹកចិត្តឱ្យមានការផ្លាស់ប្តូរវិជ្ជមានយូរអង្វែង មិនត្រឹមតែសម្រាប់អ្នកដទៃប៉ុណ្ណោះទេ ប៉ុន្តែគឺសម្រាប់ខ្លួនយើងផ្ទាល់ផងដែរ។ នៅក្នុងគ្រួសារជាច្រើននៅតំបន់អាស៊ីប៉ាស៊ីហ្វិក ស្ត្រីតែងតែរ៉ាប់រងតួនាទីជាច្រើនក្នុងពេលតែមួយ ជាអ្នកជំនាញនៅកន្លែងធ្វើការ ជាអ្នកសម្រេចចិត្តចំពោះកិច្ចការនានានៅផ្ទះ ហើយក៏ជាបង្គោលដ៏រឹងមាំផ្នែកស្មារតីសម្រាប់សមាជិកគ្រួសារទាំងមូលផងដែរ។ ការទទួលខុសត្រូវច្រើនទាំងនេះ តែងតែធ្វើឱ្យមានការទទួលទានអាហារមិនដិតដល់ ឬទាំងប្រញាប់ប្រញាល់ គេងមិនបានគ្រប់គ្រាន់ ភាពតានតឹងកើនឡើង ដែលនាំឱ្យសុខភាព និងសុខុមាលភាពធ្លាក់ចុះ ហើយជារឿយៗច្រើនតែត្រូវបានមើលរំលង។ ក្នុងនាមជាសមាជិកនៃក្រុមប្រឹក្សាយោបល់ផ្នែករបបអាហាររបស់ Herbalife ដែលធ្វើការជាមួយប្រទេសក្នុងតំបន់អាស៊ីប៉ាស៊ីហ្វិក មានការពិតមួយដែលខ្ញុំសង្កេតឃើញម្តងហើយម្តងទៀត៖ នៅពេលដែលស្ត្រីចាប់ផ្តើមវិនិយោគលើសុខភាពផ្ទាល់ខ្លួន គ្រួសារ កន្លែងធ្វើការ និងមនុស្សជំនាន់ក្រោយរបស់ពួកគេក៏ទទួលបានផលប្រយោជន៍ផងដែរ។ តាមរយៈការធ្វើការយ៉ាងជិតស្និទ្ធជាមួយស្ត្រីដែលត្រូវរ៉ាប់រងការទទួលខុសត្រូវច្រើន ប្រធានបទ #GiveToGain បានគូសបញ្ជាក់ពីការពិតដ៏សាមញ្ញមួយ៖ ការថែទាំសុខភាពខ្លួនឯង គឺជាមធ្យោបាយដ៏មានប្រសិទ្ធភាពបំផុតមួយ ដើម្បីរក្សាថាមពល និងភាពធន់ដែលចាំបាច់សម្រាប់ទ្រទ្រង់ទាំងការងារ និងគ្រួសារ។ ការផ្តល់ឱ្យរាងកាយ៖ តួនាទីនៃអាហារូបត្ថម្ភ និងជាតិទឹក ស្ត្រីនៅទូទាំងតំបន់ ក៏កំពុងប្រឈមមុខនឹងបញ្ហាអាហារូបត្ថម្ភដែលគួរឱ្យកត់សម្គាល់។ របាយការណ៍នានាបង្ហាញថា អត្រាលើសទម្ងន់ចំពោះមនុស្សពេញវ័យមានការកើនឡើងជាលំដាប់ ខណៈដែលបញ្ហាកុមារក្រិន និងជំងឺស្លេកស្លាំងនៅតែបន្តរីករាលដាលក្នុងចំណោមស្ត្រីក្នុងវ័យបន្តពូជ។ បន្ទុកទ្វេដងនេះប៉ះពាល់ដល់គ្រប់ទិដ្ឋភាពទាំងអស់ចាប់តាំងពីសុខភាពមាតា និងទារក រហូតដល់ថាមពលប្រចាំថ្ងៃ និងភាពរឹងមាំផ្នែកស្មារតី ដែលកាន់តែបញ្ជាក់ពីភាពចាំបាច់សម្រាប់ស្ត្រី ក្នុងការយកចិត្តទុកដាក់ពីសុខភាព និងសុខុមាលភាពរបស់ខ្លួនតាមរយៈការជ្រើសរើសដ៏ត្រឹមត្រូវ និងប្រកបដោយការយល់ដឹង។ អាហារូបត្ថម្ភគឺជាគ្រឹះនៃសុខភាព ដែលជួយទ្រទ្រង់ដល់កម្រិតថាមពល ស្ថិរភាពមេតាប៉ូលីស ប្រព័ន្ធភាពស៊ាំរឹងមាំ និងការឈានចូលវ័យជរាប្រកបដោយសុខភាពល្អពេញមួយជីវិតរបស់ស្ត្រី។ ការសិក្សានានាបានបង្ហាញថា កង្វះមីក្រូសារជាតិ ជាពិសេសជាតិដែក ហ្វូឡាត (folate) និងវីតាមីន B12 គឺជារឿងធម្មតាក្នុងចំណោមស្ត្រីក្នុងវ័យបន្តពូជនៅទូទាំងអាស៊ី បើទោះបីជាពួកគេទទួលបានបរិមាណកាឡូរីគ្រប់គ្រាន់ក៏ដោយ។ ការញ៉ាំទឹកឱ្យបានគ្រប់គ្រាន់ (ប្រហែល ២ លីត្រក្នុងមួយថ្ងៃ) ជួយឱ្យរាងកាយប្រើប្រាស់សារធាតុចិញ្ចឹមបានល្អ និងរក្សាមុខងារប្រចាំថ្ងៃ។ ដើម្បីរក្សាសុខភាពឱ្យបានល្អ ស្ត្រីគួរទម្លាប់យកទឹកតាមខ្លួន ជ្រើសរើសភេសជ្ជៈដែលមានជាតិស្ករទាប និងកម្រិតការញ៉ាំជាតិកាហ្វេអ៊ីនឱ្យបានសមស្រប ដើម្បីកុំឱ្យប៉ះពាល់ដល់តុល្យភាពជាតិទឹកក្នុងរាងកាយ។ ការផ្លាស់ប្តូរអ័រម៉ូន កំណត់តម្រូវការអាហារូបត្ថម្ភ ពេញមួយជីវិតរបស់ស្ត្រី តម្រូវការអាហារូបត្ថម្ភវិវឌ្ឍទៅតាមការផ្លាស់ប្តូរអ័រម៉ូន។ ឧទាហរណ៍៖ ក្នុងអំឡុងពេលមានរដូវ៖ ការបាត់បង់ជាតិដែកជាទៀងទាត់បានបង្កើនតម្រូវការអាហារដែលសម្បូរជាតិដែក ដូចជា សាច់គ្មានខ្លាញ់ សណ្តែកលីងទីល (lentils) សណ្តែកគ្រប់ប្រភេទ បន្លែស្លឹកបៃតង និងគ្រាប់ធញ្ញជាតិដែលបន្ថែមសារធាតុចិញ្ចឹម។ ការទទួលទានអាហារទាំងនេះ រួមជាមួយផ្លែឈើ និងបន្លែដែលសម្បូរវីតាមីន C នឹងជួយបង្កើនប្រសិទ្ធភាពនៃការបឺតស្រូបជាតិដែកចូលទៅក្នុងរាងកាយ។ ដំណាក់កាលអស់រដូវ៖ នាំមកនូវការប្រែប្រួលអ័រម៉ូន និងការផ្លាស់ប្តូរប្រព័ន្ធមេតាប៉ូលីស ដែលបង្កើនហានិភ័យនៃជំងឺសរសៃឈាមបេះដូង។ ដើម្បីទប់ស្កាត់បញ្ហានេះ ស្ត្រីគួរផ្ដោតលើការញ៉ាំបន្លែ ផ្លែឈើ និងអាហារសម្បូរអូមេហ្គា-៣ (ដូចជាត្រី និងគ្រាប់ធញ្ញជាតិ) ដើម្បីរក្សាកម្រិតកូឡេស្តេរ៉ុលឱ្យមានតុល្យភាព បន្ថែមពីនេះការញ៉ាំអាហារដែលមានជាតិសរសៃខ្ពស់ (ដូចជា សណ្តែក ផ្លែប៉ោមជាដើម) នឹងជួយគ្រប់គ្រងជាតិខ្លាញ់ក្នុងឈាម និងជួយឱ្យឆាប់ឆ្អែត ដែលមានប្រយោជន៍ខ្លាំងក្នុងការរក្សារាង និងទម្ងន់។ ចាប់ពីវ័យ ៤០ ឆ្នាំឡើងទៅ៖ ការថយចុះអរម៉ូនអ៊ឹស្ត្រូសែន (estrogen) អាចពន្លឿនការបាត់បង់កម្លាំងសាច់ដុំតាមអាយុ (sarcopenia)។ ការធ្វើសកម្មភាពរាងកាយឱ្យបានគ្រប់គ្រាន់ រួមទាំងការហាត់ប្រាណដែលផ្តោតលើការពង្រឹងកម្លាំង (resistance training) និងការទទួលទានប្រូតេអ៊ីនគ្រប់គ្រាន់ គឺចាំបាច់ណាស់សម្រាប់រក្សាសាច់ដុំ និងកម្លាំង។ ការប្រើប្រាស់អាហារបំប៉នអាចជួយបំពេញចន្លោះខ្វះខាតនៃរបបអាហារ ប៉ុន្តែគួរតែត្រូវបានរៀបចំឡើងឱ្យស្របតាមតម្រូវការបុគ្គល និងណែនាំដោយអ្នកជំនាញ ឬគ្រូបង្វឹកដែលមានការបណ្តុះបណ្តាលត្រឹមត្រូវ។ ទំនាក់ទំនងរវាងភាពតានតឹង ការគេង និងការគ្រប់គ្រងទម្ងន់ ការគេងលក់ស្កប់ស្កល់ ការហាត់ប្រាណ និងការគ្រប់គ្រងស្ត្រេស គឺជាកត្តាដែលមិនអាចខ្វះបានក្នុងការរក្សាទម្ងន់ និងសម្រស់ស្បែក។ ការអនុវត្តទម្លាប់ទាំងនេះឱ្យបានជាប់លាប់ នឹងជួយឱ្យអ័រម៉ូនមានតុល្យភាព ជម្រុញប្រព័ន្ធដុតរំលាយអាហារ និងជួយឱ្យរាងកាយមានសមត្ថភាពជួសជុលកោសិកាដែលខូចខាតឡើងវិញបានយ៉ាងល្អ។ ការហាត់ប្រាណកម្រិតមធ្យម ១៥០ នាទីក្នុងមួយសប្តាហ៍ រួមជាមួយលំហាត់ប្រាណដែលផ្តោតលើការពង្រឹងកម្លាំង ជួយពង្រឹងសរសៃឈាមបេះដូង សាច់ដុំ ឆ្អឹង និងគុណភាពនៃការគេង ដែលជាកត្តាចាំបាច់បំផុតសម្រាប់ស្ត្រីវ័យអស់រដូវ។ បន្ថែមពីនេះ ការគេងឱ្យទៀងពេល និងការកាត់បន្ថយការប្រើទូរស័ព្ទមុនចូលគេង គឺជាគ្រឹះដ៏សំខាន់ក្នុងការទ្រទ្រង់ប្រព័ន្ធដុតរំលាយអាហារ ជួយដល់ការគ្រប់គ្រងទម្ងន់ និងធានាបាននូវវ័យជរាដែលមានសុខភាពល្អ។ របបអាហារត្រឹមត្រូវ (ដូចជាអូមេហ្គា-៣ ញ៉ាំទឹកឱ្យគ្រប់គ្រាន់ និងទៀងពេល) ជួយកាត់បន្ថយស្ត្រេស ធ្វើឱ្យគេងលក់ស្រួល និងរក្សាតុល្យភាពអារម្មណ៍ឱ្យបានល្អ ទោះបីជាត្រូវប្រឈមនឹងសម្ពាធការងារប្រចាំថ្ងៃក៏ដោយ។ ការស្រាវជ្រាវក៏បានរកឃើញដែរថា ការគាំទ្រពីសង្គមជួយឱ្យស្ត្រីមានផ្លូវចិត្តល្អ និងដោះស្រាយបញ្ហាបានពូកែ។ កាលណាស្ត្រីមានសុខភាពល្អ វានឹងជម្រុញឱ្យគ្រួសារ សហគមន៍ និងសេដ្ឋកិច្ចទាំងមូល រីកចម្រើន និងរឹងមាំទៅតាមនោះដែរ។ សរុបសេចក្តីមកវិញ សុខុមាលភាពក្នុងរយៈពេលយូរអង្វែង កើតចេញពីការជ្រើសរើសថែទាំ និងចិញ្ចឹមបីបាច់រាងកាយឱ្យបានទៀងទាត់ជារៀងរាល់ថ្ងៃ ជាជាងការចាំទាល់តែមានរោគសញ្ញាឈឺទើបចាប់ផ្តើមការពារ។   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់សមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម។

News & Events
Share
  • Feb 21, 2026 |
  • 3 weeks ago |
  • 1.4K views

ក្រុមហ៊ុន Herbalife បានប្រកាសអំពី ការវិនិយោគទឹកប្រាក់ ៧.៥ លានដុល្លាររបស់លោក Cristiano Ronaldo ទៅក្នុងបច្ចេកវិទ្យា Pro2col™ ដែលស្មើរនឹង ១០% នៃចំណែកភាគហ៊ុនសរុប

