Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout

មួយសប្ដាហ៍ទៅមូយសប្ដាហ៍ពិតជាលឿនណាស់ ហើយអត្ថបទប្រចាំសប្ដាហ៍ក៏នៅតែធ្វើការបង្ហាញជួនលោកអ្នកទាំងអស់គ្នា ចង់ដឹងទេថា អត្ថបទទាំងនោះមានចំណងជើង និងខ្លឹមសារយ៉ាងណានោះ តោះអានទាំងអស់គ្នា …  ឱសថអាំងស៊ុយលីន(Insulin) ចំពោះអ្នកជំងឺទឹកនោមផ្អែម លោកអ្នកកំពុងអនុវត្តជំហានដ៏សំខាន់ក្នុងការគ្រប់គ្រងជំងឺទឹកនោមផ្អែមដោយប្រើឱសថអាំងស៊ុយលីនតាមរយៈការចាក់ឬផាប់។អាំងស៊ុយលីនអាចជួយលោកអ្នកក្នុងការគ្រប់គ្រងជាតិស្ករក្នុងឈាមបានល្អប្រសើរឡើង និងរក្សាសុខភាពរយៈពេលវែង។ អ្នកជំងឺទឹកនោមផ្អែមប្រភេទ 1 ត្រូវតែប្រើអាំងស៊ុយលីនដាច់ខាត ព្រោះកោសិកាបេតានៃលំពែងរបស់គាត់ត្រូវបានបំផ្លាញអស់។ ចំណែកអ្នកដែលមានជំងឺទឹកនោមផ្អែមប្រភេទ2អាចគ្រប់គ្រងជំងឺទឹកនោមផ្អែមរបស់ពួកគេជាមួយនឹងថ្នាំគ្រាប់ប៉ុន្តែក៏ត្រូវការប្រើអាំងស៊ុយលីនផងដែរ.... តើការញេចមុនត្រឹមត្រូវទេ? យោងតាមការបកស្រាយពីវេជ្ជជំនាញផ្នែក សើរស្បែកផ្ទាល់លោកមានប្រសាសន៏ថា ការញេចមុនបែបនេះត្រូវមានជំនាញច្បាស់លាស់ព្រោះការញេចដោយខ្វះបច្ចេកទេសអាចនាំឲ្យមានការខ្ទាំជ្រៅហើយក្រោយខ្ទាំ វានឹងបន្សល់ទុកនូវស្នាមខ្មៅដែលអាចមានរយៈពេលយូរ។ លើសពីនេះ ការលាបម្សៅផ្សេងៗដើម្បីព្យាបាលមុនដោយខ្លួនឯងគួរតែចៀសវាងព្រោះម្សៅខ្លះធ្វើឲ្យមុខស ព្រោះវាមានផ្ទុកនូវសារធាតុ Steroid ដែលនាំឲ្យមុខទៅជាស្តើង កើតមុន និងទៅថ្ងៃក្រោយអាចឲ្យទៅជាជាំ។ ប្អូនស្រីមិនគួរញេចមុនដោយខ្លួនឯងដែលនាំឲ្យបន្សល់នូវស្នាមពណ៌ខ្មៅ ដូច្នេះ….. ស្រមោលខ្មៅមួយនោះ!!! ទម្រាំច្រានវាចោលបាន.. ធ្លាប់ទេ? មានអារម្មណ៍ថាខ្លួនឯងត្រូវបានគ្របដណ្តប់ដោយស្រមោលខ្មៅមួយ ក្នុងរយៈពេលមួយមិនខ្លី ហើយឲ្យតែនឹកឃើញដល់វាម្តងៗ ក៏សឹងតែនិយាយថា«បើសិនជាអាច គួរកុំស្គាល់គ្នាអី!!!»ធ្លាប់ទេ? មានអារម្មណ៍ថាអស់កម្លាំងណាស់ កាយក៏ទន់ខ្សោយ ចិត្តក៏លែងមានស្មារតីនឹងនរ អត្ថន័យជីវិតមិនដឹងថានៅទីណា? មានន័យយ៉ាងណា? ធ្លាប់ទេ? រស់មួយថ្ងៃដើម្បីតែមួយថ្ងៃ រហូតដល់ពេលខ្លះលែងចង់ឲ្យមានថ្ងៃស្អែក ក៏ព្រោះតែមិនចង់ឲ្យខ្លួនឯងជួបនឹងរឿងរ៉ាវផ្សេងទៀត… ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

