Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • Aug 10, 2018 |
  • 7 ឆ្នាំមុន |
  • 3.7K មើល

អត្ថបទចំនួន៣ដែលមានអ្នកអានច្រើនជាងគេប្រចាំខែសីហា…

ពីមួយខែទៅមួយខែ កំណើននៃការចូលអានអត្ថបទពីសំណាក់ប្រជាជនកម្ពុជា កាន់តែកើនឡើងជាលំដាប់ ដែលនេះសបញ្ជាក់ឲ្យឃើញថា ប្រជាជនខ្មែរយើងមានការរីកចម្រើន និងយកចិត្តទុកដាក់កាន់តែខ្ពស់ជាមួយនឹងសុខភាពរបស់ខ្លួនក៏ដូចជាមនុស្សជាទីស្រឡាញ់កាន់តែខ្លាំងឡើងៗ។ សម្រាប់ខែសីហានេះផងដែរ ក៏មិនខុសអ្វីពីខែមុនៗដូចគ្នាដោយសារតែចំនួននៃការចូលអានច្រើន ដូចនេះហើយ ក្រុមការងារហេលស៍ថាម នៅតែបន្តចុះផ្សាយជារៀងរាល់ខែជូនមិត្តអ្នកអានទាំងអស់គ្នា..... ចង់ដឹងថាអត្ថបទដ៏មានប្រជាប្រិយភាពទាំងនោះមានអ្វីខ្លះសូមតាមដានខាងក្រោម..... ១   ៥ចំណុចអ្នកចាំបាច់ត្រូវដឹងពីសុខភាពផ្លូវចិត្ត… បើយោងតាមប្រសាសន៍របស់លោកសាស្ត្រាចារ្យវេជ្ជបណ្ឌិត យឹម សុបុត្រា  អ្នកជំនាញឯកទេសវិកលវិទ្យា និងការបំពានគ្រឿងញៀន និងជាប្រធានផ្នែកពិគ្រោះសុខភាពផ្លូវចិត្ត និងការបំពានគ្រឿងញៀននៃមន្ទីរពេទ្យមិត្តភាពខ្មែរ-សូវៀត ព្រមទាំងជានាយកនៃមន្ទីរសម្រាកព្យាបាលផ្លូវចិត្តសាន់រ៉ាយ បានឲ្យដឹងថា បញ្ហាផ្លូវចិត្តដែលកើតមានញឹកញាប់ជាងគេ គឺជំងឺថប់បារម្ភ ធ្លាក់ទឹកចិត្ត វិកលចរិត និងបញ្ហាផ្លូវចិត្តដោយការប្រើប្រាស់គ្រឿងញៀន ហើយវាអាចកើតមានចំពោះមនុស្សគ្រប់វ័យតែភាគច្រើនក្នុងយុវភាព (បុរសអាយុ ២០-៣៥ ឆ្នាំ និងស្ត្រី ២៥-៣៥ឆ្នាំ)។ សម្រាប់ព័ត៌មានបន្ថែម សូមចូលទៅកាន់ http://healthtime.tips/library/article/1665 ២   បន្ថយការប្រឈមនឹងជំងឺកាចសាហាវនៅវ័យអស់រដូវ ដោយសារធាតុចិញ្ចឹមពីរុក្ខជាតិ ដើម្បីគ្រប់គ្រងហានិភ័យដែលអាចកើតមាននៅក្នុងវ័យអស់រដូវឲ្យស្ថិតនៅកម្រិតទាបបំផុត ស្ត្រីអស់រដូវភាគច្រើនត្រូវបានណែនាំឲ្យទទួលយកការព្យាបាលដោយអ័រម៉ូនជំនួស ការផ្លាស់ប្តូររបៀបរស់នៅ និងអមជាមួយការប្រើប្រាស់សារធាតុចិញ្ចឹមពីអាហារផងដែរ។ ទាក់ទងនឹងសារធាតុចិញ្ចឹម Isoflavones ដែលសម្បូរបំផុតនៅក្នុងសណ្តែកសៀង   មានអត្ថប្រយោជន៍ជាច្រើនដូចជា  បន្ថយជំងឺទឹកនោមផ្អែមប្រភេទ២ ការបន្ថយសន្ទស្សន៍នៃម៉ាស់របស់រាងកាយ (BMI) ព្យាបាលជំងឺមហារីកសួត ជំរុញសមត្ថភាពរបស់សរសៃឈាមអាទែរ កាត់បន្ថយការប្រឈមនឹងមហារីក។ល។ យល់ដឹងបន្ថែមតាមរយៈ http://healthtime.tips/library/article/1667 ៣  ក្មេងអាយុ២ខួបហើយ មិនទាន់ចេះហៅ «ប៉ាម៉ាក់»? យោងតាមប្រសាសន៍របស់ លោកវេជ្ជបណ្ឌិតគឹម អាង ប្រធានផ្នែកជំងឺផ្លូវដង្ហើម និងអាល្លែកហ្ស៊ីព្រមទាំងជាអនុប្រធានការិយាល័យបច្ចេកទេសនៃមន្ទីរពេទ្យកុមារជាតិ បានធ្វើការបកស្រាយទៅលើចម្ងល់របស់ប្រជាជនដែលទាក់ទងនឹងក្មេងដែលមានអាយុ២ឆ្នាំមិនអាចហៅ ប៉ា-ម៉ាក់ បានទាល់តែសោះ ….. ជាទូទៅ ក្មេងអាយុ២ឆ្នាំ អាចហៅប៉ា-ម៉ាក់ខ្លះហើយ បើទោះជាគាត់មិនទាន់ចេះនិយាយច្រើនក៏ដោយ។ ករណីកូនរបស់លោកស្រី យើងត្រូវមើលថា  តើកូននេះមានការលូតលាស់យឺត ឬក៏អត់ ដូចជា ក្រចេះញញឹមក្រចេះវារ ឬដើរ ហើយបើប្រៀបធៀបជាមួយបងប្អូនបង្កើត មានលក្ខណៈយឺតជាងគេ ឬអត់។ អានលម្អិតតាមរយៈ http://healthtime.tips/library/article/1668 ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

អត្ថបទប្រចាំខែ
ចែករំលែក
  • Aug 09, 2018 |
  • 7 ឆ្នាំមុន |
  • 5.9K មើល

គួរផ្តល់ដំបូន្មានបែបណាសម្រាប់អ្នកឈឺត្រចៀក?  