(ភ្នំពេញ)៖ Herbalife ដែលជាក្រុមហ៊ុន សហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាពនៅថ្ងៃនេះបានប្រកាសថា កីឡាករអន្តរជាតិលោក Cristiano Ronaldo បានទិញយកភាគហ៊ុន ១០% នៅក្នុងក្រុមហ៊ុន HBL Pro2col Software, LLC ដែលជាក្រុមហ៊ុនបុត្រសម្ព័ន្ធកាន់កាប់ទាំងស្រុងដោយក្រុមហ៊ុន Herbalife និងជាម្ចាស់កាន់កាប់បច្ចេកវិទ្យា Pro2col។   Pro2col គឺជាប្រព័ន្ធប្រតិបត្តិការសុខភាព និងសុខុមាលភាពផ្ទាល់ខ្លួនតាមបែបឌីជីថលជំនាន់ចុងក្រោយបង្អស់របស់ Herbalife ដែលត្រូវបានរចនាឡើងដើម្បីជំរុញការចូលរួមប្រចាំថ្ងៃ ការផ្លាស់ប្តូរឥរិយាបថប្រកបដោយនិរន្តរភាព និងលទ្ធផលដែលអាចវាស់វែងបាន តាមរយៈវិធីសាស្ត្រសុខុមាលភាពដែលផ្អែកលើទិន្នន័យដែលមានរចនាសម្ព័ន្ធច្បាស់លាស់។   លោក Ronaldo បានវិនិយោគទឹកប្រាក់ចំនួន ៧.៥ លានដុល្លារ រួមជាមួយការប្តេជ្ញាចិត្តក្នុងការផ្តល់នូវសេវាកម្ម និងសិទ្ធិឧបត្ថម្ភដល់ Pro2col Software។ ការវិនិយោគនេះសបញ្ជាក់ឱ្យឃើញពីការប្តេជ្ញាចិត្តរបស់លោកចំពោះសុខភាព និងអាហារូបត្ថម្ភ។ វាក៏ឆ្លុះបញ្ចាំងពីទំនុកចិត្តរបស់លោកចំពោះអនាគតនៃអាហារូបត្ថម្ភផ្ទាល់ខ្លួន និងចក្ខុវិស័យរបស់ Herbalife ក្នុងការធ្វើឱ្យកម្មវិធីសុខុមាលភាពផ្ទាល់ខ្លួននេះ អាចត្រូវបានប្រើប្រាស់បានទូលំទូលាយទូទាំងពិភពលោក ដោយរួមបញ្ចូលគ្នានូវបច្ចេកវិទ្យាច្នៃប្រឌិត និងសហគមន៍អ្នកចែកចាយដ៏ធំរបស់យើង។   Herbalife បានក្លាយជាដៃគូអាហារូបត្ថម្ភរបស់លោក Ronaldo ចាប់តាំងពីឆ្នាំ ២០១៣ មកម្ល៉េះ ដោយលោកបានដើរតួចយ៉ាងសំខាន់ក្នុងការចូលរួមជម្រុញការប្រើប្រាស់អាហារូបត្ថម្ភឱ្យកាន់តែប្រសើរឡើងនៅទូទាំងពិភពលោក។ កន្លងមក Herbalife និងលោក Ronaldo បានសហការគ្នាលើការដាក់ចេញនូវផលិតផល Herbalife24® CR7 Drive ដែលជាភេសជ្ជៈកីឡាដែលត្រូវបានបង្កើតឡើងដើម្បីបំពេញតម្រូវការអាហារូបត្ថម្ភ និងតម្រូវការសម្រាប់ការលេងកីឡារបស់វីរបុរសបាល់ទាត់ពិភពលោករូបនេះ និងផ្តល់អត្ថប្រយោជន៍ដល់កីឡាករគ្រប់កម្រិតនៅជុំវិញពិភពលោក។   លោក Stephan Gratziani អគ្គនាយកប្រតិបត្តិក្រុមហ៊ុន Herbalife បានមានប្រសាសន៍ថា៖ «លោក Cristiano គឺជាដៃគូដ៏មានតម្លៃអស់រយៈពេលជាងមួយទសវត្សរ៍មកហើយ ហើយការសម្រេចចិត្តរបស់លោកក្នុងការទិញយកភាគហ៊ុននៅក្នុង Pro2col គឺជាចំណុចរបត់ដ៏សំខាន់មួយនៅក្នុងទំនាក់ទំនងរបស់យើង»។ «ការវិនិយោគរបស់លោកឆ្លុះបញ្ចាំងពីជំនឿរួមគ្នាលើឥទ្ធិពលនៃអាហារូបត្ថម្ភ ទិន្នន័យ បញ្ញាសិប្បនិម្មិត និងការលើកកម្ពស់ការយល់ដឹងផ្ទាល់ខ្លួន ដើម្បីជំរុញឱ្យលទ្ធផលសុខភាពបុគ្គលកាន់តែប្រសើរឡើងៗ ក៏ដូចជាពង្រឹងទំនុកចិត្តរបស់លោកទៅលើរបស់ Pro2col​ ផងដែរ»។   Pro2col ប្រើប្រាស់ទិន្នន័យផ្ទាល់ខ្លួនរបស់បុគ្គលម្នាក់ៗ ដើម្បីបង្កើតផែនការសុខុមាលភាពជាក់លាក់សម្រាប់បុគ្គលនោះ ជាមួយនឹងប្រព័ន្ធតាមដានអាហារូបត្ថម្ភឆ្លាតវៃ។ កម្មវិធីនេះអាចសម្របខ្លួនទៅទៅតាមរបៀបរស់នៅរបស់បុគ្គលម្នាក់ៗ ដែលវានឹងធ្វើឱ្យកម្មវិធីសុខុមាលក្លាយជារឿងសាមញ្ញ និងមានលក្ខណៈឯកជន។ ចំណុចស្នូលរបស់វាគឺ Pro2Score ដែលជាប្រព័ន្ធវាយតម្លៃសុខុមាលភាព នឹងតាមដានចំណុចសំខាន់ៗ ដែលត្រូវបានរចនាឡើងដើម្បីផ្តល់នូវភាពច្បាស់លាស់ ការលើកទឹកចិត្ត និងទិន្នន័យដែលអាចយកមកអនុវត្តបានជាក់ស្តែង។លើសពីនេះទៅទៀត Pro2col ក៏ផ្តល់ជូនអ្នកចែកចាយឯករាជ្យរបស់ Herbalife នូវឧបករណ៍ចាំបាច់ និងចំណេះដឹងបន្ថែមអំពីវេទិកានេះ ដើម្បីជួយគាំទ្រដល់អតិថិជនរបស់ពួកគេឱ្យទទួលបាននូវកម្មវិធីសុខុមាលភាពផ្ទាល់ខ្លួនដែលអាចចូលប្រើប្រាស់បានដោយងាយ និងអាចពង្រីកវិសាលភាពបានវែងឆ្ងាយបន្តទៀត។   លោក Cristiano Ronaldo បានមានប្រសាសន៍ថា៖ «បន្ទាប់ពីបានរួមរស់ជាមួយគ្នាអស់រយៈពេលជាងមួយទសវត្សរ៍ ទំនាក់ទំនងរបស់យើងមានមូលដ្ឋានលើទំនុកចិត្ត និងចក្ខុវិស័យរួមគ្នា។ ការវិនិយោគលើ Pro2col វាហាក់បីដូចជាការវិវត្តន៍តាមបែបធម្មជាតិដូច្នោះ។ ក្រៅតែអំពីការរតំណាងឱ្យ Herbalife នេះគឺជាការជួយរៀបចំ និងពង្រីកវេទិកាមួយដែលអាចផ្លាស់ប្តូររបៀបដែលមនុស្សអាចយកចិត្តទុកដាក់ទៅលើសុខភាព និងសុខុមាលភាពរបស់ពួកគេបានយ៉ាងពិតប្រាកដ»។ លោកក៏មានប្រសាសន៍បន្ថែមទៀតផងដែរថា «ខ្ញុំបានឃើញដោយផ្ទាល់ភ្នែកពីរបៀបដែល Herbalife រួមបញ្ចូលគ្នាទាំងវិទ្យាសាស្ត្រ ការច្នៃប្រឌិត និងការគាំទ្រដែលមានលក្ខណៈឯកជន ដើម្បីធ្វើឱ្យបញ្ហាសុខភាព និងសុខុមាលភាពកាន់តែងាយស្រួលចូលប្រើប្រាស់។ ការធ្វើការងាររួមគ្នាជាមួយ Herbalife ដើម្បីបង្កើតអ្វីមួយដែលមានឥទ្ធិពលយូរអង្វែង គឺជាអ្វីដែលជំរុញទឹកចិត្តខ្ញុំនៅក្នុងដំណាក់កាលនៃអាជីពរបស់ខ្ញុំនេះ»។   Pro2col គាំទ្រដល់យុទ្ធសាស្ត្ររយៈពេលវែងរបស់ Herbalife ក្នុងការក្លាយជាវេទិកាសុខភាព និងសុខុមាលភាពដែលតភ្ជាប់គ្នា និងផ្អែកលើទិន្នន័យ ដោយរួមបញ្ចូលនូវផលិតផលដែលមានគុណភាព សហគមន៍ដ៏ធំបញ្ញាសិប្បនិម្មិត និងសមត្ថភាពឌីជីថល ដើម្បីបម្រើអតិថិជនទូទាំងពិភពលោកឱ្យកាន់តែប្រសើរឡើង។ Herbalife បានចាប់ផ្តើមការសាកល្បង (beta rollout) Pro2col ជាដំណាក់កាលជាយុទ្ធសាស្ត្រ ដោយមានគោលបំណងប្រមូលការយល់ដឹងពីអ្នកប្រើប្រាស់ក្នុងទីផ្សារ ដែលនឹងគាំទ្រដល់ការចេញផ្សាយជាលក្ខណៈពាណិជ្ជកម្មកាន់តែទូលំទូលាយនាពេលអនាគល។ បច្ចុប្បន្ន ការចូលប្រើប្រាស់ដំណាក់កាលសាកល្បងនេះ មានសម្រាប់អ្នកចែកចាយ និងអតិថិជននៅក្នុងសហរដ្ឋអាមេរិក កាណាដា និងព័រតូរីកូតែប៉ុណ្ណោះ។ ក្រុមហ៊ុនរំពឹងថានឹងពង្រីកការចូលប្រើប្រាស់ដំណាក់កាលសាកល្បងទៅកាន់ទីផ្សារអន្តរជាតិបន្ថែមទៀត ដោយចាប់ផ្តើមពីទីផ្សារជ្រើសរើសក្នុងតំបន់ EMEA ក្នុងឆ្នាំ ២០២៦។   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម។  

News & Events
Share
  • Jan 21, 2026 |
  • 1 month ago |
  • 4.4K views

ការស្ទង់មតិរបស់ក្រុមហ៊ុន Herbalife បានរកឃើញថា សហគ្រិន ៣ ក្នុងចំណោម ៤ នាក់នៅក្នុងតំបន់អាស៊ីប៉ាស៊ីហ្វិក រំពឹងទុកថានឹងមានការកើនឡើងនូវសេដ្ឋកិច្ចក្នុងឆ្នាំ 2026