ខែនៃក្តីស្រលាញ់ក៏បានបញ្ចប់ទៅ អ្វីដែលបន្សល់នូវ គឺក្តីស្រលាញ់ចំពោះសុខភាព និងការអានចំណេះអានចំណេះដឹងសុខភាពដែលមានប្រិយមិត្តរឹតតែច្រើនចូលទស្សនា និងអាចនៅក្នុងបណ្ណាល័យសុខភាពក្រោមការចែករំលែកពីសំណាក់សមាជិកនៃសហគមន៍ ហេលស៍ថាម និងក្រុមការងារអ្នកនិពន្ធផ្ទាល់។ មិនខុសពីខែកន្លងមក អត្ថបទប្រចាំខែចំនួន៣ដែលមានចំនួនអ្នកចូលអានច្រើនជាងគេ ត្រូវបានជ្រើសរើសយកមកបង្ហាញនៅលើទំព័រដ៏ពិសេសនេះ។ ក្នុងចំណោមអត្ថបទដែលត្រូវបានចេញផ្សាយក្នុងអំឡុងខែកុម្ភៈនេះផងដែរ អត្ថបទទាំង៣នោះរួមមានដូចខាងក្រោម… 1.ជីវិតគេ ស្ថិតនៅលើ ដៃយើង»ជាអ្វីដែលត្រូវរំលឹកប្រាប់ខ្លួនឯងជាប្រចាំ… «តាមការពិតទៅ រៀនអីក៏មិនស្រួលដែរ និយាយរួមទៅ ពាក្យថា«រៀន»មួយម៉ាត់ គឺមិនសំដៅចំពោះមុខវិជ្ជាពេទ្យតែមួយមុខនោះទេ គឺគ្រប់មុខវិជ្ជាសុទ្ធតែពិបាកទាំងអស់» នេះបើយោងតាមសម្តីដ៏មានអត្ថន័យរបស់ កញ្ញា អ៊ិត ម៉ូលីកា ដែលជានិសិ្សតវេជ្ជសាស្រ្តនៃសាកលវិទ្យាល័យពុទ្ធិសាស្រ្ត(UP) និងជាអតីតសមាជិកស្ម័គ្រចិត្តនៃក្លឹបសិក្សារបស់សាលាផ្ទាល់ដែលមានឈ្មោះថា UP-Med ដែលមានតួនាទីជាអ្នកបង្ហាត់បង្ហាញផ្នែកPhysiology រយៈពេល២ឆ្នាំផងដែរ។ ស្របពេលជាមួយគ្នានេះផងដែរ កញ្ញាក៏មានបទពិសោធន៍ខ្លះៗទាក់ទិននឹងការសិក្សាផ្នែកវេជ្ជសាស្រ្ត ដើម្បីជាការចែករំលែកជូនដល់និស្សិតជំនាន់ក្រោយ ជាពិសេសអ្នកដែលមានបំណងចូលសិក្សាផ្នែកនេះដែរ… 2.ប៊ុន ច័ន្ទវិចិត្រ«និស្សិតពេទ្យគួររៀនដើម្បីចេះ កុំរៀនដើម្បីតែជាប់» ដើម្បីជាគន្លឹះដល់ការសិក្សានៃនិស្សិតជំនាន់ក្រោយ យុវនិស្សិត ប៊ុន ច័ន្ទវិចិត្រ ដែលសព្វថ្ងៃជានិស្សិតនៃសាកកលវិទ្យាល័យវិទ្យាសាស្ត្រសុខាភិបាលឯកទេសផ្នែកទន្តវទនសាស្ត្រ ក៏បានចូលរួមចែករំលែកនូវបទពិសោធន៍ និងមតិយោបល់របស់ខ្លួន…ក្នុងនោះ វិចិត្របានធ្វើការបង្ហាញអំពីមូលហេតុនៃការជ្រើសរើសផ្នែកដែលខ្លួនកំពុងសិក្សារួមជាមួយនឹងឧបសគ្គ និងភាពលំបាក ព្រមទាំងវិធីសាស្រ្តក្នុងការជម្នះ ទង្វើគួរធ្វើ និងមិនគួរធ្វើ និងសារដ៏មានអត្ថន័យខ្លឹមសារផងដែរ…   3.តើស្ថានភាពសេវាកម្មសុខាភិបាលនៅកម្ពុជាដើរដល់កម្រិតណាហើយ? តាមការសង្កេតកន្លងមក គឺសេវាកម្មសុខាភិបាលនៅកម្ពុជា ត្រូវបានប្រជាជនកម្ពុជាជាច្រើនមើលរំលង ពោលគឺអ្នកមធ្យមទៅស្វែងរកការព្យាបាលនៅប្រទេសវៀតណាម ឬប្រទេសថៃ រីឯអ្នកមានជីវភាពធូរធារព្យាបាលនៅសិង្ហបុរី និងប្រទេសជាច្រើនផ្សេងៗទៀត ដោយភាគច្រើនគិតថាសេវាកម្មសុខាភិបាលនៅប្រទេសកម្ពុជានៅមានកម្រិត ទាំងសមត្ថភាពវេជ្ជបណ្ឌិត ទាំងបច្ចេកវិទ្យា ទាំងសេវាកម្ម។ ជាក់ស្តែង ម្នាក់ៗតែងតែលឺការរអ៊ូរទាំនេះនោះទាក់ទងនឹងសេវាកម្មមួយនេះ សំណួរសួរថា «តើស្ថានភាពសេវាកម្មសុខាភិបាលនៅកម្ពុជាដើរដល់កម្រិតណាហើយ? ការអះអាងខាងលើ មានភាពពិតជាក់ស្តែងប៉ុណ្ណាដែរ?»  ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

ពិធីប្រពៃណីចូលឆ្នាំចិនបានកន្លងផុតទៅ អត្ថបទប្រចាំសប្តាហ៍នៅតែបន្ដរៀបរៀងជូនប្រិយមិត្តជានិច្ចចង់ដឹងទេថា អត្ថបទទាំងនោះមានអ្វីខ្លះនោះ? តោះ!ចូលអានទាំងអស់គ្នា...   ជំងឺស្ទះសរសៃឈាមសួតអាចត្រូវព្យាបាលមួយជីវិតឬទេ? លោកវេជ្ជបណ្ឌិត  ពិត សារដ្ឋ ឯកទេសផ្នែកជំងឺបេះដូង និងសរសៃឈាមបម្រើការនៅមជ្ឈមណ្ឌលបេះដូងមន្ទីរពេទ្យកាល់ម៉ែត បានមានប្រសាសន៍ថា  «ជំងឺស្ទះសរសៃឈាមសួតគឺជាជំងឺដែលកើតឡើងដោយការស្ទះនៃផ្នែកណាមួយ ឬមែកធាងណាមួយរបស់សរសៃឈាមសួតដែលជាសរសៃឈាមមានមុខងារសម្រាប់នាំឈាមខ្មៅចេញពីថតបេះដូងខាងស្ដាំចូលទៅក្នុងសួត ដើម្បីធ្វើបណ្ដូរឧស្ម័ន…»  តើស្ថានភាពសេវាកម្មសុខាភិបាលនៅកម្ពុជាដើរដល់កម្រិតណាហើយ? សេវាកម្មសុខាភិបាលនៅកម្ពុជា ត្រូវបានប្រជាជនកម្ពុជាជាច្រើនមើលរំលង ពោលគឺអ្នកមធ្យមទៅស្វែងរកការព្យាបាលនៅប្រទេសវៀតណាម ឬប្រទេសថៃ រីឯអ្នកមានជីវភាពធូរធារព្យាបាលនៅសិង្ហបុរី និងប្រទេសជាច្រើនផ្សេងៗទៀត ដោយភាគច្រើនគិតថាសេវាកម្មសុខាភិបាលនៅប្រទេសកម្ពុជានៅមានកម្រិត ទាំងសមត្ថភាពវេជ្ជបណ្ឌិត ទាំងបច្ចេកវិទ្យា ទាំងសេវាកម្ម។ យើងតែងតែលឺការរអ៊ូរទាំនេះនោះទាក់ទងនឹងសេវាកម្មមួយនេះ សំណួរសួរថា «តើស្ថានភាពសេវាកម្មសុខាភិបាលនៅកម្ពុជាដើរដល់កម្រិតណាហើយ? ការអះអាងខាងលើ មានភាពពិតជាក់ស្តែងប៉ុណ្ណាដែរ?»   របបអាហារមិនល្អអាចជាដើមចមនៃជំងឺ METABOLIC SYNDROME «Metabolic Syndrome ជាបណ្តុំនៃរោគសញ្ញាដូចជា លើសទម្ងន់ (ធាត់នៅក្បាលពោះ៖ Abdominal obesity) បូករួមជាមួយលើសសម្ពាធឈាម មានការកើនឡើងកូឡេស្តេរ៉ុល៖ Dyslipidemia (កើនឡើងជាតិទ្រីគ្លីសេរីត ឬការថយចុះ HDL) និងកើនឡើងកម្រិតជាតិស្ករក្នុងឈាម (Impaired glucose tolerance)» នេះបើយោងតាមប្រសាសន៍របស់ វេជ្ជបណ្ឌិត លីវ ឈិញ ឯកទេសជំងឺបេះដូងនៅមជ្ឈមណ្ឌលបេះដូងនៃមន្ទីរពេទ្យកាល់ម៉ែត និងជាអគ្គលេខាធិការនៃសមាគមគ្រូពេទ្យបេះដូងកម្ពុជា។ លោកក៏បានបញ្ជាក់ផងដែរថា ប្រសិនបុគ្គលម្នាក់ស្តែងចេញជាការលើសទម្ងន់ រួមជាមួយនឹងសញ្ញាមួយទៀតអាចជាលើសសម្ពាធឈាម ឬលើសជាតិស្ករ ខ្លាញ់ នោះគេអាចសន្មតថារាងកាយកំពុងតែប្រឈមទៅនឹងជំងឺ Metabolic Syndrome... ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