សរីរាង្គត្រចៀកហាក់មិនសូវបង្កជាការប្រឈមនឹងជំងឺមួយចំនួនសម្រាប់មនុស្សទូទៅ ដែលជាហេតុធ្វើឲ្យកង្វះនូវការថែទាំឲ្យបានដិតដល់ ប៉ុន្តែនៅរាល់ពេលអាការៈលេចឡើងដូចជាការរលាក បណ្តាលឲ្យឈឺចាប់ នោះត្រូវទាមទារឲ្យមានការស្វែងរកការព្យាបាលពីសំណាក់វេជ្ជបណ្ឌិតដែលមានជំនាញផ្នែកត្រចៀក ច្រមុះ បំពង់ក។ អ្វីគួរដឹង? ភាគច្រើននៃរោគសញ្ញាឈឺត្រចៀក តែងកើតមានលើស្រទាប់ខាងក្រៅនៃត្រចៀក (នៅចន្លោះក្រដាសត្រចៀក និងផ្នែកខាងក្រៅ) ឬកណ្តាល (ផ្នែកនៅខាងក្រោយនៃក្រដាសត្រចៀក)  ដោយគេអាចបែងចែកដូចជា៖ •  នៅស្រទាប់ខាងក្រៅ៖ អាចជាការរលាកត្រចៀកខាងក្រៅ ការរលាកមានលក្ខណៈឈឺ ឬជំងឺគ្រុនផ្តាសាយ • នៅស្រទាប់កណ្តាល៖ ជាការរលាកត្រចៀកស្រួចស្រាវមានខ្ទុះ (ចំពោះកុមារ) និងការរលាកកើតមានឡើងដោយសារសម្ពាធ (ចំពោះមនុស្សពេញវ័យ)។ យ៉ាងណាមិញ  ចំពោះរោគសញ្ញាឈឺត្រចៀកមួយចំនួន  ជាពិសេសជំងឺដែលមានសភាពរ៉ាំរ៉ៃអាចមិនជាប់ទាក់ទងនឹងសរីរាង្គត្រចៀកនោះទេ ដោយសារសរីរាង្គត្រចៀកត្រូវបានរុំព័ទ្ធទៅដោយសរសៃជាច្រើន ដូចនេះការឈឺអាចបណ្តាលមកពីតំបន់ដែលឆ្ងាយតួយ៉ាងដូចជា៖ • បណ្តាលមកពីធ្មេញ៖ ធ្មេញពុក ការប៉ះពាល់លើធ្មេញព្រៃ និងបញ្ហាសន្លាក់មាត់ធ្មេញ •  ឈឺមាត់ •  បញ្ហាបំពង់កជាដើម។ រាល់ជំងឺត្រចៀកដែលរ៉ាំរ៉ៃគួរតែទទួលបានការព្យាបាលពីសំណាក់វេជ្ជបណ្ឌិតផ្នែកត្រចៀក ច្រមុះ បំពង់ក ដោយហេតុថាវាក៏អាចមានហានិភ័យទៅនឹងជំងឺមហារីកផងដែរ ដូចជា មហារីក Amygdale ឬ មហារីកក្រោមអណ្តាត។ អ្វីគួរផ្តល់ឲ្យ? អំឡុងពេលមានជំងឺ អ្នកអាចណែនាំឲ្យអ្នកជំងឺប្រើប្រាស់នូវឱសថបំបាត់ការឈឺចាប់ដែលមាន ២ ថ្នាក់៖ 1. ថ្នាក់ទី ១៖ រួមបញ្ចូលទាំងឱសថពពួក Paracétamol  និងក្នុងក្រុម Anti-Inflammatoire Non Stéroidien (AINS) ដូចជា៖ •  Doliprane (Théraplix)៖ ប្រើ ២គ្រាប់ឬក្រោមទម្រង់កញ្ចប់ ៥០០mg ដោយការប្រើប្រាស់គឺ ៣ដងក្នុងមួយថ្ងៃ  សម្រាប់មនុស្សពេញវ័យ •  Efferalgan (UPSA)៖ ក្នុងទម្រង់ជាឱសថគ្រាប់ដាក់ទឹកពុះ ៥០០mg ដោយប្រើម្តង ២គ្រាប់៣ដងក្នុងមួយថ្ងៃសម្រាប់មនុស្សពេញវ័យ •   Efferalgan (UPSA)៖ ជាឱសថក្នុងទម្រង់ម្សៅ ប្រើចំពោះកុមារក្នុងកម្រិត ១៥mg/kg រៀងរាល់ ៦ម៉ោងម្តង •  Ibuprofène (ក្នុងក្រុម AINS)៖ ប្រើក្នុងកម្រិត ២០០mg។ 2. ថ្នាក់ទី ២៖ ជាប្រភេទឱសថដែលមានការបញ្ចូលគ្នារវាងឱសថ Paracétamol (៤០០mg) និង Codéine (២០mg) ក្នុងគ្រាប់ថ្នាំតែមួយ ដោយការប្រើប្រាស់គឺ ម្តង ២គ្រាប់ ៣ដងក្នុងមួយថ្ងៃ និងមិនឲ្យលើស ៦គ្រាប់ក្នុងមួយថ្ងៃ ដែលរួមមានឱសថដូចជា៖ •   Paracétamol Codéine (GNR) •   Oralgan Codéine (Pierre Fabre) •   Prontalgine (Bœhringer)។ ប្រភពយោង៖ Le vademecum de la Médication officinale ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

គន្លឹះសុខភាព
ចែករំលែក
  • Aug 08, 2018 |
  • 7 ឆ្នាំមុន |
  • 4.8K មើល

អ្វីជាទាចទឹកនៃទារកនៅក្នុងផ្ទៃ?

ទាចទឹក គឺជាការប្រមូលផ្តុំនៃសារធាតុរាវនៅក្នុងស្រោមពោះដែលជាក់ស្តែងជំងឺនេះត្រូវបានដឹងថាកើតមានច្រើនចំពោះអ្នកជំងឺដែលមានជំងឺថ្លើមជាពិសេស។ ដោយឡែក មានការរាយការណ៍ផងដែរអំពីករណីបញ្ហាទាចទឹកដែលកើតមានចំពោះទារកតាំងពីនៅក្នុងផ្ទៃ។ សំណួរ៖ នាងខ្ញុំអាយុ ២៦ឆ្នាំ កម្ពស់ ១ម៉ែត្រ៥៥ ទម្ងន់ ៥៦គីឡូក្រាម កំពុងមានផ្ទៃពោះ៥ខែហើយ។ ខ្ញុំបានទៅអេកូ គ្រូពេទ្យបាននិយាយថា កូនរបស់ខ្ញុំមិនអាចទុកបានទេ ដោយសារមានជំងឺទាចទឹក។ តើកូនខ្ញុំកើតទាចទឹកបណ្តាលមកពីមូលហេតុអ្វី? តើខ្ញុំគួរធ្វើយ៉ាងណាដើម្បីការពារបញ្ហានេះកុំឲ្យកើតឡើងនៅលើកក្រោយទៀត? ចម្លើយ៖ ជំងឺទាចទឹកចំពោះទារកក្នុងផ្ទៃ គឺជាស្ថានភាពមួយដែលបរិមាណសារធាតុរាវសេរីមួយចំនួនបានប្រមូលផ្តុំនៅក្នុងពោះរបស់ទារក។ មានមូលហេតុច្រើនដែលអាចបណ្តាលឲ្យមានបញ្ហានេះ ដោយក្នុងនោះករណីភាគច្រើនគឺមិនអាស្រ័យនឹងម្តាយផ្ទាល់ទេ។ ស្ត្រីអាចកាត់បន្ថយហានិភ័យនេះនៅពេលមានផ្ទៃពោះលើកក្រោយបានតាមរយៈការថែទាំ និងទទួលការពិនិត្យតាមដានតាំងពីមុនពេលមានផ្ទៃពោះ (Preconception care) ។ ការថែទាំសុខភាពជាមុន គឺមានសារសំខាន់ទាំងចំពោះម្តាយ និងទារកដែលគោលដៅនៃការថែទាំគឺដើម្បីពិនិត្យ និងតាមដានរកកត្តាហានិភ័យនានាដែលនាំឲ្យមានបញ្ហានៅពេលមានផ្ទៃពោះ ក៏ដូចជាដើម្បីដឹង និងធ្វើចំណាត់ការទៅលើបញ្ហាសុខភាពផ្សេងៗ ដែលអ្នកជាម្តាយមានតាំងពីមុនពេលមានផ្ទៃពោះផងដែរ។ សរុបមកអ្នកត្រូវប្រាកដថាខ្លួនមានសុខភាពល្អទាំងផ្នែកសរីរាង្គកាយ និងផ្នែកអារម្មណ៍ មុនពេលឈានចូលក្នុងដំណាក់កាលនៃការមានផ្ទៃពោះប្រកបដោយសុខភាពបាន។ បកស្រាយដោយ​៖ វេជ្ជបណ្ឌិត Anna Roslyakova ឯកទេសផ្នែកសម្ភព និងរោគស្ត្រីនៃ Anna Women and Baby’s Center ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ         

ត្រចៀក ច្រមុះ បំពង់ក មាតា និងទារក
ចែករំលែក
  • Aug 07, 2018 |
  • 7 ឆ្នាំមុន |
  • 5.5K មើល