(ភ្នំពេញ)៖ Herbalife ដែលជាក្រុមហ៊ុន សហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាព បានចេញផ្សាយលទ្ធផលពីការស្ទង់មតិស្តីពីការផ្តល់អំណាចផ្នែកសុខភាព និងសេដ្ឋកិច្ចនៅក្នុងតំបន់អាស៊ីប៉ាស៊ីហ្វិក (APAC) ឆ្នាំ២០២៥ (Asia Pacific Health and Economic Empowerment Survey 2025)។ លទ្ធផលបានបង្ហាញពីសុទិដ្ឋិនិយមផ្នែកសេដ្ឋកិច្ចយ៉ាងខ្លាំងក្នុងចំណោមសហគ្រិន ដោយក្នុងនោះសហគ្រិន ៣ នាក់ក្នុងចំណោម ៤ នាក់ (៧៤%) រំពឹងថាសុខុមាលភាពសេដ្ឋកិច្ចរបស់ពួកគេនឹងប្រសើរឡើងក្នុងរយៈពេល ១២ ខែខាងមុខនេះ បើប្រៀបធៀបទៅនឹងអ្នកដែលមិនមែនជាសហគ្រិនដែលមានត្រឹមតែពាក់កណ្តាល (៤៨%) ប៉ុណ្ណោះ ដែលមានទស្សនៈដូចគ្នានេះ។ ការស្ទង់មតិនេះក៏បានបង្ហាញឱ្យឃើញពីកម្រិតនៃ 'ភាពម្ចាស់ការលើខ្លួនឯង' ទាំងផ្នែកសេដ្ឋកិច្ច និងសុខភាព ក្នុងចំណោមសហគ្រិន ដែលមានអត្រាខ្ពស់ជាងគួរឱ្យកត់សម្គាល់ បើធៀបនឹងអ្នកដែលមិនមែនជាសហគ្រិននៅក្នុងតំបន់។ 'ភាពម្ចាស់ការ' ត្រូវបានកំណត់ថាជាសមត្ថភាពក្នុងការធ្វើការសម្រេចចិត្តដោយផ្អែកលើព័ត៌មានច្បាស់លាស់ ដើម្បីពង្រឹងសុខុមាលភាពរាងកាយ ផ្លូវចិត្ត និងអារម្មណ៍ (ដែលសំដៅទៅលើ ភាពម្ចាស់ការផ្នែកសុខភាព) និងការកែលម្អស្ថានភាពហិរញ្ញវត្ថុរបស់បុគ្គលម្នាក់ៗ (ដែលសំដៅទៅលើ ភាពម្ចាស់ការផ្នែកសេដ្ឋកិច្ច) ដែលកម្រិតទាំងនេះមានខ្ពស់ជាង ១៧ ភាគរយ ក្នុងចំណោមសហគ្រិនដែលបានចូលរួមក្នុងការស្ទង់មតិ។ នេះបញ្ជាក់ឱ្យឃើញថាសហគ្រិនទាំងនោះមានការគ្រប់គ្រងសុខភាព និងសុខុមាលភាពសេដ្ឋកិច្ចរបស់ពួកគេបានល្អ។ លោក Thomas Harms នាយកគ្រប់គ្រងប្រចាំតំបន់អាស៊ីប៉ាស៊ីហ្វិកនៃក្រុមហ៊ុន Herbalife បានមានប្រសាសន៍ថា “ផ្ទុយទៅនឹងជំនឿដ៏ពេញនិយមដែលថាសហគ្រិនភាពគឺពោរពេញទៅដោយស្ត្រេស បើយោងទៅតាមការស្ទង់មតិនេះបង្ហាញថាសហគ្រិន មានភាពសុទិដ្ឋិនិយមផ្នែកសេដ្ឋកិច្ច មានទំនុកចិត្ត និងមានម្ចាស់ការទៅលើហិរញ្ញវត្ថុច្បាស់លាស់។ នៅក្នុងស្ថានភាពសេដ្ឋកិច្ចបច្ចុប្បន្ន មនុស្សជាច្រើនកំពុងស្វែងរកមធ្យោបាយបង្កើតប្រភពចំណូលបន្ថែម។ ក្រុមហ៊ុន Herbalife ប្តេជ្ញាគាំទ្រពួកគេដោយជួយពង្រឹងសុខភាព និងសុខុមាលភាពរបស់ពួកគេ ព្រមទាំងផ្តល់ឱកាសសម្រាប់អ្នកដែលចង់បង្កើតអាជីវកម្មសម្រាប់ខ្លួនឯង ក្នុងនាមជាអ្នកចែកចាយឯករាជ្យ”។ ការស្ទង់មតិនេះត្រូវបានធ្វើឡើងក្នុងខែតុលា ដោយមានអ្នកចូលរួម ៨,៥០៥ នាក់ (ក្នុងនោះមានសហគ្រិន ២,២៤៥ នាក់) មកពី ១១ ប្រទេសក្នុងតំបន់រួមមាន៖ អូស្ត្រាលី ហុងកុង ឥណ្ឌូនេស៊ី ជប៉ុន កូរ៉េ ម៉ាឡេស៊ី ហ្វីលីពីន សិង្ហបុរី តៃវ៉ាន់ ថៃ និងវៀតណាម។ សហគ្រិនបង្ហាញទំនុកចិត្តខ្ពស់លើសុខុមាលភាពសេដ្ឋកិច្ចរបស់ខ្លួន នៅទូទាំងតំបន់ សហគ្រិនមានទំនោរមើលឃើញស្ថានភាពសេដ្ឋកិច្ចរបស់ពួកគេក្នុងផ្លូវវិជ្ជមាន។ ក្នុងនោះមានសហគ្រិន ៤៣% បានវាយតម្លៃស្ថានភាពសេដ្ឋកិច្ចបច្ចុប្បន្នរបស់ពួកគេថាស្ថិតក្នុងកម្រិត "ល្អ" ខណៈដែលអ្នកមិនមែនជាសហគ្រិនមានត្រឹមតែ ២៥% ប៉ុណ្ណោះដែលយល់ឃើញបែបនេះ។ ចំពោះការរំពឹងទុកទៅថ្ងៃមុខវិញ សហគ្រិនរហូតដល់ ៧៤% រំពឹងថាស្ថានភាពសេដ្ឋកិច្ចរបស់ពួកគេនឹងប្រសើរឡើងក្នុងរយៈពេល ១២ ខែខាងមុខ ក្នុងពេលដែលអ្នកមិនមែនជាសហគ្រិនមានចំនួនមិនដល់ពាក់កណ្តាល (៤៨%) ផង ដែលមានទំនុកចិត្តក្នុងកម្រិតដូចគ្នានេះ។ បុគ្គលដែលជាសហគ្រិនក៏បានបង្ហាញសុទិដ្ឋិនិយមផងដែរ ក្នុងការសម្រេចឱ្យបាននូវគោលដៅរបស់ពួកគេ៖ គោលដៅរយៈពេលខ្លី (១២ ខែ)៖ ពាក់កណ្តាលនៃសហគ្រិន (៥០%) មានទំនុកចិត្តថានឹងសម្រេចបានគោលដៅសេដ្ឋកិច្ចរបស់ខ្លួន ដែលចំនួននេះខ្ពស់ជាងអ្នកមិនមែនជាសហគ្រិនរហូតដល់ ២៣ ភាគរយ។ គោលដៅរយៈពេលវែង (៥ ឆ្នាំ)៖ ៥១% នៃសហគ្រិនមានទំនុកចិត្តថានឹងសម្រេចបានគោលដៅក្នុងរយៈពេល ៥ ឆ្នាំខាងមុខ ដែលខ្ពស់ជាងអ្នកដែលមិនមែនជាសហគ្រិនចំនួន ២១ ភាគរយ។ ភាពម្ចាស់ការលើខ្លួនឯង ទាំងផ្នែកសេដ្ឋកិច្ច និងសុខភាពក្នុងចំណោមសហគ្រិនក្នុងតំបន់អាស៊ីប៉ាស៊ីហ្វិក ក្រៅពីភាពជឿជាក់ និងសុទិដ្ឋិនិយមចំពោះស្ថានភាពសេដ្ឋកិច្ចបច្ចុប្បន្ន និងទៅថ្ងៃអនាគត លទ្ធផលក៏បានបង្ហាញផងដែរថា សហគ្រិនក្នុងតំបន់អាស៊ីប៉ាស៊ីហ្វិកមាន "ភាពម្ចាស់ការលើខ្លួនឯង" ទាំងផ្នែកសេដ្ឋកិច្ច និងសុខភាព។ ៦ នាក់ ក្នុងចំណោម ១០ នាក់ ឬស្មើរនឹង ៥៩% នៃសហគ្រិនដែលចូលរួមការអង្កេតនេះបាននិយាយថា ពួកគេយល់ថាខ្លួនមានសមត្ថភាពជាម្ចាស់ការក្នុងការសម្រេចចិត្ត ដើម្បីកែលម្អស្ថិរភាពហិរញ្ញវត្ថុ និងសុខុមាលភាពសេដ្ឋកិច្ចរបស់ខ្លួន ដែលចំនួននេះគឺខ្ពស់ជាង ១៨ ភាគរយ បើធៀបទៅនឹងអ្នកមិនមែនជាសហគ្រិនដែលមានត្រឹម ៣៩%។ ភាពម្ចាស់ការលើផ្នែកសុខភាពក៏មានកម្រិតខ្ពស់ដូចគ្នាដែរក្នុងចំណោមសហគ្រិន ដោយមានរហូតដល់ ៦៥% ដែលយល់ថាខ្លួនមានសមត្ថភាពម្ចាស់ការលើខ្លួនឯង បើធៀបនឹងអ្នកមិនមែនជាសហគ្រិនដែលមានត្រឹមតែ ៤៨%។ ភាពម្ចាស់ការលើខ្លួនឯងនេះហើយ ដែលអាចពន្យល់បានថា ហេតុអ្វីបានជាសហគ្រិនបង្ហាញទំនុកចិត្តខ្ពស់ក្នុងការសម្រេចឱ្យបាននូវគោលដៅសុខភាពរបស់ពួកគេក្នុងរយៈពេល ១២ ខែខាងមុខ។ ច្រើនជាងពាក់កណ្តាល (៥៦%) នៃសហគ្រិន ជឿជាក់ថាពួកគេអាចសម្រេចបាននូវគោលដៅសុខភាពក្នុងរយៈពេល ១២ ខែខាងមុខ ខណៈដែលអ្នកមិនមែនជាសហគ្រិនមានត្រឹមតែ ៣៣% ប៉ុណ្ណោះដែលជឿជាក់បែបនេះ។ ទំនាក់ទំនងរវាងសុខភាព និងសេដ្ឋកិច្ច ការរកឃើញនេះបង្ហាញឱ្យឃើញកាន់តែច្បាស់ពីចំណងទាក់ទងគ្នាយ៉ាងជិតស្និទ្ធនៃភាពជាម្ចាស់ការទៅលើ សុខភាព និង សេដ្ឋកិច្ច។ អ្នកដែលមានសមត្ថភាពពេញលេញក្នុងការពង្រឹងស្ថានភាពហិរញ្ញវត្ថុរបស់ខ្លួន ក៏ច្រើនតែមានទំនុកចិត្តខ្ពស់ក្នុងការថែទាំសុខភាពរបស់ពួកគេដូចគ្នា។ នេះមានន័យថាភាពជឿជាក់លើការគ្រប់គ្រងលុយកាក់ និងភាពជឿជាក់លើការគ្រប់គ្រងសុខភាព គឺតែងតែដើរទន្ទឹមគ្នា។ ដោយសារមានការម្ចាស់ការទៅលើការសម្រេចចិត្ត ការកំណត់គោលដៅ ការបែងចែកពេលវេលា និងធនធាន ព្រមទាំងជម្រើសនៃការរស់នៅ សហគ្រិនជឿជាក់ថាខ្លួនមានសក្ដានុពលដើម្បីធ្វើឱ្យបំណងប្រាថ្នាក្លាយជាការពិត។ ភាពម្ចាស់ការលើខ្លួនឯងនេះហើយដែលជួយបង្កើនទំនុកចិត្ត និងនាំមកនូវលទ្ធផលល្អទាំងផ្នែកសុខភាព និងសេដ្ឋកិច្ច។ វាជាភស្តុតាងបញ្ជាក់ថា នៅពេលដែលយើងចេះគ្រប់គ្រងការសម្រេចចិត្តលើសុខភាព និងសេដ្ឋកិច្ចដោយខ្លួនឯង យើងនឹងអាចផ្លាស់ប្តូរទាំងអនាគត និងជីវិតរស់នៅឱ្យកាន់តែប្រសើរឡើង។   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់សមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម។

News & Events
Share
  • Dec 11, 2025 |
  • 3 months ago |
  • 6.5K views

ក្រុមហ៊ុន Herbalife កម្ពុជា រៀបចំកម្មវិធីអាហារូបត្ថម្ភលើកទី៣ នៅរាជធានីភ្នំពេញ ដើម្បីលើកកម្ពស់របៀបរស់នៅដែលមានសុខភាពល្អ

(ភ្នំពេញ)៖ ថ្ងៃទី៦ ខែធ្នូ ឆ្នាំ២០២៥ ក្រុមហ៊ុន Herbalife ដែលជាក្រុមហ៊ុនសហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាព បានរៀបចំ កម្មវិធីអាហារូបត្ថម្ភលើកទី៣នៅលើទឹកដីកោះនរា រាជធានីភ្នំពេញ។ គំនិតផ្តួចផ្តើមនៃកម្មវិធីនេះ មានគោលបំណងបំពាក់បំប៉ន និងពង្រឹងនូវចំណេះដឹងចាំបាច់អំពីអាហារូបត្ថម្ភ និងតួនាទីដ៏សំខាន់របស់វាក្នុងសុខភាពទូទៅ និងសុខុមាលភាពប្រចាំថ្ងៃក៏ដូចជាចូលរួមលើកទឹកចិត្តឱ្យមានការទទួលយកនូវទម្លាប់រស់នៅដែលមានសុខភាពល្អ និងសកម្មផងដែរ។   កម្មវិធីអាហារូបត្ថម្ភលើកទី៣ នៅរាជធានីភ្នំពេញ បានទាក់ទាញអ្នកចូលរួមរាប់រយនាក់ ដែលក្នុងចំណោមពួកគេជាច្រើននាក់មានឱកាសទទួលបានការណែនាំអំពីអាហារូបត្ថម្ភ និងកាយសម្បទាផ្ទាល់ខ្លួនពីអ្នកជំនាញសុខភាព និងអាហារូបត្ថម្ភកំពូលៗ ក៏ដូចជាទទួលបានការប្រឹក្សាយោបល់ជាមួយគ្រូពេទ្យជំនាញដោយឥតគិតថ្លៃផងដែរ។ នៅក្នុងព្រឹត្តិការណ៍នេះ ក៏មានរួមបញ្ចូលនូវសកម្មភាពកំសាន្តសប្បាយៗជាច្រើនទៀតផងដែរ ដែលរួមមាន ការរត់លេងកម្សាន្ត 5K (5K Fun Run), ការទទួលទានអាហារក្រឡុកដោយឥតគិតថ្លៃ, ការរាំ Zumba, Experience Pass(បាល់ទាត់ខ្នាតតូច, បាល់ទាត់លើតុ, វាយសី, កីឡាបាល់បោះ), មាតិកាចែករំលែកអំពីសុខភាព (Doctor Talk) ដោយ លោកវេជ្ជបណ្ឌិត និត ប៊ុនតុងយី, ការពិគ្រោះយោបល់សុខភាពដោយឥតគិតថ្លៃពីវេជ្ជបណ្ឌិតមកពីមន្ទីរពេទ្យសកល និង ការ៉េម F1 ដែលធ្វើពីផលិតផល Formula 1 របស់យើងផ្ទាល់តែម្តង។ លើសពីនេះទៅទៀត ស្តង់បង្ហាញរបស់ក្រុមហ៊ុន Herbalife កម្ពុជា នៅក្នុងព្រឹត្តិការណ៍នេះបានជម្រុញការពិភាក្សា និងសកម្មភាពដែលផ្តោតលើសុខភាព និងអាហារូបត្ថម្ភ ដោយបានទាក់ទាញអ្នកចូលរួមយ៉ាងច្រើនកុះករ។   លោក Vu Van Thang ប្រធានចាត់ការទូទៅក្រុមហ៊ុន Herbalife ប្រចាំប្រទេសវៀតណាម និងកម្ពុជា បានថ្លែងថា៖ «យើងពិតជារីករាយខ្លាំងណាស់ដែលកម្មវិធីអាហារូបត្ថម្ភនៅរាជធានីភ្នំពេញបន្តទទួលបានការគាំទ្រយ៉ាងខ្លាំងពីសាធារណជន។ គំនិតផ្តួចផ្តើមនេះគឺជាសក្ខីភាពមួយទៀតចំពោះការប្តេជ្ញាចិត្តមិនរាថយរបស់យើងក្នុងការលើកកម្ពស់ស្មារតី សុខភាព និងសុខុមាលភាព និងសហគមន៍នៅក្នុងប្រទេសកម្ពុជា តាមរយៈការលើកទឹកចិត្តសាធារណជនឱ្យទទួលយកនូវរបៀបរស់នៅដែលមានសុខភាពល្អ និងសកម្ម។ ពួកយើងក៏មានមោទកភាពយ៉ាងរីករាយផងដែរ ដែលអ្នកចែកចាយឯករាជ្យ និងបុគ្គលិកទាំងអស់របស់យើងបានចូលរួមខ្នះខ្នែងយ៉ាងសកម្មនៅក្នុងព្រឹត្តិការណ៍នេះ»។ កម្មវិធីអាហារូបត្ថម្ភរបស់ក្រុមហ៊ុន Herbalife ត្រូវបានរៀបចំឡើងជាលើកដំបូងនៅក្នុងឆ្នាំ ២០២៣ ហើយក៏បានក្លាយជាព្រឹត្តិការណ៍សុខភាពសាធារណៈប្រចាំឆ្នាំមួយនៅក្នុងរាជធានីភ្នំពេញ ដែលទាក់ទាញការចូលរួមពីមនុស្សរាប់រយនាក់ទូទាំងប្រទេស។ អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់សមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម។