ចុងសប្ដាហ៍ទី២បានឈានមកដល់ ...តោះចង់ដឹងទេថា អត្ថបទណាខ្លះដែលមានចំណាត់ថ្នាក់ល្អជាងគេនោះ ចូលរួមអានទាំងអស់គ្នា …. ស្វែងយល់អំពីក្រពេញទីរ៉ូអ៊ីត (Thyroid gland) យោងតាមប្រសាសន៍របស់លោកវេជ្ជបណ្ឌិត ចន្ថា តុលា ឯកទេស ក្រពេញអ័រម៉ូន និង ទឹកនោមផ្អែម (មន្ទីរពេទ្យព្រះកុសុមៈ) បានឲ្យដឹងថា «ទីរ៉ូអ៊ីត (Thyroid gland) គឺជាឈ្មោះក្រពេញបញ្ចេញមួយដែលមានរូបរាងដូចមេអំបៅ ស្ថិតនៅផ្នែកខាងមុខនៃគល់ករបស់មនុស្សយើង»។ ក្រពេញនេះមានតួនាទីបញ្ចេញនូវអ័រម៉ូនដែលមានតួនាទីសំខាន់នៅក្នុងការធ្វើដំណើរការមេតាបូលីសនៅក្នុងសរីរាង្គយើង។ អ័រម៉ូននេះមានឈ្មោះថាអ័រម៉ូនទីរ៉ូអ៊ីត(Thyroid hormone) ទៅតាមឈ្មោះរបស់ក្រពេញ... ភាសាស្នេហាដែលមានតែអ្នកក្នុងវិស័យសុខាភិបាលទើបយល់!!! ស្នេហាជាច្បាប់ធម្មជាតិដែលមិនថាអ្នកនៅក្នុងវិស័យណា ឋានៈណា ប្រទេសណា វ័យណា នោះទេ គឺសុទ្ធតែមិនអាចចៀសវាងបាន គ្រាន់តែមានរសជាតិ និងសាច់រឿងផ្សេងៗពីគ្នា…ក្នុងនោះផងដែរអ្នកនៅក្នុងវិស័យសុខាភិបាលខ្លះក៏តែងតែចូលចិត្តប្រើពាក្យបច្ចេកទេសមកប្រើប្រាស់ដើម្បីបង្ហាញពីក្តីស្រលាញ់របស់ខ្លួនចំពោះមនុស្សជាទីស្រលាញ់។ តែ…បើនិយាយជាមួយអ្នកនៅក្នុងវិស័យដូចគ្នា មិនអីនោះទេ តែបើអ្នកផ្សេងនោះ កុំភ្លេចបកប្រែ ឬពន្យល់ប្រាប់គេផង មិនអញ្ចឹងទេ ប្រាកដជាស្វីតតែឯងមិនខាន…ថ្ងៃមុន ទំនេរក៏searchលេងៗ ហើយក៏បានដូចចិត្តមែន…ឃ្លាខាងក្រោមនេះ ទម្រាំតែយល់ គឺថា…យកឲ្យបងប្រុស(មោទនភាពក្នុងនាមជាប្អូនរបស់វេជ្ជបណ្ឌិតមួយរូប XD) តោះ! អ្នកណាខ្លះអានយល់? ធ្លាប់ដែលនិយាយទៅកាន់នរណាអត់ហ្នឹង? អាចអានបានជាការកម្សាន្តជាមួយគ្នា.. កូនដំបូងអាយុទើបតែបាន១ខែកន្លះ ហើយត្រូវទៅធ្វើការទៀត គួរធ្វើបែបណា? នាងខ្ញុំអាយុ ១៨ឆ្នាំ រស់នៅខេត្តតាកែវ។ នាងខ្ញុំទើបតែមានកូនដំបូងអាយុទើបតែបាន១ខែកន្លះហើយនាងខ្ញុំត្រូវទៅធ្វើការ។ ដូច្នេះ នាងខ្ញុំមិនអាចបំបៅដោះកូនបានដិតដល់ទេ។ តើនាងខ្ញុំអាចឲ្យកូនរបស់ខ្ញុំបៅទឹកដោះគោបានដែរឬទេ?  ហើយវាអាចមានផលប៉ះពាល់អ្វីខ្លះ ចំពោះកូនរបស់ខ្ញុំ ប្រសិនបើគាត់ទើបតែមានអាយុតិចបែបនេះ? នេះជាសំនួររបស់ប្រិយមិត្តដែលបានសាកសួរមកកាន់ លោកវេជ្ជបណ្ឌិត ចង់ដឹងថាចម្លើយបែបណានោះសូមចុចទៅលើចំណងជើងរបស់អត្ថបទ …. ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