លែងព្រួយបញ្ហាសក់ជ្រុះ ជាមួយទឹកខ្ទឹមបារាំង

តើអ្នកព្រួយបារម្ភពីបញ្ហាជ្រុះសក់ ឬ​ទំពែកក្បាលមែនទេ? តើអ្នកកំពុងគិតថាសក់របស់អ្នកស្តើងទៅៗ ឬប្រែទៅជាពណ៍សមែនទេ?​នៅពេលយើងសង្កេតឃើញថាសក់មានការផ្លាស់ប្តូរ យើងប្រាកដជាលែងមានជំនឿចិត្តក្នុងការបង្ហាញវាទៀតហើយ។ ដូចនេះ សក់ជាផ្នែកមួយដែលងាយស្រួលមើលឃើញ ហើយមនុស្សជាច្រើនបានចំណាយពេលយូរ ដើម្បីការពារកុំឲ្យគេឃើញ។ ខ្ទឹមបារាំងសម្បូរនូវសារធាតុស្ពាន់ធ័រ ដែលមាននាទីជួយប្រព័ន្ធរត់ចលនាឈាមក្នុងខ្លួនយើង ក្នុងការផ្តល់នូវសារធាតុចិញ្ចឹមគ្រប់គ្រាន់ដល់សក់សម្រាប់លូតលាស់។ ខ្ទឹមបារំាងក៏មានមុខងារក្នុងការប្រឆាំងនឹងពពួកបាក់តេរីដែលការពារស្បែកក្បាលពីការឆ្លងមេរោគផ្សេងៗបង្កឲ្យជ្រុះសក់ផងដែរ។ ជាការពិតណាស់ សារធាតុប្រើប្រាស់ក្នុងសាប៊ូកក់សក់ជាច្រើនមានប្រើសារធាតុក្នុងទឹកខ្ទឹមបារំាង ហើយអ្នកវិទ្យាសាស្រ្តក៏បានបញ្ជាក់ច្បាស់ថា​ វាជួយជម្រុញ ការបណ្តុះសក់ថ្មីនិងកម្ចាត់មេរោគ។ ខ្ទឹមបារំាងសម្បូរនូវសារធាតុស្ពាន់​ធ័រ ដែលវាមាននាទីជួយប្រព័ន្ធរត់ចលនាឈាមក្នុងខ្លួនយើងក្នុងការផ្តល់នូវសារធាតុចិញ្ចឹមគ្រប់គ្រាន់ដល់សក់សម្រាប់ការលូតលាស់។ ខ្ទឹមបារំាងក៏មានមុខងារក្នុងការប្រឆាំងនឹងពពួកបាក់តេរីដែលការពារស្បែកក្បាលពីការឆ្លងមេរោគផ្សេងៗបង្កឲ្យជ្រុះសក់ផងដែរ។ ជាធម្មតា ២០% ទៅ ៣០% នៃសក់មនុស្សស្រីចាប់ផ្តើមជ្រុះ នៅផ្នែកងាយនឹងមើលឃើញច្បាស់។ យ៉ាងណាមិញមនុស្សប្រុសចាប់ផ្តើមជ្រុះសក់ចាប់ពីផ្នែកខាងមុខនៃក្បាលដែលងាយនឹងកត់សម្គាល់ឆាប់រហ័ស។ ដោយឡែក តាមការសិក្សា សក់របស់មនុស្សស្រីត្រូវការរយៈពេល អាចរហូតដល់ច្រើនឆ្នាំ ដើម្បីដុះមកវិញ។  ខាងក្រោមនេះ ជាវិធីសាស្រ្តដោយងាយៗប្រើខ្ទឹមបារំាង ដើម្បីទទួលបានសក់ក្រាស់ត្រលប់មកវិញ៖ ១. ត្រូវបកសំបកខ្ទឹមបារំាងចិតជាចំណិត ២. ចិញ្រ្ចាំសង្កត់ ឬកិនយកទឹករួចច្រោះវាជាមួយស្បៃ ដើម្បីឲ្យកាន់តែងាយស្រួល ៣. ប្រើទឹកដែលច្រោះបាននោះមកលាបម៉ាស្សាលើស្បែកក្បាល ៤. ទុកចោលរយៈពេលយ៉ាងតិចណាស់១៥នាទី រួចសឹមលាងជម្រះជាមួយសាប៊ូកក់សក់ ៥. អ្នកអាចទុកលើសពី ១៥នាទី ប្រសិនបើអ្នកអាចទ្រាំទ្រនឹងក្លិនរបស់ខ្ទឹមបារំាងបាន ៦. វិធីបែបនេះ ២ដងក្នុងមួយសប្តាហ៍ ផ្អែកតាមស្បែកក្បាលរបស់អ្នក។ ផ្អែកតាមវិធីងាយៗខាងលើ យើងនឹងទទួលបាននូវគុណប្រយោជន៍ច្រើន ជាពិសេសចំពោះស្បែកក្បាល។ ដូចនេះ ចូលសាកល្បងវិធីសាស្រ្តខាងលើ ដើម្បីទទួលបានសក់ដុះមកវិញ និងក្រាស់ដូចដើម។ មិនបាច់ចំណាយប្រាក់ច្រើនមិនបាច់ចំណាយរយៈពេលយូរ យើងនឹងទទួលបានលទ្ធផលគាប់ប្រសើរ!! ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ       

ស្បែក កាមរោគ​ និងសម្រស់
ចែករំលែក
  • Aug 06, 2018 |
  • 7 ឆ្នាំមុន |
  • 3.3K មើល

Getting a good gut feeling

In the near future, doctors may be able to diagnose and treat patients’ physical and mental health problems by analysing and adjusting the bacteria in their gut.  The human body’s digestive system contains an ecosystem of bacteria, yeasts, fungi, viruses and protozoans that weigh up to 2 kg altogether and perform vital functions such as breaking down food and toxins, manufacturing vitamins and training the immune system to keep the body healthy.  Over the past decade, research has also shown that anomalies in this ecosystem, called the gut microbiome, could be linked to post-traumatic stress disorder, higher levels of stress, anxiety and fearfulness and other mental health issues.  The importance of the gut microbiome on human wellness is why Dr Niranjan Nagarajan, an associate director and senior group leader in the Singapore Agency for Science, Technology and Research’s Genome Institute of Singapore, is spearheading work to better understand its development and changes. At this year’s Vitafoods Asia 2018 conference, which will take place on Sept 11 and 12 at Singapore’s Marina Bay Sands Expo and Convention Centre, Dr Nagarajan will deliver a talk, titled “Focusing on Precision Nutrition for Shaping the Gut Microbiome”, about his research and goals.  Dr Nagarajan said: “We know that diet plays a major role in shaping the microbiome, but precisely how it does so is not quite known. Ultimately, we want to create a system where we can say that, ‘given that your gut microbiome is in state X, to get it to state Y, this is the diet that you should have for the next few months’.”   Understanding your gut To realise this system, Dr Nagarajan and his fellow scientists are pursuing three avenues of research. The first involves studying gut microbiome and diet data compiled by the American Gut Project, a global citizen science initiative founded by scientists in the United States. For a small fee, people can send a biological sample and a completed survey about their health, disease history, lifestyle and diet to the scientists and receive a report about the microorganisms living in their gut or other body part. The volunteers’ information is then anonymised and put online for free to help researchers investigating links among diet, exercise, lifestyle, microbial make-up and health. “Although the data is publicly available, it’s just data, so we’ve been working on new methods to analyse it properly to give us what we want,” said Dr Nagarajan. “From the analysis, we can then come up with predictions, for instance that ‘Food A will affect the abundance of Microbiome Component B’, and conduct experiments to test them.” He added that he and his colleagues have analysed the gut microbiome data of about 1,500 people so far, of which about 800 had provided information about their diet. Beyond this work, the team is also studying different types of food to find out what bacteria grows and feeds on them. “Not everything that we consume will get to our gut because we have a digestive system that kills most bacteria, but this research will give us some idea about what could be in your gut if you eat certain types of food,” Dr Nagarajan explained.  He continued: “Our third approach is to try and understand the inner workings of the gut microbiome. In addition to people’s diet providing nutrients to their microbiome, there’s also a food web in the gut where bacteria cross-feed one another. Some bacteria break down food in certain ways so that other bacteria can eat it.” “We did a study where we looked at people who are taking antibiotics, because that clears the field in the microbiome, so to speak. Once that happens, we study how the ecosystem repopulates itself. This gut microbiome recovery process can tell us a lot about how bacteria cross-feed one another, and what the food web looks like,” he said.  He noted that the team’s work could have dividends for disease prevention and treatment. He said: “The more we know, the more we can perturb an unhealthy microbiome and shift it back to a healthy state. That could have an impact on a wide range of diseases ranging from metabolic to autoimmune ones.” Alongside the conference, at the Vitafoods Asia exhibition, speakers at the Global Health Theatre will discuss the impact of the modern lifestyle on nutrition and diseases, and how food fortification is addressing these issues, will be discussed by industry experts. Other topics include responsible nutrition, importance of fortification & fortified foods, impact on the glycaemic index, as well as the packaging of nutraceuticals into functional foods. At Vitafoods Asia exhibition, companies from 17 countries, including those in Asia, Europe and the Americas will be exhibiting their key ingredients, such as enzymes, probiotics, pre-biotics and other ingredients that supplement gut health. Register now for free entry: https://www.vitafoodsasia.com/en/