News & Events
Share
  • Dec 05, 2025 |
  • 3 months ago |
  • 6.5K views

មូលនិធិគ្រួសារ Herbalife ផ្តល់ជំនួយសរុបចំនួន 184,500 ដុល្លារ ដល់អង្គការមិនស្វែងរកប្រាក់ចំណេញចំនួន 3 នៅក្នុងប្រទេសកម្ពុជា

ភ្នំពេញ ថ្ងៃទី 5 ខែធ្នូ ឆ្នាំ 2025 – Herbalife Family Foundation (HFF) ជាអង្គការមិនស្វែងរកប្រាក់ចំណេញអន្តរជាតិមួយ ដែលត្រូវបានគាំទ្រដោយអ្នកចែកចាយឯករាជ្យ និងបុគ្គលិក Herbalife បានប្រកាសថា បានផ្តល់ជំនួយចំនួនសរុប 184,500 ដុល្លារ ដល់អង្គការមិនស្វែងរកប្រាក់ចំណេញចំនួន 3 នៅទូទាំងប្រទេសកម្ពុជា។ អង្គការទាំងនេះស្ថិតក្នុងកម្មវិធី Casa Herbalife ដែលជាគម្រោងសំខាន់របស់ HFF ដើម្បីសហការជាមួយអង្គការមូលដ្ឋានក្នុងការផ្តល់អាហារូបត្ថម្ភ​ ការអប់រំ និងបរិយាកាសសុវត្ថិភាពសម្រាប់កុមារ និងគ្រួសារដែលត្រូវការជំនួយ។ “យើងមានមោទនភាពក្នុងការសហការជាមួយអង្គការដ៏អស្ចារ្យដែលកំពុងបង្កើតការផ្លាស់ប្តូរដែលមានអត្ថន័យក្នុងសហគមន៍​របស់ពួកគេ” លោក Thang Vu នាយកគ្រប់គ្រងទូទៅ ក្រុមហ៊ុន Herbalife កម្ពុជា បានមានប្រសាសន៍ដូច្នេះ និងបានបន្ថែមទៀតថា៖ “ជាមួយអ្នកចែកចាយ និងបុគ្គលិក Herbalife យើងកំពុងធ្វើឱ្យមានការផ្លាស់ប្តូរតាមរយៈការជួយកុមារទទួលបានអាហារូបត្ថម្ភ ការអប់រំ និងការគាំទ្រដែលពួកគេត្រូវការ ដើម្បីអភិវឌ្ឍន៍ជីវិត។” អង្គការទទួលបានជំនួយនៅក្នុងប្រទេសកម្ពុជារួមមាន៖ អង្គការ Pour un Sourire d’Enfant (PSE)៖ ជួយកុមារចេញពីភាពក្រីក្រ និងណែនាំពួកគេទៅរកការងារដែលមានកិត្តិយស និងជំនាញ។ គាំទ្រកុមារច្រើនជាង 6,500 នាក់រៀងរាល់ឆ្នាំ បញ្ចប់ការបណ្តុះបណ្តាលវិជ្ជាជីវៈច្រើនជាង 6,000 នាក់ដែលមានការងារដែលមានគុណភាព។ មន្ទីរពេទ្យកុមារអង្គរ (AHC)៖ ផ្តល់សេវាថែទាំសុខភាពកុមារដោយមានមេត្តាករុណា និងគុណភាពខ្ពស់ ការអប់រំ និងសេវាការពារ។ បានផ្តល់សេវាថែទាំដល់កុមារច្រើនលាននាក់ បម្រើអ្នកជំងឺប្រចាំថ្ងៃចំនួន 350​ – 400 នាក់។ អង្គការ Children’s Future International (CFI)៖ ការពារសិទ្ធិកុមារដែលងាយរងគ្រោះ ដើម្បីធានាសុវត្ថិភាព ការអប់រំ និងការផ្តល់អំណាច។ គាំទ្រសិស្សប្រហែល 1,000 នាក់តាមរយៈសេវាសង្គម និងការអប់រំ; បម្រើកុមារនិងគ្រួសារដែលមានហានិភ័យច្រើនជាង 300។ ឆ្នាំនេះ HFF បានផ្តល់ជំនួយសរុបចំនួន 5 លានដុល្លារ ក្នុងកម្មវិធី Casa Herbalife ដល់អង្គការមិនស្វែងរកប្រាក់ចំណេញចំនួន 165 កន្លែង នៅក្នុង 60 ប្រទេស និងតំបន់។ ជំនួយទាំងនេះ អាចប្រព្រឹត្តទៅបានដោយសារការបរិច្ចាគរបស់អ្នកចែកចាយ Herbalife និងបុគ្គលិក Herbalife ដែលមានការប្តេជ្ញាចិត្តក្នុងការគាំទ្រកម្មវិធីដែលដឹកនាំដោយសហគមន៍ ដើម្បីពង្រឹងសហគមន៍ និងធ្វើឱ្យជីវិតប្រសើរឡើង។ ថវិកានេះរំពឹងថា នឹងអាចជួយកុមារច្រើនជាង 200,000 នាក់នៅទូទាំងពិភពលោក។ តាំងពីបានបង្កើតឡើងនៅឆ្នាំ 1994 HFF បានចំណាយលើសពី 60 លានដុល្លារ ដើម្បីគាំទ្រអង្គការមិនស្វែងរកប្រាក់ចំណេញនៅទូទាំងពិភពលោក ដើម្បីធានាថា កុមារ និងគ្រួសារទទួលបានអាហារូបត្ថម្ភ ការអប់រំ និងធនធានដែលចាំបាច់សម្រាប់ការរីកចម្រើន។ អំពី Herbalife Family Foundation Herbalife Family Foundation (HFF) គឺជាអង្គការមិនស្វែងរកប្រាក់ចំណេញអន្តរជាតិ 501(c)(3) ដែលបានគាំទ្រដោយអ្នកចែកចាយឯករាជ្យ និងបុគ្គលិក Herbalife។ បែបបទនៃការបង្កើតដោយ Mark Hughes ស្ថាបនិកក្រុមហ៊ុន Herbalife គឺ ដើម្បីជួយសហគមន៍ដែលខ្វះខាត។ HFF គាំទ្រកម្មវិធីផ្លាស់ប្តូរជីវិតដែល ផ្តោតលើសុខុមាលភាពកុមារតាម​រយៈអាហារូបត្ថម្ភ និងការអប់រំ។ តាំងពីឆ្នាំ 1994 មក HFF បានចំណាយលើសពី 60 លានដុល្លារដើម្បីគាំទ្រអង្គការមិនស្វែងរកប្រាក់ចំណេញនៅទូទាំងពិភពលោក និងចូលរួមក្នុងការជួយសង្គ្រោះពេលមានគ្រោះធម្មជាតិ។ សម្រាប់ព័ត៌មានបន្ថែម សូមចូលទៅកាន់ herbalifefamilyfoundation.org និងតាមដានយើងនៅ Instagram និង Facebook @Herbalifefamilyfoundation។ អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់សមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម។

News & Events
Share
  • Nov 22, 2025 |
  • 3 months ago |
  • 6.9K views

ក្រុមហ៊ុន Herbalife ត្រូវ​បាន​ដាក់​បញ្ចូល​ក្នុង​បញ្ជី​ម៉ាក​យីហោ​ដែលផ្តល់គុណតម្លៃល្អ​បំផុតរបស់ ​ទស្សនាវដ្ដី Forbes

  (ភ្នំពេញ)៖ Herbalife ដែលជាក្រុមហ៊ុន សហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាព ត្រូវ​បាន​ដាក់​បញ្ចូល​ក្នុង​បញ្ជី​ម៉ាក​យីហោ​ដែលផ្តល់គុណតម្លៃល្អ​បំផុតរបស់​ទស្សនាវដ្ដី Forbes។ លោក Frank Lamberti ដែល​ជា​ប្រធាន​ផ្នែក​ពាណិជ្ជកម្ម​នៃ​ក្រុមហ៊ុន Herbalife បាន​និយាយ​ថា៖ "នៅ Herbalife យើងមាន​មោទនភាព​ក្នុង​ការ​ផ្តល់​ជូន​នូវ​ផលិតផល​ដែល​មាន​គុណភាព​ខ្ពស់ ដោយ​ផ្អែក​លើ​វិទ្យាសាស្រ្ត និងផ្តល់ភាពងាយ​ស្រួលសម្រាប់​អ្នក​ចែកចាយ​របស់​យើង និង​អតិថិជន​របស់​ពួក​គេ​នៅ​ជុំវិញ​ពិភពលោក។ ការ​ទទួល​ស្គាល់​នេះ ជួយពង្រឹង​នូវ​អ្វី​ដែល​មនុស្សគ្រប់គ្នាតែងតែនិយាយ​ប្រាប់​យើង​ជា​រៀងរាល់​ថ្ងៃ។Herbalife និង​អ្នក​ចែកចាយឯករាជ្យ​របស់​ខ្លួន តែងតែ​ផ្តល់​នូវ​គុណតម្លៃ​ពិសេស​ដោយរួម​បញ្ចូល​ផលិតផល​ដែល​មាន​គុណភាព ភាពគួរជាទីទុកចិត្ត រូមជាមួយ​ ​នឹង​ការ​ Coaching ផ្ទាល់ខ្លួនដល់អតិថិជន" ។ វិធីសាស្ត្រ​ចងក្រង​បញ្ជី​របស់ Forbes  • បញ្ជី​របស់ Forbes ត្រូវ​បាន​បង្កើត​ឡើង​ដោយ​សហការ​ជាមួយ​ក្រុមហ៊ុន HundredX ។ • បញ្ជី​នេះ​ផ្អែក​លើ​ការ​វាយតម្លៃ​ពី​អ្នក​ប្រើប្រាស់​ជាង 3,8 លាន លើ​ម៉ាកយីហោ 3,500។ • អ្នកចូមរួមវាយតម្លៃ​ជ្រើសរើស​ម៉ាកយីហោ និង​ផលិតផល​​ដោយគ្មានការបង្ខិតបង្ខំឬកំណត់ទុកជាមុននោះទេ បែបនេះវាធានា​នូវ​មតិ​យោបល់ដែលមិន​លំអៀង។ • មានតែម៉ាកយីហោ​កំពូលៗ 300 ប៉ុណ្ណោះដែលត្រូវបានជ្រើសរើសដាក់ក្នុងបញ្ជីនេះ។ • ដូច​ទៅ​នឹង​ចំណាត់ថ្នាក់​ដទៃៗទៀតរបស់ Forbes ដែរ ក្រុមហ៊ុន​ទាំងអស់ដែលត្រូវបានជ្រើសរើស មិនកំណត់ឱ្យមានការបង់​ថ្លៃសម្រាប់​ការ​ផ្តល់តម្លៃ ឬ​ការ​ជ្រើសរើសនោះ​ឡើយ ។ ការ​ដាក់​បញ្ចូល​ក្រុមហ៊ុន Herbalife ក្នុង​បញ្ជី​ម៉ាក​យីហោ​ដែលផ្តល់គុណតម្លៃល្អ​បំផុតរបស់​ទស្សនាវដ្ដី Forbes បញ្ជាក់​ពី ការ​ប្តេជ្ញា​ចិត្ត​យូរអង្វែងរបស់​ក្រុមហ៊ុន​ចំពោះ នវានុវត្តន៍​ផលិតផល ទំនុក​ចិត្ត​របស់​អតិថិជន និង ការរក្សាតម្លៃសមរម្យ។ កាល​ពី​ដើម​ឆ្នាំ​ 2025 ក្រុមហ៊ុន​ក៏​ត្រូវបានដាក់ចូលក្នុង​បញ្ជី ក្រុមហ៊ុន​ល្អ​បំផុត​ក្នុង​ការបម្រើការងារប្រចាំឆ្នាំ 2025-2026 (Best Companies to Work For list) របស់​កាសែត U.S. News & World Report ផងដែរ។ អស់រយៈពេល 45 ឆ្នាំមកហើយ ដែល Herbalife បានតាំងចិត្តប្តេជ្ញាផ្លាស់ប្ដូរ​ជីវិត​មនុស្ស​តាមរយៈ​ ផលិតផល​អាហារូបត្ថម្ភ និងឱកាស​អាជីវកម្ម​។ ជាមួយ​នឹង​បុគ្គលិក​ប្រមាណ 8,600 នាក់ ទូទាំង​ពិភពលោក និង​បណ្តាញ​អ្នក​ចែកចាយ​ឯករាជ្យ​ទូទាំង​ពិភពលោក​ចំនួន 2,1 លាន​នាក់ ក្រុមហ៊ុន​បាន​កសាង​សហគមន៍​មួយ​ដែលជម្រុញ​មនុស្ស​ឱ្យ​រស់នៅ​ជីវិត​ដ៏​ល្អ​បំផុត​ដែលពួក​គេចង់បាន។ Herbalife គឺ​ជាម៉ាកយីហោ​អាហារូបត្ថម្ភ ​និង​របៀប​រស់នៅ​​សកម្មលេខ 1 ក្នុង​ពិភពលោក អស់​រយៈពេលប្រាំ​ឆ្នាំ​ជាប់​គ្នា ហើយ​ត្រូវ​បាន​គេ​ទទួល​ស្គាល់​ថា​ជាក្រុមហ៊ុនដែលផ្តល់នូវ ប្រូតេអ៊ីន​ក្រឡុក​លេខ 1 ក្នុង​ពិភពលោកផងដែរ។​ ឥទ្ធិពល​របស់​ក្រុមហ៊ុន​លាត​សន្ធឹង​បន្ថែម​ទៀត​តាមរយៈ​ការ ឧបត្ថម្ភ​អត្តពលិក និង​ក្រុម​កីឡាជាង 150 នៅ​ជុំវិញ​ពិភពលោក រួម​ទាំង​កីឡាករ​បាល់ទាត់​ដ៏ល្បីបំផុតរបស់ពិភពលោកគឺ Cristiano Ronaldo។ អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់សមាជិកឯករាជ្យ​របស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម។