ចុងសប្ដាហ៍ទី១នៃខែកុម្ភៈក៏បានឈានចូលមកដល់ ហើយក៏ជាពេលដែលត្រូវបង្ហាញជូននូវអត្ថបទដែលមានសន្ទុះនៃការអានច្រើនជាងគេមកធ្វើការបង្ហាញជូនមិត្តអ្នកអានទាំងអស់គ្នា ។ ចង់ដឹងទេថាអត្ថបទទាំងនោះមានអ្វីខ្លះនោះ តោះតាមដានអានជាមួយគ្នា…  មនុស្សភាគច្រើនគិតថាការពិបាកបន្ទោបង់ ឬទល់លាមកគឺបណ្ដាលមកពីបញ្ហាឫសដូងបាត ប៉ុន្តែតាមពិតទៅ.....  ជំងឺឫសដូងបាតជាជំងឺនៃសរសៃឈាមបាត និងមិនបណ្ដាលឲ្យទល់លាមកឡើយ ប៉ុន្តែផ្ទុយទៅវិញការទល់លាមក ឫពិបាកបន្ទោបង់អាចបង្ករឲ្យមានជំងឺឫសដូងបាត។ រីឯរោគសញ្ញានៃជំងឺឫសដូងបាតមានដូចជា ការលៀនធ្លាក់សរសៃឫសដូងតាមទ្វារលាមក, ធ្លាក់ឈាមក្រហមស្រស់ពេលបន្ទោបង់,ការមានដុំពកឈឺនៅក្បែរទ្វារលាមក(បើលោកអ្នកចង់យល់លម្អិតអំពីជំងឺឫសដូងបាត សូមចូលអានអត្ថបទមុន) ជំងឺឫសដូងបាត «ជីវិតគេ ស្ថិតនៅលើ ដៃយើង»ជាអ្វីដែលត្រូវរំលឹកប្រាប់ខ្លួនឯងជាប្រចាំ… «តាមការពិតទៅ រៀនអីក៏មិនស្រួលដែរ និយាយរួមទៅ ពាក្យថា«រៀន»មួយម៉ាត់ គឺមិនសំដៅចំពោះមុខវិជ្ជាពេទ្យតែមួយមុខនោះទេគឺគ្រប់មុខវិជ្ជាសុទ្ធតែពិបាកទាំងអស់» នេះបើយោងតាមសម្តីដ៏មានអត្ថន័យរបស់ កញ្ញា អ៊ិត ម៉ូលីកា ដែលជានិសិ្សតវេជ្ជសាស្រ្តនៃ សាកលវិទ្យាល័យ ពុទ្ធិសាស្រ្ត(UP) និងជាអតីតសមាជិកស្ម័គ្រចិត្តនៃក្លឹបសិក្សារបស់សាលាផ្ទាល់ដែលមានឈ្មោះថា UP-Med ដែលមានតួនាទីជាអ្នកបង្ហាត់បង្ហាញផ្នែកPhysiology រយៈពេល២ឆ្នាំផងដែរ។ ស្របពេលជាមួយគ្នានេះផងដែរ កញ្ញាក៏មានបទពិសោធន៍ខ្លះៗទាក់ទិននឹងការសិក្សាផ្នែកវេជ្ជសាស្រ្ត ដើម្បីជាការចែករំលែកជូនដល់និស្សិតជំនាន់ក្រោយជាពិសេសអ្នកដែលមានបំណងចូលសិក្សាផ្នែកនេះដែរ… តើជំងឺទឹកនោមប្រៃមានន័យដូចម្តេច? យោងតាមការបកស្រាយរបស់លោក អ៊ត ងីម (អ្នកជំនាញមន្ទីរពិសោធន៍នៃមន្ទីរពេទ្យខ្មែរ សូវៀត និងនាយកចាត់ការទូទៅនៃមន្ទីរពិសោធន៍វេជ្ជសាស្ត្រ សុភមង្គល និង ម៉េឌីថិច) បានមានប្រសាសន៍ថា ទឹកនោមតែងតែមានរសជាតិប្រៃ តែក្នុងន័យវេជ្ជសាស្ត្រ គឺមានន័យថា មានជាតិសាច់ក្នុងទឹកនោម ឬមានប្រូតេអ៊ីនក្នុងទឹកនោម។តាមធម្មតា ក្នុងទឹកនោមមនុស្សយើងគ្មានជាតិសាច់ (ដែលតាមទំលាប់គេហៅទឹកនោមប្រៃ) នោះទេ។ ទាល់តែតម្រងនោមមានជំងឺ….. ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