ព្រឹត្តិការណ៍ និងព័ត៌មាន
ចែករំលែក
  • Aug 06, 2018 |
  • 7 ឆ្នាំមុន |
  • 3.6K មើល

តោះ! រៀនស្រឡាញ់ការហាត់ប្រាណនៅក្លឹបហាត់ប្រាណជាមួយគ្នា…

បើនិយាយអំពីការហាត់ប្រាណ អ្នកខ្លះក៏រីករាយនឹងការហាត់ប្រាណនៅខាងក្រៅ ដោយសារតែហេតុផលមួយចំនួន គេក៏មិនអាចធ្វើវាជាប្រចាំបាន ជាពិសេសរឿងអាកាសធាតុ ក៏ដូចជាមិនសូវមានកត្តាជំរុញ។ រីឯអ្នកហាត់ប្រាណនៅក្នុងក្លឹបហាត់ប្រាណវិញ ជាទូទៅ ក៏អាចធ្វើបានជាប្រចាំក្រោយពីបណ្តុះទម្លាប់ល្អបានហើយ… មានផលវិជ្ជមានមួយចំនួនដែលអ្នកអាចទទួលបានពីការហាត់ប្រាណនៅក្នុងក្លឹប ហើយធ្វើឲ្យអ្នកស្រឡាញ់ និងចូលចិត្តវាជាង ដែលរួមមានដូចខាងក្រោមនេះ… បង្កើតទំនាក់ទំនងជាមួយអ្នកមានគោលដៅដូចគ្នា វាជាអារម្មណ៍មួយស្រស់ថ្លា និងវិជ្ជមានក្នុងចិត្តនៅពេលដែលអាចនៅក្បែរ ក៏ដូចជាភ្ជាប់ទំនាក់ទំនងជាមួយនឹងអ្នកដែលមានចំណាប់អារម្មណ៍និងគោលដៅដូចនឹងអ្នក ព្រោះថាអ្នកនៅក្លឹបហាត់ប្រាណភាគច្រើនសុទ្ធតែជាអ្នកស្រឡាញ់សុខភាព និងចង់ចំណាយពេលធ្វើអ្វីខ្លះ ដើម្បីសុខភាពរាងកាយ និងចិត្តរបស់ខ្លួន។ មិនបាច់បារម្ភអំពីកត្តាអាកាសធាតុ បើហាត់ប្រាណនៅខាងក្រៅ ឲ្យតែមេឃខ្មៅ ឬស្រទុំ ហាក់ដូចជាមានចិត្តមួយគិតថា «ហាត់មិនកើតទេ» បើទោះជាចង់ហាត់យ៉ាងណាក៏ដោយហើយបើហាត់នៅផ្ទះវិញ ក៏មិនសូវមានអារម្មណ៍ស្រស់ស្រាយ និងមិនមានឧបករណ៍ ឬទីធ្លាគ្រប់គ្រាន់។ រីឯការហាត់នៅក្នុងក្លឹបវិញ ពិបាកតែរឿងធ្វើដំណើរបន្តិច តែកន្លែងហាត់នៅតែរង់ចាំអ្នកទៅហាត់ជានិច្ច។ ទទួលបានដំបូន្មាន និងការណែនាំពីអ្នកជំនាញ ឬអ្នកហាត់ដទៃ មិនថាអំពីគន្លឹះនៃការហាត់ឲ្យបានតាមគោលដៅដែលប្រាថ្នា ឬវិធីសាស្រ្តក្នុងការប្រើប្រាស់ឧបករណ៍ហាត់ឲ្យបានត្រឹមត្រូវនោះទេ គ្រូបង្វឹកតែងតែនៅទីនោះប្រចាំការ ដើម្បីណែនាំដល់អ្នក ក៏ដូចជាស្រាយនូវចម្ងល់ផ្សេងៗរបស់អ្នក។ ជួនកាល អ្នកដែលហាត់ក្បែរអ្នក អាចជាអ្នកមានបទពិសោធន៍ហើយក៏អាចចែករំលែក និងណែនាំដល់អ្នកផងដែរ។ មានជម្រើសច្រើនសម្រាប់លំហាត់ប្រាណ វាអាស្រ័យទៅលើទំហំនៃក្លឹបហាត់ប្រាណដែរតែជាទូទៅ យ៉ាងហោចណាស់ ក៏ក្លឹបនោះមានឧបករណ៍ផ្សេងៗសម្រាប់ហាត់ ហើយកន្លែងខ្លះទៀត ក៏មានប្រភេទលំហាត់ប្រាណច្រើនយ៉ាងដែលអ្នកអាចធ្វើការផ្លាស់ប្តូរបាន ដើម្បីកុំឲ្យមានអារម្មណ៍ថាធុញទ្រាន់។ ជំរុញឲ្យអ្នកពេញចិត្តនឹងអ្វីដែលខ្លួនមាន ជាពិសេសរូបរាង អ្នកទៅហាត់ទាំងអស់សុទ្ធតែមានរូបរាងខុសៗគ្នាអ្នកខ្លះក៏មានរាងស្អាតជាងអ្នក ហើយអ្នកខ្លះទៀតក៏មានរាងមិនសូវជាស្អាត ប៉ុន្តែម្នាក់ៗសុទ្ធតែមានគោលដៅក្នុងការហាត់ខុសៗគ្នា។ មិនថាអ្នកមានរូបរាងធាត់ ឬសាច់ច្រើនយ៉ាងណា ត្រូវតែមានមោទនភាពជាមួយនឹងខ្លួនឯងជានិច្ចថា យ៉ាងហោចណាស់ អ្នកកំពុងតែធ្វើរឿងល្អមួយជាប្រចាំដើម្បីកែប្រែវាហើយ ហើយក៏មិនមានហេតុផលអ្វីដែលត្រូវអង្គុយតូចចិត្តនឹងរាងខ្លួនឯងដោយមិនធ្វើអ្វីសោះដែរ។ បណ្តុះទមា្លប់ហាត់ប្រាណទៅជាសកម្មភាពដែលផ្តល់នូវភាពរីករាយ មិនថាស្ថិតនៅក្នុងវ័យណានោះទេ នៅពេលដែលបរិយាកាសជុំវិញអ្នក ជាកត្តាជំរុញឲ្យអ្នកធ្វើរឿងអ្វីមួយហើយនោះ អ្នកនឹងមិនមានសម្ពាធក្នុងការធ្វើវានោះទេ ហើយក៏មិនធ្វើឲ្យរួចតែពីដៃ ឬមានឈ្មោះថាធ្វើដែរ។ បើអ្នកយល់ស្របនឹងហេតុផលខាងលើនេះហើយ អ្នកប្រាកដជាគិតថា វាជាសកម្មភាពដែលអ្នករីករាយនឹងធ្វើជាមិនខាន។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ   

លំហាត់​ប្រាណ
ចែករំលែក
  • Aug 03, 2018 |
  • 7 ឆ្នាំមុន |
  • 5K មើល

ធ្មេញដុះមិនស្មើគ្នា បង្អាក់ស្នាមញញឹមរបស់អ្នកមែនទេ?