News & Events
Share
  • Oct 17, 2025 |
  • 4 months ago |
  • 7.9K views

ក្រុមហ៊ុន Herbalife ត្រូវបានដាក់បញ្ចូលក្នុងបញ្ជីក្រុមហ៊ុនល្អបំផុតសម្រាប់ការងារប្រចាំឆ្នាំ ២០២៥-២០២៦ របស់ U.S. News & World Report

(ភ្នំពេញ)៖ Herbalife ដែលជាក្រុមហ៊ុន សហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាពបានចែករំលែកអំពីរបាយការណ៍ថ្មីស្តីអំពី ក្រុមហ៊ុន Herbalife ត្រូវ​បាន​ដាក់​បញ្ចូល​ក្នុង​បញ្ជី​ក្រុមហ៊ុន​ល្អ​បំផុត​ក្នុងការបម្រើការងារ​ប្រចាំ​ឆ្នាំ ២០២៥-២០២៦ របស់ U.S. News & World Report។ ក្នុងនាមជាក្រុមហ៊ុនដែលទទួល​បាន​ការ​ទទួល​ស្គាល់​សម្រាប់​ឧត្តមភាព​នៅ​កន្លែង​ធ្វើការ បទពិសោធន៍​បុគ្គលិក និង​ការ​រីកចម្រើនក្នុង​អាជីពការងាររបស់បុគ្គលិក ក្រុមហ៊ុន Herbalife ដែល​ជា​ក្រុមហ៊ុន​ឈានមុខ​គេ​ផ្នែក​សុខភាព និង​សុខុមាលភាព សហគមន៍ និង​វេទិកាភ្ជាប់ទំនាក់ទំនង ​ត្រូវ​បាន​ទទួលស្គាល់​ថាជា​ក្រុមហ៊ុន​មួយ​ក្នុង​ចំណោម ក្រុមហ៊ុន​ល្អ​បំផុតក្នុងការបម្រើ​ការងារ​ប្រចាំ​ឆ្នាំ ២០២៥-២០២៦ របស់​ទស្សនាវដ្ដី U.S. News & World Report។ ទស្សនាវដ្ដីនេះត្រូវ​បាន​គេ​ទទួល​ស្គាល់​ជា​សកល​សម្រាប់​ចំណាត់ថ្នាក់​ដែល​មាន​ការ​ទុកចិត្ត និង​ការ​ណែនាំ​គួរ​ឱ្យ​ជឿជាក់​ដល់​អតិថិជន ដែល​ជួយ​បុគ្គល​ក្នុង​ការ​សម្រេច​ចិត្ត​ប្រកប​ដោយ​ការ​យល់​ដឹង​លើ​អាជីព ការអប់រំ និង​ច្រើន​ទៀត។ ការ​ទទួល​ស្គាល់​នេះ​ឆ្លុះបញ្ចាំង​ពី​ការ​ប្តេជ្ញា​ចិត្ត​​របស់ Herbalife ក្នុង​ការ​កសាង​សហគមន៍​ដែលមានត្រីវិស័យច្បាស់លាស់ និង​វប្បធម៌​ដែល​ផ្តោតលើ​សុខុមាលភាព ​ការ​រីកចម្រើន និងការផ្ដល់​តម្លៃ​ដល់​បុគ្គលិក។ លោកស្រី Michelle Kwait នាយកផ្នែក​ធនធានមនុស្ស​នៅ Herbalife បាន​មាន​ប្រសាសន៍​ថា៖ “នៅ Herbalife យើង​ប្ដេជ្ញា​ចិត្ត​ក្នុង​ការ​ជំរុញ​អាជីព​ការងារ​ដែល​មាន​អត្ថន័យ និង​កសាង​សហគមន៍​ដែលផ្តល់តម្លៃដល់ ​សុខុមាលភាព នវានុវត្តន៍ និងមាន​ត្រីវិស័យច្បាស់លាស់។ ការទទួលស្គាល់នេះ​ឆ្លុះបញ្ចាំង​ពី​ការយកចិត្តទុកដាក់របស់​យើង​ក្នុង​ការ​លើកកម្ពស់​សុខុមាលភាពកន្លែង​ធ្វើការ​ បុគ្គលិកត្រូវបានគេផ្តល់តម្លៃ មានទឹកចិត្តក្នុងការឆ្ពោះទៅមុខ និង​រីកចម្រើនទាំងក្នុងបុគ្គលភាពផ្ទាល់ខ្លួន ក៏ដូចជាអាជីពការងារ”។ ការវាយតម្លៃនេះ ទស្សនាវដ្ដី U.S. News & World Report បាន​វាយតម្លៃ​ក្រុមហ៊ុន​ដែល​ចុះបញ្ជី​ក្នុង​ទីផ្សារ​ភាគហ៊ុន​សាធារណៈ​ជាង ៥,០០០ ក្រុមហ៊ុន។ ចំណាត់ថ្នាក់​ គឺ​ផ្អែក​លើ​ការ​វិភាគ​ឯករាជ្យទៅលើឥរិយាបថជារួមនៃ​បុគ្គលិក និងរួម​ជាមួយ​ទិន្នន័យ​ដែល​មាន​ជា​សាធារណៈ។ ក្រុមហ៊ុន Herbalife ទទួល​បាន​ការ​ទទួល​ស្គាល់​នៅ​ក្នុង​ប្រភេទ​ធំៗ​ចំនួន​បី៖ ក្រុមហ៊ុន​ល្អ​បំផុត​ក្នុងការបម្រើការងារ (ជារួម) ក្រុមហ៊ុន​ល្អ​បំផុត​ក្នុងការបម្រើការងារ – ឧស្សាហកម្ម​ផលិតផល​ប្រើប្រាស់ ក្រុមហ៊ុន​ល្អ​បំផុត​ក្នុងការបម្រើការងារ– តំបន់នៃភាគ​ខាងលិចនៃសហរដ្ឋអាមេរិក ​កត្តា​សំខាន់ៗ​ចំនួន​ប្រាំមួយដែលត្រូវយកមកធ្វើការវាយតម្លៃរួមមាន៖ ប្រាក់ខែ និង​អត្ថប្រយោជន៍, សមតុល្យ​ជីវិត​ការងារ និង​ភាព​បត់បែន, ស្ថិរភាព​ការងារ, ផាសុកភាព​ផ្លូវកាយ និង​ផ្លូវចិត្ត, អារម្មណ៍​ជាម្ចាស់ការ និង​ការ​គោរពផ្តល់តម្លៃ, និង ឱកាស​រីកចម្រើនក្នុងការងារ និង​ការ​អភិវឌ្ឍ​វិជ្ជាជីវៈ។ អស់​រយៈពេល ៤៥ ឆ្នាំ​មក​ហើយ ក្រុមហ៊ុន Herbalife បាន​ប្តេជ្ញា​ចិត្ត​ក្នុង​ការ​ផ្លាស់ប្ដូរ​ជីវិត​របស់​មនុស្ស​តាមរយៈ​ផលិតផល​អាហារូបត្ថម្ភ​ដែល​គាំទ្រ​ដោយ​វិទ្យាសាស្ត្រ និង​ឱកាស​អាជីវកម្មសម្រាប់សមាជិក។ ជាមួយនឹង​បុគ្គលិកនៅទូទាំងពិភពលោក ​ប្រហែល ៨,៦០០ នាក់ និង​អ្នក​ចែកចាយ​ឯករាជ្យ ២.១ លាន​នាក់ ក្រុមហ៊ុន​បាន​កសាង​សហគមន៍​មួយ​ដែល​ជម្រុញ​មនុស្ស​ឱ្យ​រស់នៅ​ក្នុង​ជីវិត​ដ៏​ល្អ​បំផុត។ ការ​ខិតខំ និង​ការសហការ​បាន​ជម្រុញ​ឱ្យ Herbalife ក្លាយជា ម៉ាក​យីហោ​អាហារូបត្ថម្ភ​ និង​របៀប​រស់នៅសកម្ម ​លេខ ១ នៅ​លើ​ពិភពលោក អស់​រយៈពេល​ប្រាំ​ឆ្នាំ​ជាប់ៗ​គ្នា និង​ទទួលបានទំនុកចិត្តថាជាក្រុមហ៊ុនដែលផ្តល់ជូន​នូវ ប្រូតេអ៊ីន​ក្រឡុក​លេខ ១ នៅ​លើ​ពិភពលោក (protein shake)។ ឥទ្ធិពល​របស់​ក្រុមហ៊ុន​លាតសន្ធឹងទាំងទៅលើ ​ការ​ឧបត្ថម្ភ​ក្រុមកីឡា និង​អត្តពលិក​ជាង ១៥០ ក្រុម​នៅ​ជុំវិញ​ពិភពលោក រួម​ទាំង​កីឡាករ​បាល់ទាត់​អន្តរជាតិ​ដ៏​ល្បីល្បាញគឺលោក Cristiano Ronaldo ផងដែរ។   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់សមាជិកឯករាជ្យ​​របស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម។

News & Events
Share
  • Jul 23, 2025 |
  • 7 months ago |
  • 7.8K views

វិធីសាស្រ្តកំណត់អត្តសញ្ញាណសារធាតុ Aloin របស់ Herbalife នៅក្នុងប្រទាលកន្ទុយក្រពើ ត្រូវបានទទួលស្គាល់ជាផ្លូវការដោយ AOAC INTERNATIONAL