រយៈពេលមួយខែៗពិតជាដើរលឿនណាស់…ពេលវេលាចេះតែបន្តដំណើរទៅមុខ ហេលស៍ថាម ក៏នៅតែបន្តបេសកកម្មរបស់ខ្លួនក្នុងការចេញផ្សាយនូវអត្ថបទសុខភាពដែលអាចទុកចិត្តបានជូនដល់ប្រិយមិត្តអ្នកអានរបស់ខ្លួន ដើម្បីទទួលជ្រាបជាព័ត៌មាន នឹងបង្កើនការប្រុងប្រយ័ត្ន ក៏ដូចជាបង្កើននូវចំណះដឹងមួយដែលមិនអាចកាត់ថ្លៃបាន។ ក្នុងនោះអត្ថបទទាក់់ទិននឹងជំងឺនៅតែទទួលបានការចូលអានច្រើន ស្របពេលដែលប្រធានបទ«សម្រកទម្ងន់» ក៏ហាក់ដូចជាទទួលបានការចាប់អារម្មណ៍ច្រើនផងដែរ។ ក្នុងចំណោមអត្ថបទដែលបានចេញផ្សាយ យើងឃើញមានអត្ថបទ៣ដែលមានចំនួនអ្នកចូលអានច្រើនជាងគេ ក្នុងនោះរួមមាន៖ បាត់បង់ដៃស្តាំមួយនោះ…តែមិនបោះបង់ក្តីសង្ឃឹមក្នុងជីវិត  «ចាំបានថា ពេលនោះ ខ្ញុំពិតជាចង់លាក់បាំងនូវរូបរាងរបស់ខ្ញុំណាស់…មិនចង់ឲ្យនរណាម្នាក់ឃើញវាឡើយ…ខ្ញុំបានផ្តាច់ទំនាក់ទំនងជាមួយនឹងមិត្តភក្តិ និងមនុស្សស្គាល់គ្នាមួយរយៈធំ ដោយប្តូរលេខទូរស័ព្ទ មិនឆ្លើយតបរាល់សំណួរ និងការសាកសួរសុខទុក្ខផ្សេងៗ…ពិតជាមិនចង់ឲ្យគេដឹងលឺពីខ្ញុំ មិនចង់ឲ្យគេខ្ញុំឃើញបែបនេះនោះទេ…តែពេលនេះ ក៏អាចធ្វើចិត្តបាន!!! ក៏អរគុណខ្លួនឯងមែនទែន…ដែលអាចរឹងមាំដល់ថ្ងៃនេះ… រឹងមាំដោយរបៀបណា? (ប្រហែលជាមានអ្នកឆ្ងល់ច្រើន ព្រោះរាល់ពេលដែលគេឃើញខ្ញុំក្នុងសភាពបែបនេះ ម្នាក់ៗក៏ខ្លោចចិត្តរួចទៅហើយ ចុះទម្រាំខ្ញុំផ្ទាល់នោះ?) គ្រាន់តែគិតថា…»ជាអត្ថបទដែលបង្ហាញជូនអំពីអារម្មណ៍របស់អ្នកជំងឺមហារីកឆ្អឹង Ewing Sacroma ដែលត្រូវប្រឈមនឹងការពិតដែលពិបាកទទួលយកមួយ ហើយគេក៏អាចធ្វើបាន… សាវតាជំងឺទឹកនោមផ្អែម និងកាលប្រវត្តិសំខាន់ៗ  ជំងឺនីមួយៗសុទ្ធតែមានប្រវត្តិ ក៏ដូចជាដើមកំណើតរបស់វា ដែលភាគច្រើនត្រូវបានកត់ត្រា និងសិក្សារៀនសូត្រដោយអ្នកប្រកបវិជ្ជាជីវៈសុខាភិបាលទៅតាមឯកទេសរបស់ខ្លួន។ ក្នុងនោះផងដែរ ជំងឺទឹកនោមផ្អែមដែលមានកំណើតតាំងពី១៥០០ឆ្នាំមុនគ្រិស្តសករាជ នៅក្នុងគម្ពីរបុរាណអេហ្សីប ដែលមានការសរសេរពីជំងឺម៉្យាងដែលអ្នកជំងឺនោមច្រើន និង ស្រេកទឹក ដោយមិនទាន់មានអ្នកស្គាល់ជំងឺនេះគេហៅថាជាជំងឺអ្វីឡើយ។ លោក វេជ្ជបណ្ឌិត ស៊ុំ សត្ថា វេជ្ជបណ្ឌិតឯកទេសជំងឺទឹកនោមផ្អែមប្រចាំនៅ Diabetes Care Center  បានចែករំលែកអំពីចំណុចពិសេសៗនៃជំងឺមួយនេះ ដោយបង្ហាញអំពីដំណាក់កាលនៃការសិក្សាផ្សេងៗជុំវិញជំងឺនេះ ការស្រាវជ្រាវ និងរកឃើញឱសថសម្រាប់ព្យាបាល ព្រមទាំងព្រឹត្តិការណ៍សំខាន់ៗផ្សេងទៀតដែលជាប់ពាក់ព័ន្ធផងដែរ។ រើសកន្លែងព្យាបាលមិនដូចរើសកន្លែងធ្វើការ ឬសិក្សាឡើយ ព្រោះវាពាក់ព័ន្ធនឹងជីវិត!!!  ជាមួយនឹងបទពិសោធន៍ក្នុងការស្វែងរកសេវាព្យាបាលដែលត្រឹមត្រូវ និងមានប្រសិទ្ធភាពសម្រាប់ជំងឺលៀនទ្រនាប់ឆ្អឹងកង ឬឌីស ប៉ះជាមួយនឹងសរសៃជើងខាងស្ដាំ របស់ខ្លួន អស់រយៈពេលជាង១ឆ្នាំ អ្នកជំងឺម្នាក់បានចែករំលែកនូវរឿងរ៉ាវទាំងឡាយ រួមទាំងបទពិសោធន៍ឈឺចាប់ដោយការរស់នៅជាមួយនឹងជំងឺប្រចាំកាយដែលតែងតែបង្កការឈឺចាប់ជារឿយៗ និងរំខានដល់ការរស់នៅប្រចាំថ្ងៃ។ វាជាការពិតដែលពិបាកទទួលយកមួយ ដែលជំងឺមួយនេច្រើនតែងកើតនៅលើមនុស្សចាស់សោះ បែរជាកើតមានចំពោះគាត់ ហើយត្រូវមកទទួលរងការឈឺចាប់តាំងពីក្មេងយ៉ាងនេះទៅវិញ តែយ៉ាងណាមិញគាត់ក៏មិនបានបោះបង់ចោលខ្លួនឯងដែរ នឹងរិះរកគ្រប់មធ្យាបាយ ដើម្បីចៀសវាងការជិះលើរទេះរុញ ឬដេកលើគ្រែមួយកន្លែង។  ©2018រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ   

ចែករំលែក

នេះជាសប្ដាហ៍ទី៤នៃខែមករា ហើយក៏ជាសប្ដាហ៍ចុងក្រោយនៃខែមករាផងដែរ ហេលស៍ថាម ក៏សូមធ្វើការបង្ហាញនូវអត្ថបទដែលទទួលបានការអានច្រើនជាងគេដែលរួមមានដូចខាងក្រោម ៖  វិធីសាស្រ្តការពារពីជំងឺឫសដូងបាត យោងតាមការបកស្រាយដោយវេជ្ជបណ្ឌិត  តូចយ៉ាន ឯកទេសព្យាបាលជំងឺឫសដូងបាតនៃ គ្លីនិក តូច យ៉ាន ព្យាបាលជំងឺ ឫសដូងបាតបានផ្ដល់ជាអនុសាស្ត្រ និងវិធីសម្រាប់ព្យាបានជំងឺឫសដូងបាត ដែលមានដូចជា ៖  -ត្រូវជៀសវាង ឬកាត់បន្ថយការងារណាអង្គុយច្រើន ដូចជាជាងដេរ ជាងអេឡិចត្រូនិច អ្នកបើកបរ អ្នកធ្វើការងារការិយាល័យជាដើម -ញ៉ាំអាហារឲ្យមានសម្លទឹក មានបន្លែច្រើន ផ្លែឈើមានជាតិសរសៃ ញ៉ាំទឹកឲ្យបានច្រើន២ ឬ៣លីត្រក្នុងមួយថ្ងៃ.. Isoflavones ពីសណ្តែកសៀងជាមួយនឹងមុខងារ និងអត្ថប្រយោជន៍ដ៏សម្បើមចំពោះសុខភាព ជាប្រភពនៃប្រូតេអ៊ីនដ៏មានគុណភាពដែលអាចជំនួសទឹកដោះគោ និងសាច់ដែលមានតម្លៃថ្លៃ ក្នុងអំឡុងប៉ុន្មានឆ្នាំចុងក្រោយនេះសណ្តែកសៀងត្រូវបានគេស្រាវជ្រាវដោយផ្តោតយ៉ាងខ្លាំងលើសមាសធាតុផ្សំរបស់វាជាពិសេសគឺIsoflavones។Isoflavonesជាសមាសធាតុដ៏អស្ចារ្យមួយដែលត្រូវបានដឹងថាការបរិភោគរយៈពេលវែងអាចការពារនូវភាពចាស់ជរាបានដោយសាររចនាសម្ព័ន្ធដែលស្រដៀងទៅនឹងអ័រម៉ូនអឺស្រ្តូសែនរបស់រាងកាយ… ១០mg នៃឱសថ XARELTO®(Rivaroxaban) អាចជួយកាត់បន្ថយជំងឺឈាមកកក្នុងសរសៃវ៉ែន រដ្ឋបាលចំណីអាហារ និងឱសថសហរដ្ឋអាមេរិក (FDA) នាថ្ងៃទី ៣០ ខែតុលា ឆ្នាំ២០១៧ បានយល់ស្របឲ្យមានការប្រើប្រាស់ឱសថ Rivaroxaban (Xarelto, Janssen Pharmaceuticals, Inc.) ក្នុងកម្រិត ១០មីលីក្រាមក្នុងមួយថ្ងៃជាប្រចាំ សម្រាប់ការការពារហានិភ័យនៃជំងឺឈាមកកក្នុងសរសៃវ៉ែន (Venous thromboembolism) ដែលជាជំងឺតែងកើតមានឡើងបន្ទាប់ពីការព្យាបាលជំងឺកំណកឈាមអស់រយៈពេល ៦ខែ… ©2018 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