ដោយសារភាពរីកចម្រើននៃការផ្លាស់ប្តូរក្នុងសង្គមសព្វថ្ងៃ ឃើញមានការកើនឡើងនូវផ្នែកជាច្រើន ក្នុងនោះផ្នែកចំណីអាហារក៏កំពុងមានការប្រែប្រួល និងលូតលាស់ទៅតាមនោះផងដែរ។ របបអាហារដែលសម្បូរដោយជាតិស្ករ មានជាតិកាល់ឡូរីខ្ពស់ ឬអាហារកែច្នៃកំពុងត្រូវបានប្រើប្រាស់ និងជាតម្រូវការសម្រាប់មនុស្សទូទាំងពិភពលោក ដែលវាជាមូលហេតុមួយបណ្តាលឲ្យបញ្ហាធ្មេញដុះមិនត្រង់ជួរ ឬដុះជួសគ្នា បានប៉ះពាល់ប្រជាជនដល់ទៅ ៩៥% ដោយមិនដឹងខ្លួន។ លក្ខណៈធ្មេញមិនត្រង់ជួរ ធ្មេញដុះមិនត្រង់ជួរ ឬដុះជួសគ្នា ជាពាក្យបច្ចេកទេសនៃបញ្ហាសុខភាពមាត់ធ្មេញ ដែលបង្ហាញជាការដុះមិនស្មើជួរ ធ្មេញដុះច្រើន និងបង្កើតឲ្យធ្មេញមានកំណាំទំពាខុសប្រក្រតី។ រូបរាងនៃបញ្ហាសុខភាពមាត់ធ្មេញនេះ អាចធ្វើឲ្យសភាពធ្មេញលយចេញទៅក្រៅខ្លាំង ខ្លះរង្គើ និងខ្លះមានទំហំមិនស្មើគ្នា។ មូលហេតុ មានមូលហេតុធំ ៣ យ៉ាងដែលបង្កឲ្យមានបញ្ហាធ្មេញដុះមិនត្រង់ជួរ ឬដុះជួសគ្នា ដូចជា៖ •    របបអាហារ ៖ អាហារសម្បូរទៅដោយជាតិស្ករ ឬអាហារកែច្នៃ ជាកត្តាសំខាន់មួយដែលបណ្តាលឲ្យមានបញ្ហាធ្មេញដុះមិនត្រង់ជួរ •    តំណពូជ៖  លក្ខណៈធ្មេញរបស់បុគ្គលម្នាក់អាចបន្តដល់សមាជិកគ្រួសារនៅជំនាន់បន្ទាប់ •    បរិយាកាស ៖ កុមាររស់នៅក្នុងបរិយាកាសដែលសម្បូរទៅដោយការបំពុល តែងរងនូវជំងឺផ្នែកត្រចៀក ច្រមុះ បំពង់ក បណ្តាលឲ្យការដកដង្ហើមធ្វើឡើងតាមមាត់។ សកម្មភាពនេះ បានធ្វើឲ្យមាត់ផ្នែកខាងលើមិនអាចលូតលាស់បានត្រឹមត្រូវ បង្កឲ្យចង្កាមានទំហំតូច ដែលជាហេតុធ្វើឲ្យធ្មេញដុះច្រើន ឬមិនស្មើជួរ។ បញ្ហាបណ្តាលមកពីធ្មេញដុះមិនត្រង់ជួរ ធ្មេញដុះប្រជ្រៀតច្រើន ឬមិនស្មើគ្នា ហាក់ជាបញ្ហាតូចតាចសម្រាប់បុគ្គលមួយចំនួន ប៉ុន្តែវាអាចវិវឌ្ឍទៅជាបញ្ហាសុខភាពមាត់ធ្មេញផ្សេងទៀតតួយ៉ាងដូចជា៖ -បញ្ហាចម្បងបំផុត គឺវាអាចប៉ះពាល់ទៅលើផ្លូវចិត្តរបស់បុគ្គល នាំឲ្យខ្វះភាពជឿជាក់លើខ្លួនឯង សម្រាប់ការទំនាក់ទំនងនៅក្នុងសង្គម មិនថាជាមួយមិត្តភក្តិឬមិត្តរួមការងារ -ដោយសារធ្មេញដុះមិនត្រង់ជួរ នោះការសម្អាតធ្វើឡើងក៏មិនបានស្អាតល្អ ដែលនាំឲ្យមានបញ្ហាសុខភាពមាត់ធ្មេញមួយចំនួនដូចជា៖ •    បញ្ហាក្លិនមាត់ ដោយសារមានអាហារនៅជាប់ចន្លោះធ្មេញ •    ឈាមអញ្ចាញ ព្រោះអញ្ចាញរងការរលាក •    ធ្មេញប្រហោង ឬធ្មេញពុក នឹងអាចកើតឡើងជាបន្តបន្ទាប់។ -យោងទៅតាមការរកឃើញថ្មីៗនេះ ក៏បានបង្ហាញថាមេរោគពពួកបាក់តេរីដែលមាននៅក្នុងចន្លោះធ្មេញដុះមិនស្មើគ្នា ឬដុះច្រើន ក៏អាចជាប់ទាក់ទងទៅនឹងជំងឺបេះដូងផងដែរ។ វិធីសាស្រ្តព្យាបាល ការព្យាបាលអាចធ្វើទៅបានជាមួយបច្ចេកទេសខុសៗគ្នាទៅតាមអាយុ និងស្ថានភាពរបស់បុគ្គលម្នាក់ៗ។ ជាទូទៅ ការព្យាបាលសម្រាប់កុមារ ហាក់មានភាពប្រសើរ និងមានប្រសិទ្ធភាពជាង។ ១.សម្រាប់កុមារ ៖  ការព្យាបាល គឺជាវិធីការពារសម្រាប់បង្ការពីការមានបញ្ហាបន្តទៀត។ វិធីសាស្រ្តនេះទាមទារឲ្យអ្នកជំនាញតាមដាន និងថែរក្សាអញ្ចាញធ្មេញរបស់កុមារបន្ទាប់ពីធ្មេញទឹកដោះបានជ្រុះអស់ រហូតដល់ធ្មេញស្រុកចាប់ផ្តើមដុះ។ ២.សម្រាប់ក្មេងជំទង់ និងមនុស្សពេញវ័យ ៖ បញ្ហាក្នុងវ័យនេះស្តែងចេញរួចមកហើយ ដែលការព្យាបាលគឺទាមទារឲ្យមានការកែប្រែសភាពធ្មេញដែលមិនស្មើគ្នាតាមរយៈការពត់ធ្មេញ។ ក្នុងករណីធ្មេញដុះច្រើន អ្នកជំនាញអាចធ្វើការដកធ្មេញខ្លះចេញ ឬបន្ថយទំហំរបស់ធ្មេញក្នុងកម្រិតចន្លោះពី ១ ទៅ ៥មីលីម៉ែត្រ មុននឹងធ្វើការពត់ធ្មេញ។ ត្រូវចាំថាវិធីសាស្រ្តដែលត្រឹមត្រូវនិងប្រភេទនៃការពត់ធ្មេញគឺត្រូវការការណែនាំ និងអនុវត្តផ្ទាល់ពីទន្តពេទ្យដែលមានជំនាញច្បាស់លាស់ ហើយគួរចៀសវាងប្រើប្រាស់ផលិតផលមួយចំនួនដែលលក់នៅលើទីផ្សារ។ បន្ទាប់ពីទទួលសេវាកម្មព្យាបាលអ្នកជំងឺក៏ត្រូវបន្តការតាមដាន និងអនុវត្តទៅតាមការណែនាំបន្ថែមទៀតដូចជា៖ ៣​.អំឡុងពេលព្យាបាល ៖ ចៀសវាងទទួលទានអាហារប្រភេទរឹង (ឆ្អឹងសាច់) អាហារ ឬភេសជ្ជៈមានជាតិផ្អែម ឬផលិតផលកែច្នៃ បន្ថែមពីនោះអ្នកជំងឺត្រូវបានណែនាំពីវិធីសាស្រ្តដុសសម្អាតធ្មេញដែលស័ក្តិសម និងមានប្រសិទ្ធភាព។ ៤.បន្ទាប់ពីព្យាបាលរួច ៖ អ្នកជំងឺត្រូវបន្តការពាក់ Retainers ក្នុងរយៈពេល ២ឆ្នាំដើម្បីការពារធ្មេញកុំឲ្យត្រឡប់មកសភាពដើមវិញ ដោយសារតែឆ្អឹងធ្មេញនៅមិនទាន់លូតលាស់ពេញលេញបានល្អនៅឡើយ។ វិធីសាស្រ្តការពារ ការការពារគួរធ្វើឡើងឲ្យបានឆាប់បំផុតតាមដែលអាចធ្វើទៅបាន ជាពិសេសចំពោះកុមារអាយុចន្លោះពី ៧ ទៅ ៨ឆ្នាំ។ ឪពុកម្តាយ ឬអាណាព្យាបាលគួរចំណាយពេលវេលាសម្រាប់ឲ្យកុមារទទួលបានការពិនិត្យសុខភាពមាត់ធ្មេញទូទៅនោះទន្តពេទ្យនឹងអាចរកឃើញនូវបញ្ហាមាត់ធ្មេញបានទាន់ពេលវេលា។ នាំយកស្នាមញញឹមរបស់អ្នកត្រឡប់មកវិញ ដោយធ្វើការចំណាយសម្រាប់ការកែប្រែឲ្យបានឆាប់រហ័ស ពីព្រោះបុគ្គលគ្រប់រូបមានសិទិ្ធទទួលបានការញញឹមដែលស្រស់ស្អាត។ស្នាមញញឹម និងធ្មេញ ជាវត្ថុដ៏សំខាន់សម្រាប់ជីវិតក្នុងសង្គម ពីព្រោះមិនត្រឹមតែផ្តល់ឲ្យអ្នកនូវសម្រស់ និងភាពជឿជាក់នោះទេ ថែមទាំងពាក់ព័ន្ធជាមួយសុខភាពអ្នកផងដែរ។   បកស្រាយដោយ​៖ ទន្តបណ្ឌិត Navdeep Bhusri ឯកទេសផ្នែកពត់តម្រង់ធ្មេញ ប្រចាំមន្ទីរព្យាបាលមាត់ធ្មេញ សុខ ជា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ស្បែក កាមរោគ​ និងសម្រស់
ចែករំលែក
  • Jul 31, 2018 |
  • 7 ឆ្នាំមុន |
  • 9K មើល