(ភ្នំពេញ)៖ Herbalife ដែលជាក្រុមហ៊ុនសហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាព ថ្ងៃនេះបានប្រកាសថា សមាគមសហប្រតិបត្តិការវិភាគផ្លូវការ (AOAC INTERNATIONAL) ដែលជាអាជ្ញាធរសកលផ្នែកវិទ្យាសាស្ត្រវិភាគ បានបញ្ជាក់ជាផ្លូវការនូវវិធីសាស្រ្តកំណត់អត្តសញ្ញាណ និងការវាស់វែងសារ​ធាតុ​ anthraquinones ដែលត្រូវបានគេស្គាល់ថាជា aloins នៅក្នុងប្រទាលកន្ទុយក្រពើរបស់ក្រុមហ៊ុន Herbalife។ ក្រុមផ្នែកច្បាប់នៃប្រទាលកន្ទុយក្រពើតម្រូវឱ្យក្រុមហ៊ុនទាំងអស់ដែលផលិតផលិតផលប្រទាលកន្ទុយក្រពើ ត្រូវតែត្រួត​ពិនិត្យ​សមាសធាតុដែលកើតឡើងដោយធម្មជាតិដូចជា aloin A, aloin B, និង aloe-emodin  ថាពិតជាត្រូវ​ទៅតាម​គោល​ការណ៍ណែនាំសុវត្ថិភាពពិតប្រាកដមែន។ វិញ្ញាបនបត្រនេះទទួលស្គាល់ជាផ្លូវការនូវវិធីសាស្រ្តរបស់ក្រុមហ៊ុន Herbalife ក្នុងការរក aloins ហើយជាវិធីសាស្រ្តដំបូងបង្អស់របស់ពិភពលោកដែលត្រូវបានអនុម័តដោយ AOAC។ វិធីសាស្ត្រដែលត្រូវបានបញ្ជាក់ដោយ AOAC នេះត្រូវបានបង្កើតឡើងដោយអ្នកវិទ្យាសាស្ត្រ Herbalife និងត្រូវបាន​ផ្ទៀង​​ផ្ទាត់ដោយមន្ទីរពិសោធន៍ឯករាជ្យនៅជុំវិញពិភពលោក ហើយក៏ត្រូវបានប្រើប្រាស់ដើម្បីតេស្តគ្រប់ផលិតផល​ប្រទាល​កន្ទុយក្រពើទាំងអស់របស់ Herbalife ដែលនឹងធានានូវសុវត្ថិភាពស្របពេលដែលនៅតែរក្សាអត្ថប្រយោជន៍​ធម្មជាតិ​របស់​ប្រទាលកន្ទុយក្រពើបាន។ ប្រទាលកន្ទុយក្រពើ គឺជាគ្រឿងផ្សំដ៏សំខាន់នៅក្នុងផលិតផលកំពូលៗជាច្រើនរបស់ Herbalife ដែលត្រូវបានលក់នៅក្នុងទីផ្សារជាង ៩០ ប្រទេស។ លោក Gary Swanson អនុប្រធានជាន់ខ្ពស់ផ្នែកគុណភាពនៅ Herbalife បានថ្លែងថា៖ "ការផ្ទៀងផ្ទាត់ AOAC នេះគឺជាព្រឹត្តិការណ៍ដ៏សំខាន់មួយសម្រាប់ Herbalife និងឧស្សាហកម្មទាំងមូល"។ លោកបានបន្តថា៖ "យើងមាន​មោទន​ភាព​ដែលបានដឹកនាំការច្នៃប្រឌិតបែបវិទ្យាសាស្ត្រដែលបង្កើនសុវត្ថិភាពគ្រឿងផ្សំរុក្ខជាតិ ផ្តល់អត្ថប្រយោជន៍មិនត្រឹមតែដល់ផលិតផល Herbalife និងអតិថិជនរបស់យើងប៉ុណ្ណោះទេ ប៉ុន្តែក៏បានជួយជំរុញស្តង់ដារល្អៗនៅទូទាំង​ឧស្សាហកម្ម​ផងដែរ" ។ វិធីសាស្ត្ររបស់ Herbalife ត្រូវបានផ្ទៀងផ្ទាត់តាមរយៈការសិក្សាដោយពហុមន្ទីរពិសោធន៍ជាសកល និងមានការចូលរួម​ដោយ​មន្ទីរពិសោធន៍ឯករាជ្យចំនួនប្រាំបីផ្សេងទៀតផងដែរ។ មន្ទីរពិសោធន៍នីមួយៗ ធ្វើការតេស្តសំណាក​ផលិតផល​ប្រទាល​កន្ទុយក្រពើចំនួនប្រាំមួយដូចគ្នា រួមទាំងវត្ថុធាតុដើម និងផលិតផលសម្រេច ដោយប្រើ HPLC (High-Performance Liquid Chromatography) ដើម្បីវាស់វែង aloin A, aloin B, និង aloe-emodin ។ ការសិក្សា​តាម​រយៈ​មន្ទីរពិសោធន៍ទាំងអស់នេះ គឺដើម្បីធានានូវភាពត្រឹមត្រូវ និងទំនុកចិត្ត ជាមួយនឹងលទ្ធផលបញ្ជាក់ថា​វាពិតជា​ត្រឹមត្រូវ​ទៅ​តាម​លក្ខខណ្ឌកំណត់ រួមទាំងភាពជាក់លាក់ និងភាពសមស្របនៃប្រព័ន្ធពិសោធន៍។​ លោកបណ្ឌិត​ Katerina Mastovska​ ​នាយករងប្រតិបត្តិ និងប្រធានផ្នែកវិទ្យាសាស្ត្រ AOAC INTERNATIONAL បានថ្លែងថា៖ "ការសិក្សាផ្ទៀងផ្ទាត់​ពហុមន្ទីរពិសោធន៍នេះ គឺជាការគាំទ្រដ៏សំខាន់ទៅលើវិធីសាស្ត្រវិភាគដែលបង្កើតឡើងដោយអ្នកវិទ្យាសាស្ត្រ Herbalife ដើម្បីអាចក្លាយជាវិធីសាស្ត្រផ្លូវការ AOAC 2016.09 Official Final Action បាន" ។ លោកបានបន្តទៀតថា៖ "វិធីសាស្ត្រផ្លូវការរបស់ AOAC ឆ្លងកាត់ការវាយតម្លៃវិទ្យាសាស្ត្រយ៉ាងម៉ត់ចត់ ហើយផ្តល់ទំនុកចិត្តខ្ពស់ និងត្រូវ​បាន​ទទួល​ស្គាល់​ទូទាំងពិភពលោក។ ដូច្នេះវិធីសាស្ត្រនេះនឹងជួយពង្រឹងគុណភាពឱសថរុក្ខជាតិ និងស្តង់ដារ​សុវត្ថិភាព​នៅទូ​ទាំង​ពិភពលោក" ។ ជាយូរមកហើយដែល Herbalife ប្តេជ្ញាចិត្តក្នុងការស្រាវជ្រាវប្រទាលកន្ទុយក្រពើ និងការធានាទៅលើគុណភាព​ជា​ចម្បង​។​ ជាលទ្ធផលនៃការខិតខំនេះ ពូកយើងបានចុះបញ្ជីប៉ាតង់ចំនួនប្រាំំ និងបានបោះពុម្ពផ្សាយ​ជាសាធារណៈ​នូវការសិក្សា​ចំនួន​បីផ្សេងគ្នា ដែលផ្តោតលើការអភិវឌ្ឍ៍វិធីសាស្ត្រសុវត្ថិភាពក្នុងការចម្រាញ់យកសារធាតុពីរុក្ខជាតិ ដែលនៅតែរក្សាបាននូវ​អត្ថប្រយោជន៍ធម្មជាតិរបស់រុក្ខជាតិនោះ។ ខណៈពេលដែលក្រុមហ៊ុនជាច្រើនពឹងផ្អែកតែទៅលើវិញ្ញាបនបត្រអ្នកផ្គត់ផ្គង់ទីបី ក្រុមហ៊ុន Herbalife បានបោះជំហានទៅមួយកម្រិតទៀត។ Herbalife គឺជាក្រុមហ៊ុនមួយក្នុងចំណោមក្រុមហ៊ុន​មួយចំនួនតូច​ប៉ុណ្ណោះក្នុងពិភពលោកដែលប្រើប្រាស់វិធីសាស្ត្រ advance spectroscopy proton nuclear magnetic resonance (NMR) ដែលជាបច្ចេកទេសវិភាគដោយប្រើដែនម៉ាញេទិក និងរលកហ្វ្រេកង់វិទ្យុ​ដើម្បី​កំណត់​ម៉ូលេគុលដែលមាននៅក្នុងវត្ថុធាតុដើមនៃប្រទាលកន្ទុយក្រពើ។ វិធីសាស្ត្រនេះធ្វើឱ្យ Herbalife អាចមានលទ្ធភាព​គ្រប់​គ្រាន់ដើម្បីផ្ទៀងផ្ទាត់នូវអត្តសញ្ញាណ ភាពបរិសុទ្ធនៃប្រទាលកន្ទុយក្រពើនៅក្នុងកម្រិតដ៏ល្អិតល្អន់បំផុត និងអាចធានា​បាន​នូវស្តង់ដារខ្ពស់បំផុតនៃគុណភាព និងភាពជាប់លាប់ នៅទូទាំងខ្សែសង្វាក់ផ្គត់ផ្គង់របស់ខ្លួន។ អស់រយៈពេល ៤៥ ឆ្នាំមកហើយ Herbalife បានរក្សាការប្តេជ្ញាចិត្តចំពោះគោលការណ៍តាំងពីគ្រាប់ពូជ រហូតដល់ផលិតផល (Seed to Feed) ។ ស្តង់ដានេះធានាថារាល់គ្រឿងផ្សំទាំងអស់ ដែលរាប់ចាប់ពី​ដំណាំ​ដែល​បាន​មក​ពី់​កសិករដាំដុះ ត្រូវតែប្រកបដោយការយកចិត្តទុកដាក់ខ្ពស់ រហូតដល់ផលិតផលសម្រេច ហើយស្របទៅតាម​ស្តង់ដារ​គុណភាពដែលបានកំណត់។ លើសពីនេះទៅទៀត Herbalife ក៏បានធ្វើការពិនិត្យ និងតេស្តសាកល្បង​ផ្ទៃក្នុង​ខ្លួនឯង​នៅក្នុង​មន្ទីរពិសោធន៍ដែលទទួលស្គាល់ដោយ ISO 17025 ដើម្បីផ្ទៀងផ្ទាត់ថាគ្រឿងផ្សំទាំងនោះត្រូវបានអនុលោមទៅតាម​ស្តង់ដារ​ក្រុមហ៊ុន និងបទប្បញ្ញត្តិរបស់រដ្ឋាភិបាល។ ដំណើរការដែលមានការគាំទ្រ​ដោយវិទ្យាសាស្ត្រនេះមានមូលដ្ឋានលើការ​អនុវត្ត​ផលិតកម្មល្អ (GMPs) និងស្តង់ដារអន្តរជាតិ NSF ដែលធ្វើឱ្យយើងអាចធានានូវភាពជាប់លាប់នៃគុណភាពនៅ​ក្នុង​ទី​ផ្សារ​ជាង ៩០ ប្រទេសបាន។ ដំណើរការនេះដែលត្រូវបានគាំទ្រដោយក្រុមអ្នកវិទ្យាសាស្ត្រ និងអ្នកជំនាញគុណភាពសកល  បានពង្រឹងទំនុកចិត្តអ្នកប្រើប្រាស់ និងនៅតែបន្តលើកកម្ពស់ស្តង់ដារឧស្សាហកម្មនៅទូទាំងពិភពលោកឱ្យទៅមុខបន្តទៀត។ វិធីសាស្ត្រសាកល្បងប្រទាលកន្ទុយក្រពើរបស់ Herbalife ត្រូវបានបោះពុម្ពផ្សាយនៅក្នុង Journal of AOAC INTERNATIONAL (Volume 108, Issue 3, Pages 449-471) ។ អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍​ដែលកំពុង​ផ្លាស់ប្តូរ​​ជីវិត​របស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់សមាជិក​ឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង90។ តាមរយៈសមាជិក​ឯករាជ្យ​ដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជន​ប្រកាន់ខ្ជាប់​​នូវ​របៀប​រស់នៅដែលមានភាពសកម្ម។

News & Events
Share
  • Aug 27, 2024 |
  • 1 year ago |
  • 4.6K views

មូលនិធិគ្រួសារ Herbalife (HFF) បន្តភាពជាដៃគូជាមួយអង្គការ Pour un Sourire d'Enfant (PSE) នៅកម្ពុជា

ភ្នំពេញ, ថ្ងៃទី 27 ខែសីហា ឆ្នាំ 2024 - មូលនិធិគ្រួសារ Herbalife (HFF) បានប្រកាសពីការបន្តភាពជាដៃគូជាមួយអង្គការ Pour un Sourire d'Enfant (PSE) ដែលជាអង្គការមិនរកប្រាក់ចំណេញដែលផ្តល់អាហារ ការថែទាំ និងការអប់រំដល់កុមារទុរគត ដូច្នេះកុមារទាំងនោះអាចក្លាយជាមនុស្សដែលរឹងមាំឯករាជ្យ មានជំនាញសង្គម និងវិជ្ជាជីវៈច្បាស់លាស់ នៅពេលពួកគេធំពេញវ័យ។ ជំនួយឥតសំណងរបស់ HFF ចំនួន 50,000 ដុល្លារសហរដ្ឋអាមេរិក ក្រោមកម្មវិធី Casa Herbalife នឹងគាំទ្រកម្មវិធីអាហារ និងអាហារូបត្ថម្ភរបស់ PSE សម្រាប់កុមារដែលត្រូវការជំនួយនៅមជ្ឈមណ្ឌលសេវាកម្មសហគមន៍របស់ PSE ក្នុងរាជធានីភ្នំពេញ។ កម្មវិធីនេះមានកុមារសរុបចំនួន 474 នាក់ ដែលមានអាយុពី 3 ទៅ 6 ឆ្នាំ នៅក្នុងសាលាមត្តេយ្យនៅទូទាំងមជ្ឈមណ្ឌលសេវាកម្មសហគមន៍ចំនួនប្រាំមួយ (CSCs) រួមមាន ភូមិឬស្សី ភូមិញញឹម សែនសុខ ព្រែកហូរ អូរបែកក្អម និងវាលស្បូវ។ លោក ថាំង វូ នាយកចាត់ការទូទៅក្រុមហ៊ុន Herbalife កម្ពុជា និងវៀតណាម បានមានប្រសាសន៍ថា៖ “ការកែលម្អសុខភាព និងសុខុមាលភាពរបស់សហគមន៍ និងប្រជាជនរបស់យើង បានបំផុសគំនិតគ្រប់យ៉ាងដែលយើងធ្វើនៅ Herbalife។ តាមរយៈភាពជាដៃគូជាមួយអង្គការ PSE ក្រោមកម្មវិធី Casa យើងសង្ឃឹមថានឹងរួមចំណែកជាក់ស្តែងក្នុងការជួយកុមារទុរគតនៅកម្ពុជា ឱ្យទទួលបានអាហារូបត្ថម្ភចាំបាច់ដែលពួកគេត្រូវការ ដើម្បីរស់នៅប្រកបដោយសុខភាពល្អ និងជីវិតកាន់តែមានសុភមង្គល”។ លោកស្រី Leakhena des Pallières អគ្គនាយកអង្គការ PSE បានសម្តែងការដឹងគុណយ៉ាងជ្រាលជ្រៅចំពោះភាពជាដៃគូបន្តរបស់ Herbalife ដែលជាប្រភពនៃការគាំទ្រដ៏មានតម្លៃអស់រយៈពេលជាងមួយទសវត្សរ៍។ លោកស្រីបានមានប្រសាសន៍ដែរថា៖ "PSE ពិតជាមានកិត្តិយសណាស់ដែលមានក្រុមហ៊ុន Herbalife ជាដៃគូយូរអង្វែង" ។ សកម្មភាពរបស់ HFF ត្រូវបានគាំទ្រជាទៀងទាត់ដោយអ្នកស្ម័គ្រចិត្តដូចជា អ្នកចែកចាយឯករាជ្យ Herbalife មិត្តភក្តិ និងក្រុមគ្រួសាររបស់ពួកគេ និងបុគ្គលិករបស់ក្រុមហ៊ុន។ ពិធីចុះហត្ថលេខានេះធ្វើឡើងនៅមជ្ឈមណ្ឌលសេវាកម្មសហគមន៍ ព្រែក ហូរ ក្រោមវត្តមាន អ្នកចែកចាយឯករាជ្យ និងបុគ្គលិករបស់ Herbalife។ នេះគឺជាឆ្នាំទី 11 នៃភាពជាដៃគូរវាង HFF និង PSE ដែលបានចាប់ផ្តើមនៅក្នុងឆ្នាំ 2014 ជាមួយនឹងកុមារចំនួន 120 នាក់នៅមជ្ឈមណ្ឌលសេវាកម្មសហគមន៍ ព្រែក ទាល់។ -------------------------------------------------------------- អំពី PSE បេសកកម្មរបស់ Pour un Sourire d'Enfant's (PSE) គឺដើម្បីជួយកុមារឱ្យរួចផុតពីភាពអត់ឃ្លាន និងនាំពួកគេទៅរកការងារសមរម្យ ដែលមានជំនាញ និងទទួលបានប្រាក់ខែល្អ។ បង្កើតឡើងក្នុងឆ្នាំ 1995 ដោយ Christian និង Marie-France des Pallieres អង្គការក្រៅរដ្ឋាភិបាលមួយនេះបានដកកុមារចេញពីភាពក្រីក្របានជាង 12000 នាក់។ នៅអាស៊ីអាគ្នេយ៍ Pour un Sourire d'Enfant ឥឡូវនេះត្រូវបានទទួលស្គាល់ថាជាអង្គការមិនស្វែងរកប្រាក់ចំណេញដ៏សំខាន់ដែលផ្តល់អត្ថប្រយោជន៍ដល់កុមារ។ សព្វថ្ងៃនេះ អតីតសិស្សនិស្សិតជាង 6,000 នាក់ មិនមានការងារធ្វើសមរម្យ ហើយភាគច្រើន ពួកគេបានបង្កើតគ្រួសារ និងប្រភេទផ្ទះដែលមានភាពខ្វះខាតធ្ងន់ធ្ងរ។ ជារៀងរាល់ថ្ងៃ PSE ផ្តល់អាហារប្រចាំថ្ងៃជិត 7,000 កញ្ចប់ ដល់កុមារក្រោមការមើលថែទាំរបស់ខ្លួន រួមទាំងអ្នកដែលចូលរៀននៅសាលារដ្ឋផងដែរ។   អំពី Herbalife ក្រុមហ៊ុន Herbalife (NYSE:HLF) គឺជាក្រុមហ៊ុនសុខភាព និងសុខុមាលភាពឈានមុខគេ ជាសហគមន៍ និងវេទិកាភ្ជាប់ទំនាក់ទំនងដែលបានផ្លាស់ប្តូរជីវិត មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងឱកាសអាជីវកម្មសម្រាប់អ្នកចែកចាយឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងជាង 90 ប្រទេស តាមរយៈអ្នកចែកចាយដែលមានសហគ្រិនភាព ដែលផ្តល់ការបង្វឹកមួយទល់មួយ និងសហគមន៍គាំទ្រដែលបំផុសគំនិតអតិថិជនរបស់ពួកគេ ឱ្យទទួលយករបៀបរស់នៅដែលមានសុខភាពល្អ និងសកម្មជាងមុន ដើម្បីរស់នៅក្នុងជីវិតដ៏ល្អបំផុតរបស់ពួកគេ។ អំពី មូលនិធិគ្រួសារ Herbalife (HFF) មូលនិធិគ្រួសារ Herbalife ("HFF") ត្រូវបានបង្កើតឡើងដើម្បីការកែលម្អជីវិត និងសហគមន៍ជុំវិញពិភពលោក។ ដោយផ្តោតលើការធ្វើឱ្យអាហារូបត្ថម្ភកាន់តែងាយស្រួលទទួលបាន លុបបំបាត់ភាពអត់ឃ្លាន និងការលើកកម្ពស់ឱកាសផ្នែកសេដ្ឋកិច្ច។ HFF ធ្វើការជាមួយអង្គការក្នុងស្រុក និងអង្គការអន្តរជាតិឈានមុខគេដើម្បីធានាថា យើងកំពុងផ្តល់អាហារូបត្ថម្ភដល់មនុស្ស និងភពផែនដី ពីព្រោះទាំងពីរនេះរួមគ្នានាំទៅរកពិភពលោកដែលមានសុខភាពកាន់តែល្អប្រសើរ។ សម្រាប់ព័ត៌មានបន្ថែមអំពី HFF និងរបៀបដែលអ្នកអាចគាំទ្រការងារសំខាន់របស់មូលនិធិ សូមចូលទៅកាន់ herbalifefamilyfoundation.org។