ចែករំលែក

នេះជាសប្ដាហ៏ទី៣នៃខែមករា ជាពេលដែលត្រូវសរុបលទ្ធផលប្រចាំសប្តាហ៍ជូនមិត្តអ្នកអានទាំងអស់។ ខណៈនេះផងដែរ ហេលស៍ថាមសូមធ្វើការថ្លែងអំណរគុណយ៉ាងជ្រាលជ្រៅចំពោះប្រិយមិត្តអ្នកអានទាំងអស់ដែលនៅតែបន្តគាំទ្ររាល់ការចុះផ្សាយរបស់យើងខ្ញុំ ហើយអត្ថបទដែលទទួលបានការពេញនិយមជាងគេនៅក្នុងសប្ដាហ៍នេះរួមមានដូចខាងក្រោម…  1. ក្រសួងសុខាភិបាលនឹងចាត់វិធានការតឹងរ៉ឹងចំពោះសេវាព្យាបាលជំងឺឯកជនដែលគ្មានការអនុញ្ញាតត្រឹម ការផ្តល់សេវាសុខាភិបាលដែលត្រឹមត្រូវ និងមានប្រសិទ្ធភាពព្រមទាំងស្របច្បាប់ពិតជារួមចំណែកយ៉ាងខ្លាំងក្លាក្នុងការលើកកម្ពស់សុខុមាលភាពរបស់ប្រជាជនមិនថានៅក្នុងប្រទេបែបណានោះទេ។ ផ្ទុយទៅវិញការផ្តល់នូវសេវាព្យាបាលជំងឺដែលមិនស្របច្បាប់ឬមិនមានប្រសិទ្ធភាពមិនត្រឹមតែប៉ះពាល់ដល់សុខភាពរបស់ប្រជាជននោះទេគឺប៉ះពាល់ដល់ទំនុកចិត្តលើវិស័យសុខាភិបាលនៅក្នុងប្រទេសតែម្តងហើយក៏អាចជាហេតុបង្កឲ្យមានជាបញ្ហាផ្សេងៗជាបន្តបន្ទាប់។។។ 2. ប្រភេទនៃជំងឺឫសដូងបាត (Classification of Hemorrhoid) យោងតាមការបកស្រាយរបស់លោកវេជ្ជបណ្ឌិត តូចយ៉ាន ឯកទេសព្យាបាលជំងឺឫសដូងបាតនៃ គ្លីនិក តូច យ៉ាន ព្យាបាលជំងឺ ឫសដូងបាត បានមានប្រសាសន័ថាជំងឺ ឫសដូងបាតមាន ៤ប្រភេទដូចជា… -ប្រភេទទី១ ឫសដូងបាតខាងក្រៅ -ប្រភេទទី២ ឫសដូងបាត ខាងក្នុង (ឫសដូងបាត នាងពូន) -ប្រភេទទី៣ ឫសដូងបាតខាងក្រៅ និងឫសដូងបាតខាងក្នុង -ប្រភេទទី៤ ឫសដូងបាតខាងក្រៅជាប់គ្នាជាមួយខាងក្នុង…. 3. Ibuprofen អាចធ្វើឲ្យបុរសមិនអាចមានកូន (អារ)? Ibuprofen ត្រូវបានគេស្គាល់ថាជាឱសថដែលស្ថិតនៅក្នុងក្រុម NSAIDs (Nonsteroidal Anti-inflammatory drug)មានឈ្មោះនៅលើទីផ្សារជា Motrin  ឬAdvil។ ឱសថនេះត្រូវបានប្រើប្រាស់ព្យាបាលការឈឺចុកចាប់តិចតួច និង អាការៈក្ដៅខ្លួន ក្នុងទម្រង់ជា ថ្នាំគ្រាប់(Tablet) ម្សៅលាយទឹក (Liquide Suspensions) និង បន្តក់ (Concentrated Liquide Drops)។ «អ្នកដែលប្រើប្រាស់ NSAIDs ងាយប្រឈមមុខនឹងជំងឺ គាំងបេះដូង (Higher Heart Attack) និងដាច់សរសៃឈាមខួរក្បាល (Stroke) ជាងអ្នកដែលមិនប្រើប្រាស់» នេះបើយោងតាម National Institutes of Health….. ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