ក្មេងអាយុ២ខួបហើយ មិនទាន់ចេះហៅ «ប៉ាម៉ាក់» ត្រូវធ្វើម៉េច?

សំណួរ ៖ នាងខ្ញុំ រស់នៅខេត្តមណ្ឌលគិរី។ ខ្ញុំមានកូនប្រុសម្នាក់អាយុ២ខួប។ គាត់មិនដឹងជាហេតុអ្វីបានជាមិនទាន់ចេះហៅ ប៉ាឬម៉ាក់សោះ តែគាត់យំមានសំឡេង។ តើពេលណាគាត់អាចនិយាយបាន? តើខ្ញុំត្រូវធ្វើដូចម្តេច?   ចម្លើយ ៖ ជាទូទៅ ក្មេងអាយុ២ឆ្នាំអាចហៅប៉ា-ម៉ាក់ខ្លះហើយ បើទោះជាគាត់មិនទាន់ចេះនិយាយច្រើនក៏ដោយ។ ករណីកូនរបស់លោកស្រី យើងត្រូវមើលថា  តើកូននេះមានការលូតលាស់យឺតឬក៏អត់ ដូចជា ក្រចេះញញឹម ក្រចេះវារឬដើរ ហើយបើប្រៀបធៀបជាមួយបងប្អូនបង្កើត មានលក្ខណៈយឺតជាងគេឬអត់។  ម្យ៉ាងទៀត ត្រូវសិក្សាលើប្រវត្តិជុំវិញការសម្រាល និងស្ថានភាពក្នុងរយៈពេលប៉ុន្មានខែដំបូងនៃជីវិតថា តើមានឈឺធ្ងន់ឬអត់។ ប៉ុន្តែប្រសិនបើរកមិនឃើញថា មានអ្វីខុសធម្មតាទេ ហើយការលូតលាស់របស់គាត់ល្អទៀតនោះ ការយឺតយ៉ាវតិចតួចរបស់គាត់ ដែលនៅមិនទាន់និយាយបានអាចជារឿងធម្មតា។ ប៉ុន្តែបើគាត់លូតលាស់យឺតជាងបងប្អូនដទៃតាំងពីតូច នោះគាត់អាចមានបញ្ហាទាក់ទងនឹងការលូតលាស់យឺតផ្នែកផ្លូវកាយនិងផ្លូវចិត្ត ដែលជារឿងត្រូវស្រាវជ្រាវរកមើលមូលហេតុ ឬអាចដោយសារគាត់ធ្លាប់មានជំងឺធ្ងន់ធ្ងរពីតូចដែលត្រូវសម្រាកក្នុងមន្ទីរពេទ្យ ដូចជារលាកស្រោមខួររលាកខួរក្បាល។  ការរីកលូតលាស់យឺតផ្នែកបញ្ញាអាចជាផលវិបាកនៃជំងឺទាំងនោះ។   ដូចនេះ ដើម្បីឲ្យច្បាស់ក្នុងការវាយតម្លៃពីផលប៉ះពាល់ប៉ុណ្ណានៅពេលកូនលោកស្រីធំ និងគាត់អាចនិយាយបាននៅពេលណា មានតែការមកជួបគ្រូពេទ្យ ដើម្បីធ្វើការវាយតម្លៃនិងចាត់វិធានការជួយកូនលោកស្រី។ បកស្រាយដោយ ៖ វេជ្ជបណ្ឌិត គឹម អាង ប្រធានផ្នែកជំងឺផ្លូវដង្ហើម និងអាល្លែកហ្ស៊ី ព្រមទាំងជាអនុប្រធានការិយាល័យបច្ចេកទេសនៃមន្ទីរពេទ្យកុមារជាតិ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ         

ត្រចៀក ច្រមុះ បំពង់ក ការចិញ្ចឹមកូន
ចែករំលែក
  • Jul 27, 2018 |
  • 7 ឆ្នាំមុន |
  • 4.7K មើល