News & Events
Share
  • Sep 15, 2023 |
  • 2 years ago |
  • 5.2K views

Fertility Clinic Cambodia celebrates 9 years anniversary as the leading​ Infertility treatment in Cambodia

កាលពីថ្ងៃទី១៥ ខែកញ្ញា ឆ្នាំ២០២៣ នៅសណ្ឋាគារ ហាយយ៉ាត់រីចេនស៊ី  មន្ទីរសំរាកព្យាបាល កម្ពុជា បានប្រារព្ធពិធីអបអរសាទរខួប៩ឆ្នាំ របស់ខ្លួន។ ក្នុងរយៈពេល៩ឆ្នាំនេះ មន្ទីរសំរាកព្យាបាល កម្ពុជា បាននិងកំពុងឈានមុខគេ ក្នុងការព្យាបាលអ្នកជំងឺលំបាកមានកូនជាង៣០០០គ្រួសារដោយជោគជ័យ តាមរយៈបច្ចេកវិទ្យាវេជ្ជសាស្ត្របង្កកំណើតកូនក្រៅខ្លួន ដូចប្រទេសជឿនលឿន នៅក្នុងតំបន់និងពិភពលោកដែរ។ មន្ទីរសំរាកព្យាបាល កម្ពុជា ទទួលបានការគាំទ្រ និងជឿជាក់លើការយកចិត្តទុកដាក់ខ្ពស់បំផុតចំពោះអ្នកជំងឺ ដោយផ្តោតលើ ប្រសិទ្ធភាព សុវត្ថិភាព និងក្រមសីលធម៌វិជ្ជាជីវៈសុខាភិបាល។ ក្រុមវេជ្ជបណ្ឌិតឯកទេស និងអ្នកជំនាញវេជ្ជសាស្ត្រ ដែលមានបទពិសោធច្រើនឆ្នាំ និងមានស្មារតីទទួលខុសត្រូវខ្ពស់ បូករួមជាមួយបច្ចេកវិទ្យាចុងក្រោយ ធ្វើឲ្យមន្ទីរពេទ្យសម្រេចអត្រាជោគជ័យខ្ពស់។ ជាលទ្ធផល មន្ទីរសំរាកព្យាបាលកម្ពុជា ទទួលបានវិញ្ញាបនបត្រ ISO 9001:2015 (គ្រប់គ្រងរាល់ប្រតិបត្តិការទាំងអស់) ពីវិទ្យាស្ថាន និយ័តករ British Standards Institute នេះឆ្លុះបញ្ចាំងពីការប្តេជ្ញាចិត្តខ្ពស់  ដើម្បីសម្រេចបាននូវប្រសិទ្ធភាព និងសុវត្ថិភាពជូនអ្នកជំងឺ។ លើសពីឧត្តមភាពក្នុងវេជ្ជសាស្ត្រព្យាបាល មន្ទីរសំរាកព្យាបាល កម្ពុជា បានផ្តល់អទិភាព ក្នុងការស្រាវជ្រាវវិទ្យាសាស្ត្រ និងការអភិវឌ្ឍសមត្ថភាពវេជ្ជបណ្ឌិត និងអ្នកជំនាញ ដើម្បីធានាឲ្យបាននូវអត្រាជោគជ័យកាន់តែខ្ពស់។ ជាក់ស្តែង កាលពីថ្ងៃទី១៨ ខែធ្នូ ឆ្នាំ២០២២​ មន្ទីរសំរាកព្យាបាល កម្ពុជា បានរៀបចំសិក្ខាសាលាដំបូងស្តីអំពីបច្ចុប្បន្នភាពនៃបច្ចេកវិទ្យាវេជ្ជសាស្ត្រជំនួយការបង្កកំណើតក្រៅ ដែលមានការចូលរួមពីវាគ្មិនជាតិនិងអន្តរជាតិមកពីអឺរុប សហរដ្ឋអាមេរិក សិង្ហបូរី និង វៀតណាម ក្នុងគោលបំណងបង្កើតនូវវេទិកាប្រចាំឆ្នាំសម្រាប់បទបង្ហាញផ្សេងៗ ដែលផ្តល់ចំណេះដឹងអំពីរបកគំហើញថ្មីៗ ក្នុងការព្យាបាលជំងឺលំបាកមានកូន សម្រាប់វេជ្ជបណ្ឌិត និងអ្នកឯកទេសពាក់ព័ន្ធសុខភាពបង្កកំណើត។ ជាមួយនឹងអទិភាពនៃការសិក្សាស្រាវជ្រាវនេះ មន្ទីរសំរាកព្យាបាល កម្ពុជា ក៏បានផ្តល់នូវការបណ្តុះបណ្តាលបច្ចេកទេសជាប្រចាំ ដល់អ្នកប្រតិបត្តិវេជ្ជសាស្ត្រនិងអ្នកគ្រប់គ្រង ដើម្បីផ្តល់នូវសេវាព្យាបាលល្អប្រសើរបំផុត ជូនដល់អ្នកជំងឺ។​ លើសពីការទទួលស្គាល់និងទំនុកចិត្តក្នុងប្រទេស ឧត្តមភាពនៃមន្ទីរសំរាកព្យាបាល កម្ពុជា ក៏ត្រូវបានទទួលស្គាល់ក្នុងវេទិកាតំបន់ផងដែរ។​ កាលពីថ្ងៃទី៩ ខែកញ្ញា ឆ្នាំ២០២៣ កន្លងទៅថ្មីៗនេះ លោកស្រីវេជ្ជបណ្ឌិត ស៊ាន សុខទៀងនាយិកាបច្ចេកទេសនិងជាសហស្ថាបនិក មន្ទីរសំរាកព្យាបាល កម្ពុជា បានទទួលកិតិ្តយសក្លាយជាអ្នកតំណាងប្រចាំប្រទេស របស់កម្ពុជា នៅ Asia Pacific Initiative on Reproduction [(​ASPIRE សន្និសីទអាស៊ីបាស៊ីហ្វិកស្តីពីសុខភាពបង្កកំណើត)]។ វេទិកាដ៏សំខាន់នេះ ជំរុញធ្វើអោយប្រសើរឡើងក្នុងប្រតិបត្តិព្យាបាលលំបាកមានកូនប្រកបដោយគុណភាព បង្កើនការយល់ដឹងពីការឈានទៅមុខនៃនីតិវិធីព្យាបាល និងជំរុញអោយវេជ្ជបណ្ឌិតឯកទេសកាន់តែមានប្រសិទ្ធភាពក្នុងការប្រឹក្សានិងព្យាបាលអ្នកជំងឺលំបាកមានកូន។ លោកស្រីវេជ្ជបណ្ឌិត ស៊ាន សុខទៀង បានលើកឡើងថា៖ «នាងខ្ញុំជឿជាក់ថា ប្រសិទ្ធភាពនិងសុវត្ថិភាព ជាគោលការណ៍ចម្បងក្នុងអាជីពជាវេជ្ជបណ្ឌិត។ ក្នុងការព្យាបាលយើងតែងចង់មានប្រសិទ្ធភាពនិងទទួលបានលទ្ធផលតាមការរំពឹងទុក ប៉ុន្តែសុវត្ថិភាពរបស់អ្នកជំងឺ កាន់តែមានសារៈសំខាន់។ ក្នុងនាមជាវេជ្ជបណ្ឌិត និងនាយិកាបច្ចេកទេស នៃមន្ទីរសំរាកព្យាបាល កម្ពុជា នាងខ្ញុំនិងបុគ្គលិកបច្ចេកទេសទាំងអស់ តែងតែផ្តល់នូវការយកចិត្តទុកដាក់យ៉ាងខ្ពស់បំផុត និងម៉ត់ចត់ គ្រប់ការព្យាបាលនិងគ្រប់ពេលវេលា។» គួរបញ្ជាក់ផងដែរថា អត្រាមានកូន ត្រូវបានគេផ្តល់និយមន័យថា ជាចំនួនកូនជាមធ្យមដែលស្រី្តអាចមាន ក្នុងអាយុដែលគាត់អាចបង្កកំណើតបាន។ ក្រោយពីរបបខ្មែរក្រហម ឆ្នាំ១៩៧៩ អត្រាមានកូននៅកម្ពុជា កើនឡើងគំហុកជិតដល់ចំនួន៦ ដែលត្រូវបានគេហៅថា Post Khmer Rouge Baby Boom (កំណើតកូនកើនដោយគំហុកក្រោយរបបខ្មែរក្រហម) ហើយគេប្រដូចទៅនឹង World War II Baby Boom (កំណើតកូនកើនដោយគំហុកក្រោយសង្គ្រាមលោកលើកទី២)។ ប៉ុន្តែ បើតាមសម្តីដកស្រង់ចេញពីបទបង្ហាញរបស់លោកសាស្រ្តាចារ្យ ដូមីនិក ដឺហ្ស៊ីឃ្លែរ ទីប្រឹក្សាជាន់ខ្ពស់ផ្នែកវិទ្យាសាស្ត្រ នៃមន្ទីរសំរាកព្យាបាល កម្ពុជា និងជាសិក្សាធិករដែលបានស្រាវជ្រាវនិងនិពន្ធជាង២៥០អត្ថបទស្រាវជា្រវ ក្នុងវិស័យសុខភាពបង្កកំណើត បានអោយដឹងថា៖ «បច្ចុប្បន្នភាពបង្ហាញថា ការបន្តយល់ឃើញបែបនេះ ជាការយល់ច្រឡំ និងកំណើតកូនកើនដោយគំហុកក្រោយរបបខ្មែរក្រហម លែងមានទៀតហើយ»។ អត្រាមានកូនបច្ចុប្បន្ននៅប្រទេសកម្ពុជា បានធ្លាក់ចុះច្រើនគួរអោយកត់សម្គាល់ មកត្រឹមតែលើស២បន្តិចប៉ុណ្ណោះ ស្មើនឹងអត្រានៅប្រទេសវៀតណាម។ លោកសាស្រ្តាចារ្យបានបន្ថែមទៀតថា ដើម្បីចំនួនប្រជាជននៃប្រទេសមួយមានស្ថិរភាព អត្រាមានកូនត្រូវស្ថិតនៅត្រឹមចាប់ពី២,១ឡើងទៅ ហើយថាអត្រាទាបជាងនេះ ច្បាស់ណាស់ មិនអាចធានាបាននូវស្ថិរភាពចំនួនប្រជាជនមិនអោយធ្លាក់ចុះបានទេ។ បើមើលពីទិដ្ឋភាពធុរកិច្ចអាជីវកម្ម មន្ទីរសំរាកព្យាបាល កម្ពុជា ប្រកាន់យកគោលការណ៍ប្រតិបត្តិ នៃភាពច្បាស់ ត្រូវ និងស្មោះត្រង់ ដើម្បីធានាបាននូវការព្យាបាលប្រកបដោយប្រសិទ្ធភាព សុវត្ថិភាព និងការពេញចិត្តនិងទំនុកចិត្តខ្ពស់។ លោក ហោ សំណាង ប្រធានក្រុមប្រឹក្សាភិបាលនិងជាអគ្គនាយក បានលើកឡើងនូវភាពច្បាស់លាស់អំពីលទ្ធផល ដែលត្រូវរួមគ្នាសម្រេចឲ្យខាងតែបាន នូវដំណោះស្រាយវេជ្ជសាស្ត្រគ្រប់ជ្រុងជ្រោយសម្រាប់ប្រជាជននិងប្រទេសកម្ពុជា។ គំនិតផ្តួចផ្តើមដំបូងក្នុងវិស័យសុខភាពបង្កកំណើតក្នុងប្រទេសកម្ពុជា និងការសម្រេចចិត្តដ៏មោះមុត បានផ្តល់ឱកាសដល់គ្រឹះស្ថាននេះ ចូលរួមយ៉ាងច្រើនឥតឧបមា ជាមួយរាជរដ្ឋាភិបាលក្នុងការដោះស្រាយបញ្ហាសង្គមរួមមាន ការលែងលះ អស់សង្ឃឹម បាក់ទឹកចិត្ត និងអំពើហិង្សាក្នុងគ្រួសារ ដែលផ្តើមចេញមកពីវិបត្តិមិនមានកូន និងសម្រាលបញ្ហាសេដ្ឋកិច្ច ដោយជួយកាត់បន្ថយចំណាយច្រើនសន្ធឹកសន្ធាប់ របស់ប្រជាជនកម្ពុជា ក្នុងការទៅទទួលសេវាព្យាបាលនេះ នៅបរទេស។​             «កាលណោះ ខ្ញុំព្យាយាមណាស់ ហើយនៅតែមិនមានកូន។ ខ្ញុំអស់សង្ឃឹម។ ខ្ញុំក៏បានលឺពីការព្យាបាលលំបាកមានកូន។ ខ្ញុំសម្រេចចិត្តថាព្យាបាល។ ខ្ញុំសម្រេចបំណងបានកូន១ ដែលជាកូនបង្កកំណើតក្រៅខ្លួនទី១របស់កម្ពុជា។ ឥឡូវនេះ កូនខ្ញុំអាយុ៨ឆ្នាំហើយ» នេះជាសម្តីរបស់អ្នកស្រី បេង ចាន់រី ដែលជាប្រជាពលរដ្ឋរស់នៅក្រុងព្រះសីហនុ។ ឥឡូវនេះ​ អ្នកស្រីមានកូន២ហើយ៕