ចែករំលែក

នៅក្នុងឆ្នាំថ្មីនេះតើអ្នកទាំងអស់គ្នាបានធ្វើអ្វីសម្រាប់ខ្លួនឯងហើយឬនៅ ? ហើយនេះជាសប្ដាហ៍ទី២នៃខែមករាក្រុមការងារយើងខ្ញុំនៅតែបន្តធ្វើការចុះផ្សាយនៅអត្ថបទផ្សេងៗដែលពាក់ព័ន្ធនឹងសុខភាព ក៏ដូចជាវិធីបង្ការជំងឺផ្សេងៗសម្រាប់ចែកជូនដល់បងប្អូនប្រិយមិត្តទាំងអស់ជាទីគោរពដ៏ស្មោះស្ម័គ្រពី ហេលស៍ថាម ។  ក្នុងចំណោមអត្ថបទទាំងអស់ តើមានអត្ថបទណាខ្លះដែលទទួលបានចំនួនអ្នកអានច្រើនជាងគេ? រើសកន្លែងព្យាបាលមិនដូចរើសកន្លែងធ្វើការ ឬសិក្សាឡើយ ព្រោះវាពាក់ព័ន្ធនឹងជីវិត!!! មិនដឹងនិយាយអ្វីមិនដឹងខ្លួនឯងកំពុងគិតអ្វី…ដឹងត្រឹមថាបេះដូងរបស់ខ្ញុំចាប់ផ្តើមលោតខុសពីធម្មតា…អារម្មណ៍ហាក់បីដូចជាធ្លាក់ចុះយ៉ាងខ្លាំងហើយក៏ភិតភ័យមិនតិចនោះដែរ…ក្រោយការស្តាប់ពីការរៀបរាប់របស់ខ្ញុំ  លោកវេជ្ជបណ្ឌិតក៏បានសន្និដ្ឋានថា «បញ្ហានេះ គឺបណ្តាលមកពីការលើករបស់ធ្ងន់ៗ ដោយគ្មានបច្ចេកទេសត្រឹមត្រូវ ឬលើកខុសទំនង»… ដំណឹងក៏បានលឺដល់លោកម្តាយឪពុកខ្ញុំ និងក្រុមគ្រួសារ ហើយប្រាកដណាស់គឺពួកគាត់ពិតជាបារម្ភពីខ្ញុំមែនទែន។  ហេតុអ្វីមានការឈឺចាប់ និង ឈាមក្រហមស្រស់ពេលបន្ទោបង់? ចង់យល់ឲ្យកាន់តែច្បាស់ពីបញ្ហាការដាច់រលាត់ទ្វារលាមកជាអ្វីដែរឬទេ? ជាជនទូទៅ តែងតែយល់ថា រាល់គ្រប់រោគសញ្ញាដែលកើតមាននៅតំបន់ទ្វារលាមកសុទ្ធតែជាជំងឺឫសដូងបាត ។ ក៏ប៉ុន្តែការពិតទៅ មានជំងឺផ្សេងៗទៀតជាច្រើនក្រៅពីជំងឺឫសដូងបាត ។ រោគសញ្ញាខាងលើនេះអាចបណ្ដាលមកពីមូលហេតុជាច្រើន ដែលក្នុងចំណោមនោះការដាច់រលាត់ទ្វារលាមក (Fissure anale) គឺជាមូលហេតុដែលជួបញឹកញាប់ជាងគេ ។  មន្ទីរពេទ្យកុមារអង្គរ កំពុងស្វែងរកអ្នកបរិច្ចាគឈាមគ្រប់ប្រភេទទាំងអស់!!! ធ្លាប់គិតចង់ជួយសង្រ្គោះជីវិតអ្នកដទៃ បើទោះជាអ្នកមិនបម្រើការក្នុងវិស័យសុខាភិបាល ឬវិស័យផ្សេងទៀតដែលពាក់ព័ន្ធនឹងការសង្រ្គោះជីវិតដែរឬទេ? ធ្លាប់គិតឬអត់ ថាតើអ្នកអាចធ្វើបានដោយរបៀបណា ប្រសិនបើអ្នកមិនមានជំនាញទាំងនោះ?មានសកម្មភាពមួយដែលមិនពិបាកធ្វើ តែមានតម្លៃលើសលប់ ហើយក៏ជាការរួមចំណែកមួយក្នុងការជួយសង្រ្គោះដល់ជីវិតរបស់មនុស្ស ជាពិសេសកុមារកម្ពុជាដែលកំពុងមានបញ្ហាសុខភាពផ្សេងៗ ដោយកំពុងតែសម្រាកព្យាបាលនៅមន្ទីរពេទ្យកុមារអង្គរ…នោះ គឺ ការចូលរួមឧបត្ថម្ភឈាមរបស់លោកអ្នក… ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

នេះជាសប្ដាហ៍ទី១នៃខែមករាឆ្នាំ២០១៨ហើយក៏ជាពេលដែលត្រូវចេញផ្សាយនៅអត្ថបទដែលទទូលបានការពេញនិយម អានច្រើនជាងគេ។ ហេលស៍ថាមនៅតែបន្តធ្វើការចុះផ្សាយរាល់អត្ថបទដែលទាក់ទិននិងសុខភាពក៏ដូចជាពត៌មានរបស់ស្ថាប័ននានាមកចែកជូនដល់ប្រជាជនទាំងអស់ឲ្យបានជ្រាបនឹងប្រុងប្រយ័ត្នចំពោះបញ្ហាផ្សេងៗដែលកើតមានឡើងនាពេលបច្ចុប្បន្ន ហើយអត្ថបទទាំងនោះរួមមាន…. ការផ្ទុះឡើងនូវឥទ្ធិពលរំខានជាង15,000 ករណីនៃរូបមន្តថ្មីរបស់ឱសថ LEVOTHYROX ករណីនៃឥទ្ធិពលរំខានពីឱសថយ៉ាងតិច14,633ករណីនៅប្រទេសបារាំងត្រូវបានរាយការណ៍ទៅកាន់ភ្នាក់ងារជាតិនៃសុវត្ថិភាពឱសថនិងផលិតផលសុខភាពដែលហៅកាត់ថា ANSM បន្ទាប់ពីមានការផ្លាស់ប្តូរទៅលើរូបមន្តឱសថ Levothyrox (Levothyroxine)របស់ក្រុមហ៊ុនMerckដែលត្រូវបានចេញវេជ្ជបញ្ជាឲ្យប្រើប្រាស់យ៉ាងទូលំទូលាយសម្រាប់ការព្យាបាលជំងឺខ្វះអ័រម៉ូនទីរ៉ូ-អ៊ីត (hypothyroid) នេះបើ យោងតាមការបញ្ជាក់ពី Le Figaro Santé ដែលបានចេញផ្សាយនៅថ្ងៃទី 11 ខែ តុលា ឆ្នាំ 2017។    សាវតាជំងឺទឹកនោមផ្អែម និងកាលប្រវត្តិសំខាន់ៗ តាំងពី១៥០០ឆ្នាំមុនគ្រិស្តសករាជ នៅក្នុងគម្ពីរបុរាណអេហ្សីប មានការសរសេរពីជំងឺម៉្យាងដែលអ្នកជំងឺនោមច្រើន និង ស្រេកទឹក។ កាលនោះមិនទាន់មានពាក្យទឹកនោមផ្អែមនៅទ្បើយទេ។៤០០ឆ្នាំមុនគ្រិស្តសករាជ Charaka និងShushrata (ពេទ្យល្បីនៅឥណ្ឌា) បានបរិយាយអំពីភាពផ្អែមរបស់ទឹកនោមដែលមានស្រមោចរោម។ Charaka និងShushrataក៏បានបរិយាយផងដែរអំពីអ្នកជំងឺដែលស្រមោចរោមទឹកនោមមានពីរក្រុមដូចជា…… អ្នកមានជំងឺភ្នែកក្រហមគួរទទួលទានអាហារប្រភេទណា? ជំងឺភ្នែកក្រហមដែលជាទូទៅភ្នែកមានសភាពក្រហម គឺជាស្ថានភាពនៃការរលោក ដែលអាចប៉ះពាល់ដល់ភ្នែកទាំងគូ។ ស្បែកនៃត្របកភ្នែកខាងក្នុងប្រស្រីភ្នែក គឺជាភ្នាសដែលគ្រប លើផ្ទៃពណ៌សនៃភ្នែកទាំងសងខាង។ ភ្នាសនោះ មានផ្ទុកសរសៃឈាមតូចដែលអាចមើលឃើញនៅពេលរលោកហើយវាក៏ជាមូលហេតុដែលផ្នែកពណ៌សនៃភ្នែកប្រែជាក្រហមនៅពេលដែលអ្នកក្រហាយអំឡុបពេលកើតជំងឺភ្នែកក្រហម។ជំងឺនេះឆ្លងពីមនុស្សម្នាក់ទៅមនុស្សម្នាក់ទៀតតាមរយៈការមើលគ្នាទៅវិញទៅមក។  ©2018 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