បន្ថយការប្រឈមនឹងជំងឺកាចសាហាវនៅវ័យអស់រដូវ ដោយសារធាតុចិញ្ចឹមពីរុក្ខជាតិ

ដើម្បីគ្រប់គ្រងហានិភ័យដែលអាចកើតមាននៅក្នុងវ័យអស់រដូវឲ្យស្ថិតនៅកម្រិតទាបបំផុត ស្ត្រីអស់រដូវភាគច្រើនត្រូវបានណែនាំឲ្យទទួលយកការព្យាបាលដោយអ័រម៉ូនជំនួស ការផ្លាស់ប្តូររបៀបរស់នៅ និងអមជាមួយការប្រើប្រាស់សារធាតុចិញ្ចឹមពីអាហារផងដែរ។ ទាក់ទងនឹងសារធាតុចិញ្ចឹម Isoflavones    ដែលសម្បូរបំផុតនៅក្នុងសណ្តែកសៀង   ត្រូវបានដឹងថាមានអត្ថប្រយោជន៍ជាច្រើនសម្រាប់សុខភាពស្ត្រី ជាពិសេសក្នុងវ័យអស់រដូវ។ ការបង្ហាញអំពី Isoflavones Isoflavones ជាសារធាតុពីរុក្ខជាតិជាមួយនឹងរចនាសម្ព័ន្ធប្រហែលទៅនឹងអ័រម៉ូន 17-ß-estradiol របស់ស្ត្រី ដែលអាចភ្ជាប់ទៅនឹងរេសិបទ័រអឺស្ត្រូសែនទាំង២ទម្រង់ (Alpha និង Beta) ជាពិសេស វាអាចកំណត់សរីរាង្គគោលដៅបាន។ តាមរយៈការស្រាវជ្រាវ Isoflavone ត្រូវបានដឹងថាធ្វើសកម្មភាពតាមរយៈយន្តការ ៤យ៉ាងគឺ ការប្រឆាំងនឹងអឺស្ត្រូសែន ការរារាំងអង់ស៊ីមមហារីក ការប្រឆាំងអុកស៊ីតកម្ម និងការជំរុញប្រព័ន្ធភាពស៊ាំរបស់រាងកាយ។ អត្ថប្រយោជន៍ទៅលើសុខភាព 1.    រោគសញ្ញានៃការអស់រដូវ Isoflavone ពីសណ្តែកសៀង អាចប្រើប្រាស់ដើម្បីជួយសម្រួលអាការៈនៃការអស់រដូវជាពិសេសគឺការក្តៅក្រហល់ក្រហាយជាមួយប្រសិទ្ធភាពបន្ថយភាពធ្ងន់ធ្ងរនៃអាការៈ ក៏ដូចជាភាពញឹកញាប់ក្នុងការកើតមានផងដែរ។ 2.    ជំងឺទឹកនោមផ្អែម Isoflavone ត្រូវបានរកឃើញថាមានប្រសិទ្ធភាពគួរឲ្យកត់សម្គាល់ក្នុងការជំរុញមេតាបូលីសនៃគ្លុយកូស។ ការពិសោធន៍គ្លីនិកមួយត្រូវបានរាយការណ៍នៅក្នុងព្រឹត្តិបត្រព័ត៌មាន Clinical Nutrition នៅឆ្នាំ ២០១៧  អំពីអត្ថប្រយោជន៍នៃការបរិភោគអាហារពីសណ្តែកសៀងក្នុងការបន្ថយជំងឺទឹកនោមផ្អែមប្រភេទ២។ 3.    ភាពធាត់លើសទម្ងន់ តាមរយៈការសិក្សាបង្ហាញថា ថ្វីត្បិតសណ្តែកសៀងជាប្រភពចម្បងនៃ Isoflavone ក៏ប៉ុន្តែវាមានឥទ្ធិពលខុសពីគ្នាទៅលើការស្រកទម្ងន់  ដោយក្នុងនោះ មានតែសារធាតុចម្រាញ់ Isoflavone ផ្ទាល់ប៉ុណ្ណោះដែលផ្តល់នូវលទ្ធផលគួរឲ្យកត់សម្គាល់លើការបន្ថយសន្ទស្សន៍នៃម៉ាស់របស់រាងកាយ (BMI)។ 4.    ជំងឺដុំសាច់ក្នុងអូវែ (PCOS) ការសិក្សាលើការប្រើប្រាស់ Isoflavone រយៈពេល ១២សប្តាហ៍ទៅតាមកម្រិតប្រើប្រាស់ដែលណែនាំសម្រាប់ស្ត្រីមានជំងឺដុំសាច់ក្នុងអូវែបានបង្ហាញលទ្ធផលទៅលើការប្រសើរឡើងនូវធាតុសម្គាល់នៃភាពធន់ទៅនឹងអ័រម៉ូនអាំងស៊ុយលីនស្ថានភាពអ័រម៉ូន ខ្លាញ់ទ្រីគ្លីសេរីត និងធាតុសម្គាល់នៃសម្ពាធពីប្រតិកម្មអុកស៊ីតកម្ម។ 5.    ជំងឺពុកឆ្អឹង ការវិភាគជាច្រើនបានបង្ហាញថាអាហារដែលមាន Isoflavone អាចជួយដល់សុខភាពឆ្អឹង និងកាត់បន្ថយការប្រឈមនឹងបញ្ហាពុកឆ្អឹងបានតាមរយៈការបង្កើនដង់ស៊ីតេរ៉ែនៅក្នុងឆ្អឹង (BMD) និងការបន្ថយការរសាត់ឆ្អឹងដោយបន្ថយ Deoxypyridinoline ដែលជាធាតុសម្គាល់ធ្វើឲ្យមានការស្រូបចូលនៃឆ្អឹងចូលទៅក្នុងឈាមវិញ។ 6.    ជំងឺមហារីក ការសិក្សាបង្ហាញថា Isoflavone អាចជំរុញសមត្ថភាពប្រឆាំងមហារីករបស់ TAM ដែលជាធាតុទប់អឺស្ត្រូសែន (Antagonist) ចំពោះកោសិកាមហារីកសុដន់ប្រភេទ ERapositive។ Isoflavone ក៏មានទំនាក់ទំនងនឹងការថយចុះនៃការប្រឈមនឹងមហារីកផ្សេងៗផងដែរដូចជាមហារីកក្រពេញទីរ៉ូអុីត មហារីកអូវែ និងមហារីកសួត។ សមត្ថភាពការពារកាំរស្មីរបស់ Isoflavone ក៏ត្រូវបានរកឃើញផងដែរក្នុងការព្យាបាលជំងឺមហារីកសួតដោយកាំរស្មី។ 7.    ជំងឺសរសៃឈាមបេះដូង ការស្រាវជ្រាវបានបង្ហាញថា អាហារសណ្តែកសៀងអាចបន្ថយកម្រិតកូឡេស្តេរ៉ុលក្នុងឈាមបានដែលជួយឲ្យកូឡេស្តេរ៉ុលស្ថិតក្នុងអត្រាទាបជាងអ្នកដែលមិនសូវបរិភោគរហូតដល់  ១០ភាគរយ។ តាមរយៈសម្មតិកម្មនេះ Isoflavone ក៏ត្រូវបានប្រើផងដែរក្នុងការជំរុញសមត្ថភាពរបស់សរសៃឈាមអាកទែរ។ 8.    ភាពខុសប្រក្រតីនៃប្រព័ន្ធភាពស៊ាំ ការសិក្សាជាច្រើនបង្ហាញថា ស្ត្រីក្រោយវ័យអស់រដូវនឹងមានការថយចុះនៃកោសិកា Lymphocytes ដែលជាលទ្ធផលធ្វើឲ្យថយចុះនូវអង់ទីករ និង Cytokine។ Isoflavone អាចជំរុញការឆ្លើយតបរបស់កោសិកា NK និងកោសិកា T cells ដែលអាចមានប្រយោជន៍ផងដែរក្នុងការកាត់បន្ថយការប្រឈមនឹងមហារីក។ 9.    បញ្ហាស្ងួតមាត់ បម្រែបម្រួលនៃអឺស្ត្រូសែនដែលកើតមានចំពោះស្ត្រីវ័យកណ្តាល អាចជាមូលហេតុមួយបង្កឲ្យមានការថយចុះនៃការបញ្ចេញទឹកមាត់ដែលនាំឲ្យមានបញ្ហាស្ងួតមាត់។ ក្នុងករណីនេះ Isoflavones ត្រូវបានណែនាំឲ្យប្រើ ដោយសារសមត្ថភាពជំរុញមុខងារនៃក្រពេញទឹកមាត់ដែលមិនសូវដំណើរការ (Hypofunction)។ 10.    បញ្ហាជរាមុនវ័យ ស្ត្រីក្រោយអស់រដូវ ច្រើនងាយប្រឈមនឹងជំងឺរ៉ាំរ៉ៃជាច្រើនដែលកើនឡើងជាមួយអាយុ និងស្ថានភាពនៃអ័រម៉ូន។ Isoflavones មានសកម្មភាពប្រឆាំងនឹងអុកស៊ីតកម្ម  និងប្រឆាំងការរាតត្បាតនៃកោសិកា ដើម្បីទប់ទល់នឹងជំងឺរ៉ាំរ៉ៃ ជាច្រើន ជាពិសេសជំងឺដែលបង្កដោយការខូចខាតនៃកោសិកាដោយសារសម្ពាធនៃអុកស៊ីតកម្ម។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

វីតាមីន & អាហារូបត្ថម្ភ សុខភាពស្រ្តី
ចែករំលែក
  • Jul 27, 2018 |
  • 7 ឆ្នាំមុន |
  • 4.8K មើល