News & Events
Share
  • Jun 29, 2023 |
  • 2 years ago |
  • 6.5K views

អស្ចារ្យណាស់! មន្ទីរពិសោធន៍វេជ្ជសាaស្ត្រ អាយ អេស ព្រីមៀម បង្ហាញនូវបច្ចេកវិទ្យាតេស្តលើហ្សែនដំបូងគេបង្អស់នៅ កម្ពុជា

នាព្រឹកថ្ងៃទី២៧ ខែមិថុនា ឆ្នាំ២០២៣ មន្ទីរពិសោធន៍វេជ្ជសាស្ត្រ អាយ អេស ព្រីមៀម (IS Premium) ដែល ជាមន្ទីរពិសោធន៍ឈានមុខគេនៅកម្ពុជា បានរៀបចំកម្មវិធីសម្ពោធជាផ្លូវការ នូវការទទួលសិទ្ធិផ្តាច់មុខ ក្នុងការ នាំចូលបច្ចេកវិទ្យាតេស្តលើហ្សែន ពីក្រុមហ៊ុន Cordlife ទីក្រុងហុងកុង។ លោកស្រី ឱសថបណ្ឌិត ហែម សុភ័ក្រ្ត  ប្រធានក្រុមប្រឹក្សាភិបាល នៃមន្ទីរពិសោធន៍ អាយ អេស ព្រីមៀម បានបញ្ជាក់ផងដែរថាបច្ចេកវិទ្យាតេស្ត លើហ្សែនរបស់ក្រុមហ៊ុន Cordlife នឹងក្លាយជាជំនួយមិនអាចខ្វះបាន សម្រាប់វេជ្ជបណ្ឌិតក្នុងសតវត្សទី២១ ក្នុងការតាមដាន និងកំណត់ឲ្យកាន់តែច្បាស់នូវប្រភេទជំងឺ ដើម្បីផ្ដល់ជូននូវវិធីព្យាបាលដែលមានប្រសិទ្ធិភាព និងសុវត្ថិភាពខ្ពស់។ ក្នុងដំណាក់កាលទីមួយនេះ មន្ទីរពិសោធន៍វេជ្ជសាស្ត្រ អាយ អេស ព្រីមៀម នឹងផ្តល់ជូន នូវការតេស្តលើហ្សែនចំនួន ៤ប្រភេទ ដូចជា៖ ១. Bebegen ជាការធ្វើតេស្តពិនិត្យហ្សែនអាចកំណត់បានយ៉ាងត្រឹមត្រូវនូវការកើតមានជំងឺជាង ១២០មុខ ដែលមានការពាក់ព័ន្ធនឹងរោគសញ្ញានានាដូចជាជំងឺអូទីស្មឹម និងជំងឺ ADHD តាមរយៈការវិភាគលើទីតាំងក្រូម៉ូសូមជាង ២៥០.០០០។​ ២. Metascreen ជាការពិនិត្យសម្រាប់ទារកទើបនឹងកើតគ្រប់រូបចំពោះបញ្ហាមេតាបូលីសជាច្រើនដែលបង្កគ្រោះថ្នាក់ ឬអាចបណ្ដាលឱ្យស្លាប់ (ត្រូវបានគេស្គាល់ថាជាវិបត្តិមេតាបូលីសពីកំណើត ឬ IEMs ក្នុងរយៈពេលខ្លី) ដែលមិនលេចឡើងនៅពេលកើត ។ ៣. Carrier Screening ជាតេស្តធ្វើមុន ឬអំឡុងពេលមានផ្ទៃពោះ ដែលជាការធ្វើតេស្តហ្សែន ដើម្បីកំណត់ថា តើអ្នកមានផ្ទុកហ្សែនដែលមានជម្ងឺហ្សែនជាក់លាក់ដែរឬអត់។ ៤. Talent Test ជាតេស្តអាចជួយមាតាបិតាឱ្យយល់កាន់តែច្បាស់អំពីលក្ខណៈហ្សែនផ្សេងៗរបស់កូនពួកគេពីទិដ្ឋភាពវិទ្យាសាស្ត្រ ដើម្បីស្វែងរកទេពកោសល្យប្រកបដោយសក្តានុពលរបស់កូនៗ។ ក្នុងឱកាសនេះដែរ អ្នកជំនាញពីក្រុមហ៊ុន Cordlife ទីក្រុងហុងកុង ក៏បានផ្តល់ជូននូវការបណ្តុះបណ្តលបឋម ដើម្បីឲ្យលោក លោកស្រីវេជ្ជបណ្ឌិតដែលបានចូលរួមយល់ច្បាស់ពីអត្ថប្រយោជន៍ និងភាពចាំបាច់ ក្នុងការធ្វើតេស្តលើហ្សែនផងដែរ។ គួរបញ្ចាក់ផងដែរ នេះមិនមែនជាលើកទីមួយទេ ដែលមន្ទីរពិសោធន៍វេជ្ជសាស្ត្រ អាយ អេស ព្រីមៀម បាន ព្យាយាមស្វែងរកបច្ចេកវិទ្យាទំនើបៗចុងក្រោយបង្អស់ ដើម្បីជាជំនួយដល់វេជ្ជបណ្ឌិតក្នុងការធ្វើរោគវិនិច្ឆ័យឲ្យ កាន់តែប្រសើរជាងមុន នាពេលកន្លងមក មន្ទីរពិសោធន៍វេជ្ជសាស្ត្រ អាយ អេស ព្រីមៀម ក៏បានផ្តល់ជូននូវ សេវាកម្មទំនើបៗផ្សេងទៀត ដូចជា តេស្តជួសកែងជើងទារកទើបកើត ដំបូងបង្អស់នៅកម្ពុជា ដែលជារបកគំហើញផ្នែកវិទ្យាសាស្ត្រថ្មីមួយពីសហរដ្ឋអាមេរិក ដែលអាចជួយសង្គ្រោះកុមារ លើជំងឺតំណរពូជ និងជំងឺមួយ ចំនួនទៀតឲ្យបានទាន់ពេលវេលា និងតេស្ត Non-Invasive Prenatal Test(NIPT)ពីក្រុមហ៊ុន iGENE ពីប្រទេសសិង្ហបុរី ដែលជាតេស្តឈាម បូមពីស្ត្រីមានផ្ទៃពោះ ដែលអាចឲ្យយើងដឹងពីការលូតលាស់របស់គភ៌ ក្នុងផ្ទៃបានរហូតដល់ ៩៩.៩៩% ដែលកាលពីមុនតម្រូវឲ្យយើងពិនិត្យទឹកភ្លោះ ដែលអាចបណ្ដាលឲ្យមាន គ្រោះថ្នាក់ទាំងម្តាយ និងគភ៌ផងដែរ ។ ក្រៅពីការស្វះស្វែងរកបច្ចេកវិទ្យាថ្មីៗ មន្ទីរពិសោធន៍វេជ្ជសាស្ត្រ អាយ អេស ព្រីមៀម ក៏មានការសហការយ៉ាងស្អិតរមួតជាមួយដៃគូអន្តរជាតិផ្សេងទៀត ដូចជាថៃ និងវៀតណាមជា ដើម។

News & Events
Share
  • Jul 17, 2022 |
  • 3 years ago |
  • 6K views

IS Premium Laboratory soft launch

នាព្រឹកថ្ងៃទី ១៤ កក្កដា ឆ្នាំ២០២២នេះ មន្ទីរពិសោធន៍ អាយ អេស ព្រីមៀម បានបើកដំណើរការសាកល្បងនូវសេវាកម្មរបស់ខ្លួន ក្រោមអធិបតេយ្យភាពរបស់ឯកឧត្តមវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល នៃក្រសួងសុខាភិបាលកម្ពុជា រួមជាមួយវត្តមានរបស់លោកសាស្ត្រាចារ្យ កេត វាន់សិទ្ធ ប្រធានសមាគមអ្នកបច្ចេកទេសមន្ទីរពិសោធន៍វេជ្ជសាស្ត្រកម្ពុជា សាស្ត្រាចារ្យ វេជ្ជបណ្ឌិត ឱសថការី និងអ្នកបច្ចេកទេសមន្ទីរពិសោធន៍ជាច្រើនរូប។ សូមបញ្ជាក់ផងដែរថា មន្ទីរពិសោធន៍ អាយ អេស ព្រីមៀម ត្រូវបានបង្កើតឡើងក្រោមគំនិតផ្តួចផ្តើមរបស់អ្នកបច្ចេកទេសមន្ទីរពិសោធន៍មួយក្រុមដែលមានបទពិសោធន៍ច្រើនឆ្នាំក្នុងវិស័យនេះ និងមានជំនាញផ្សេងៗគ្នាដូចជាផ្នែក Virology, Bacterio-parasitology, Biochemistry និង Immunology ជាដើម។ លោកស្រីឱសថបណ្ឌិត ហែម សុភ័ក្ត្រ ប្រធានក្រុមប្រឹក្សាភិបាលនៃមន្ទីរពិសោធន៍អាយ អេស ព្រីមៀម បានលើកឡើងថា “ចក្ខុវិស័យនៃ អាយ អេស ព្រីមៀម គឺធ្វើយ៉ាងណាឲ្យប្រជាជនកម្ពុជាទទួលបាននូវសេវាកម្មមន្ទីរពិសោធន៍សម្បូរបែបដែលមានគុណភាព និងតម្លៃសមរម្យ ដើម្បីចូលរួមក្នុងការកាត់បន្ថយលំហូរនៃការស្វែងរកសេវាកម្មមន្ទីរពិសោធន៍ក្រៅប្រទេស”។ អាយ អេស ព្រីមៀម មានលទ្ធភាពផ្តល់សេវាកម្មរហូតដល់ជាង ៦០០តេស្តផ្សេងៗគ្នា ដែលក្នុងនោះរួមមាន Clinical Biochemistry, Hematology-Hemostasis, Serology & Immunology, Molecular Biology, Newborn Screening Tests, General health check-up pakages, NIPT, Bacteriology-Mycology-Parasitology, Allergy test, Autoimmune diseases, Torch Panel និងតេស្តផ្សេងៗទៀតជាច្រើន។ គួរកត់សម្គាល់ផងដែរថា អាយ អេស ព្រីមៀម ជាមន្ទីរពិសោធន៍ក្នុងស្រុកដំបូងគេដែលបាននាំមកជូនប្រជាជនកម្ពុជានូវសេវាកម្មជួសកែងជើងទារក ដោយមិនចាំបាច់បញ្ជូនសំណាកទៅក្រៅប្រទេស និងចំណាយពេលរង់ចាំយូរនោះទេ។ ដើម្បីធានាបាននូវគុណភាពរួមនឹងការតាមឲ្យទាន់នូវការអភិវឌ្ឍក្នុងវិស័យមន្ទីរពិសោធន៍វេជ្ជសាស្ត្រនិងឆ្លើយតបទៅនឹងតម្រូវការជាក់ស្តែងនៃផ្នែកសុខាភិបាលកម្ពុជា អាយ អេស ព្រីមៀម បានបន្តវិវឌ្ឍខ្លួនជាបន្តបន្ទាប់ ដោយសហការជាមួយដៃគូក្រៅប្រទេសដូចជា ប្រទេសសិង្ហបុរី ជាដើម។ ជាចុងក្រោយ អាយ អេស ព្រីមៀម ផ្តាជ្ញាចិត្តផ្តល់ជូនអតិថិជនរបស់ខ្លួននូវសេវាកម្មល្អឥតខ្ចោះ និងលទ្ធផលតេស្តដែលត្រឹមត្រូវ ជាក់លាក់ក្នុងការធ្វើរោគវិនិច្ឆ័យ។

News & Events
Share
Top