ចែករំលែក

ទីបំផុត ខែចុងក្រោយនៃឆ្នាំ២០១៧ ក៏បានឈានចូលមក​ដល់ ស្របពេលដែលចំនួនអត្ថបទ និងចំនួនអ្នកអាននៅក្នុងគេហទំព័រ-ហេលស៍ថាម ក៏កាន់តែមានការកើនឡើងគួរឲ្យកត់សម្គាល់ ដែលក្នុងនោះយើងក៏ឃើញមានទាំងការចែក​រំលែកដោយក្រុមនិពន្ធ និងសាធារណជន ដែលជាសមាជិកនៃសហគមន៍ហេលស៍ថាមផ្ទាល់ និងប្រិយមិត្តមួយចំនួនអំពីប្រធានបទផ្សេងៗគ្នា។ ក្នុងចំណោមអត្ថបទទាំងនោះ មានអត្ថបទ៣ ដែលទទួលបានការចូលអានច្រើន ដែលរួមមានដូចខាងក្រោម… [ខ្លឹមៗ] ការព្យាបាលជំងឺឃ្លង់ល្ពៅដែលមានប្រសិទ្ធភាព លោកវេជ្ជបណ្ឌិត ព្រហ្ម ផានិត ឯកទេសជំងឺស្បែក និងកាមរោគនៃមន្ទីរពេទ្យមិត្តភាពខ្មែរ-សូវៀត និងជាប្រធានគ្លីនិក​សើស្បែក ណង់ស៊ី បានមានប្រសាសន៍ថា «ការព្យាបាលជំងឺវី​ទីលីហ្គោ ឬជំងឺឃ្លង់ល្ពៅ (ជំងឺស្បែកដែលប្រែពណ៌ពីធម្មតាទៅ​ជាពណ៌សដោយសារតែការស្លាប់របស់កោសិកាផលិតពណ៌ (melanocyte)  ដែលអាចកើតមានចំពោះមនុស្សគ្រប់វ័យ នៅលើផ្ទៃមុខ  ដងខ្លួន ចុងដៃ ចុងជើង និងតាមជាលិកាទន់) អាចជោគជ័យ ឬអត់ អាស្រ័យទៅលើទំហំ និងប្រភេទនៃការប្រែពណ៌»។ ដូចនេះ អ្នកជំងឺត្រូវទៅជួបគ្រូពេទ្យឯក​ទេស ដើម្បីជ្រើសរើសនូវវិធីព្យាបាលដ៏ត្រឹមត្រូវ។ វាមិនមានគ្រោះថ្នាក់ដល់ជីវិតទេ ប៉ុន្តែវាធ្វើឲ្យអ្នកជំងឺបាត់បង់នូវសកម្ម​ភាពសង្គមដោយសារការខ្មាសអៀន និងចង់លាក់បាំងនូវអ្វីដែលគាត់កើតមាន។ ប្រសិនបើអ្នកជំងឺនេះ មានជំងឺមួយចំនួនទៀតដូចជាទឹកនោមផ្អែម បញ្ហាក្រពេញទីរ៉ូអ៊ីត និងជំងឺក្រិនស្បែក (Scleroderma)  នោះវាធ្វើឲ្យប៉ះពាល់ដល់អាយុជីវិត… Jonghyunចាកចេញទៅ ដោយបន្សល់នូវបណ្តាំដែលអានហើយក៏ខ្លោចចិត្ត... នរណាក៏មិនអាចចៀសផុតពីបញ្ហា ដែលត្រូវតែជួបប្រទះក្នុងរូបភាពផ្សេងៗគ្នានៅក្នុងដំណើរជីវិតនោះឡើយ។ វាជាការពិត ដែលពេលខ្លះ យើងពិបាកខ្លាំង…ពិបាកធ្វើចិត្តខ្លាំង…ពេលដែលអារម្មណ៍បែបនោះ កើតមានឡើងម្តងៗក៏ធ្វើឲ្យខ្លួនឯងលែងមើលឃើញពីតម្លៃនៃជីវិត ហើយទាមទារចង់ចាកចេញពីរឿងរ៉ាវគ្រប់យ៉ាងដោយមិនប្រឹងប្រែងអំពីដំណោះស្រាយ តែបែរជាចង់បញ្ចប់នូវជីវិតរបស់ខ្លួនទៅវិញ…ជាក់ស្តែងណាស់ ការស្លាប់របស់តារាល្បីកូរ៉េ Jonghyun សមាជិកនៃក្រុម​Shinee ដែលត្រូវបានសន្មតថាជាការធ្វើអត្តឃាតដោយសម្អាងលើភស្តុតាងមួយចំនួន ដែលក្នុងនោះក៏មានសារជាបណ្តាំក្រោយការចាកចេញរបស់គាត់ ដែលបានផ្ញើជូនមិត្តភក្តិជិតស្និទ្ធរបស់ខ្លួន ដែលត្រូវបានមហាជន ជាពិសេសអ្នកគាំទ្រចែករំលែកជាបន្តបន្ទាប់នៅក្នុងបណ្តាញសង្គម… សារជូនចំពោះអនាគតអ្នកគ្រងអាវពេទ្យ... សម្រាប់ជាការពញ្ញាក់អារម្មណ៍ដល់អនាគតនៃអ្នកគ្រងពេទ្យទាំងឡាយ ក៏មានសារដ៏មានអត្ថន័យពីសំណាក់រៀមច្បងមួយរូបអំពីដំណើរជីវិតជាអ្នកប្រកបវិជ្ជាជីវៈសុខាភិបាលមួយរូប…ក្នុងនោះ អត្ថន័យភាគច្រើន គឺផ្តោតលើការតភ្ជាប់នូវអារម្មណ៍ដែលធ្លាប់ជាអ្នកជំងឺ មកជាការបំពេញកាតព្វកិច្ចក្នុងវិជ្ជាជីវៈមួយនេះ…ដោយបានបញ្ជាក់យ៉ាងច្បាស់ថា «សូមគោរពនូវទំនួលខុសត្រូវដែលអ្នកត្រូវរ៉ាប់រង ហើយព្យាបាលអ្នកជំងឺឲ្យដូចជាពេលដែលអ្នកជាអ្នកជំងឺម្នាក់ដែរ»… ©2018រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ចែករំលែក
Top