៥យ៉ាង ដើម្បីដងកស្អាតដូចប្រាថ្នា

ផ្ទៃមុខស្រស់ស្អាត ជាក្តីប្រាថ្នារបស់មិត្តនារីគ្រប់រូប តែមនុស្សមួយចំនួនបាន និងកំពុងមើលរំលងផ្នែកមួយដែលវាគួរត្រូវបានថែរក្សាឲ្យដូចផ្ទៃមុខ នោះគឺស្បែកនៅក…៥យ៉ាង ខាងក្រោមនឹងជួយអ្នកសម្រេចក្តីប្រាថ្នានៃការដែលមានដងកស្អាតគួរឲ្យទាក់ទាញ៖ ទឹកក្រូចឆ្មារ ដោយហេតុថានៅក្នុងទឹកក្រូចឆ្មារផ្ទុកអង់ស៊ីមម៉្យាង មានប្រសិទ្ធភាពសម្អាតកោសិកាស្បែកចាស់ៗចេញ ហើយធ្វើឲ្យស្បែកមុខ និងកអ្នកទន់ស្រស់ថ្លា។  ហាន់ក្រូចឆ្មារជាបន្ទះស្តើងៗ បន្ទាប់មកធ្វើការខាត់ ក៏ដូចជាម៉ាស្សាថ្នមៗនៅជុំវិញករបស់អ្នក រួចបិតទុកចោល ២ ទៅ ៣នាទីចាំលាងសម្អាតចេញជាមួយទឹកក្តៅឧណ្ហៗ។ ក្រៅពីនេះ អ្នកក៏អាចយកវាលាយជាមួយទឹកឃ្មុំ និងម្សៅអង្ករ ឲ្យបានជាល្បាយស្មើសាច់មួយលាបហើយទុកចោល ១៥នាទីចាំលាងជម្រះចេញជាការស្រេច។ អ្នកអាចអនុវត្តវិធីសាស្ត្រនេះជារៀងរាល់២ដង ក្នុងមួយសប្តាហ៍។ ប្រេងអូលីវ អ្នកអាចសាកល្បងប្រើប្រាស់ប្រេងអូលីវក្តៅឧណ្ហៗព្រោះវាមានលទ្ធភាពជួយថែរក្សាសុខភាព ពិសេសស្បែកនៅដៃ និងក។ ម៉្យាងវិញទៀត អ្នកអាចលាយជាមួយវីតាមីន A ប្រមាណ ២ ទៅ ៣តំណក់ទៅក្នុងប្រេងអូលីវមុននឹងយកទៅលាបលើស្បែកក និងម៉ាស្សាថ្នមៗ ដើម្បីកាត់បន្ថយស្នាមគ្រើម គន្លាក់ ព្រមទាំងបង្កើនសំណើមនៅក មួយកម្រិត។ លោកអ្នកគួរប្រើប្រាស់ល្បាយប្រេងអូលីវនេះ ត្រឹមតែម្តងក្នុងមួយសប្តាហ៍ ឬហោចណាស់២ដងក្នុងមួយខែ នោះអ្នកនឹងបានឃើញពីប្រសិទ្ធភាពស្ទើរមិនគួរឲ្យជឿ។ ទឹកឃ្មុំ សមាសធាតុផ្សំធម្មជាតិមួយទៀត ដែលលោកអ្នកប្រើប្រាស់ជាញឹកញាប់ ទាំងការទទួលទាន និងថែរក្សាសម្រស់ នោះគឺទឹកឃ្មុំ។ ក្រៅពីញ៉ាំ អ្នកអាចគ្រាន់តែលាបទឹកឃ្មុំទៅលើស្បែកករបស់អ្នកនៅរាល់ពេលព្រឹកព្រលឹម ឬពេលយប់មុនចូលគេង ទុករយៈពេល១០នាទី រួចលាងសម្អាតចេញដោយទឹកត្រជាក់។ ជម្រើសមួយទៀតលោកអ្នកអាចលាយស៊ុតពណ៌សជាមួយទឹកឃ្មុំហើយលាបនៅលើស្បែកករបស់អ្នករយៈពេល២០នាទី បន្ទាប់មកលាងជម្រះដោយទឹកត្រជាក់ និងសាប៊ូដើម្បីបំបាត់ក្លិនរបស់ស៊ុតពណ៌សជាការស្រេច។       ប្រទាលកន្ទុយក្រពើ ប្រទាលកន្ទុយក្រពើ គឺជាធាតុផ្សំធម្មជាតិដ៏អស្ចារ្យមួយប្រភេទទៀត ដែលត្រូវបានប្រើនៅក្នុងរូបមន្តសម្រាប់ថែរក្សាស្បែកឲ្យភ្លឺរលោង រក្សាសំណើម ព្យាបាលមុន និងបន្ថយស្នាមជ្រួញ។ អ្នកអាចហាន់វាជាបន្ទះស្តើងៗដូចដែលអ្នកធ្លាប់ធ្វើវាបិតលើមុខដូចគ្នា ឬបង្កើតជាល្បាយ លាយជាមួយទឹកឃ្មុំ និងស៊ុតពណ៌ស ក្រឡុកចូលគ្នាឲ្យសព្វ បន្ទាប់មកលាប និងម៉ាស្សាថ្នមៗ ទុករយៈពេល១៥ ទៅ ២០នាទី សឹមលាងសម្អាតជាមួយទឹកស្អាត ដោយអ្នកអាចអនុវត្តចន្លោះពី២ទៅ៣ដង ក្នុងមួយសប្តាហ៍។ ផ្លែល្ហុងទុំ ផ្លែល្ហុងមានអង់ស៊ីមធម្មជាតិដែលត្រូវបានគេស្គាល់ថា Papain មានសមត្ថភាពប្រឆាំងនឹងបាក់តេរីព្យាបាលស្បែក ដើម្បីឲ្យស្បែកមានភាពស្រស់ស្អាត និងទន់រលោង។ ដូច្នេះអ្នកអាចប្រើល្ហុងដើម្បីលាងសម្អាតស្បែកមុខ និងក ដោយគ្រាន់តែកិនល្ហុងឲ្យម៉ត់ លាយជាមួយស៊ុតពណ៌ស លាបឲ្យពេញផ្ទៃមុខ និងក រួចទុកប្រហែល១៥នាទី បន្ទាប់មកលាងសម្អាតជាមួយទឹកក្តឧណ្ហៗ។ត្រឹម២ដងក្នុងមួយសប្តាហ៍ នោះអ្នកនឹងដឹងពីភាពខុសប្លែកដ៏គួរឲ្យទុកចិត្ត។ ទោះបីគ្រឿងផ្សំ៥យ៉ាងខាងលើរក្សាឲ្យអ្នកមានដងកស្អាតហើយយ៉ាងណាក៏ដោយ លោកអ្នកអាចរក្សាភាពស្អាតនេះឲ្យនៅស្ថិតស្ថេរ ដោយគោរពនូវគោលការណ៍រួមខាងក្រោម៖ •    ទទួលទានទឹកឲ្យបានយ៉ាងហោចណាស់ ៨ទៅ ១០កែវក្នុងមួយថ្ងៃ •    គួរកាត់បន្ថយប្រភេទភេសជ្ជៈដែលមានជាតិអាល់កុល និងកាហ្វេ •    បង្កើនការញ៉ាំបន្លែ ផ្លែឈើមានបរិមាណទឹកខ្ពស់ដូចជា ទឹកដូង ឬឪឡឹកជាដើម •    ប្រសិនបើស្ថិតនៅតំបន់មានអាកាសធាតុត្រជាក់ គួរស្លៀកពាក់ជិតៗក ឬប្រើកន្សែងរុំក •     ប្រើប្រាស់ផលិតផលផ្តល់សំណើមជាប្រចាំដល់ស្បែកករបស់អ្នកឲ្យដូចផ្ទៃមុខផងដែរ។ អ្នកមិនទាន់ហួសពេលក្នុងការចាប់ផ្តើមថែរក្សាស្បែកករបស់អ្នកនោះទេ...តោះ! សាកល្បងពីថ្ងៃនេះ... ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Jul 27, 2018 |
  • 7 ឆ្នាំមុន |
  • 19.2K មើល

៥ចំណុចអ្នកចាំបាច់ត្រូវដឹង ពីសុខភាពផ្លូវចិត្ត…

«សុខភាពផ្លូវចិត្តពិតជាសំខាន់សម្រាប់បុគ្គលគ្រប់រូប មិនថាសម្រាប់ជាតិសាសន៍ណានោះឡើយ» នេះបើយោងតាមប្រសាសន៍របស់លោកសាស្ត្រាចារ្យវេជ្ជបណ្ឌិត យឹម សុបុត្រា អ្នកជំនាញឯកទេសវិកលវិទ្យា និងការបំពានគ្រឿងញៀន និងជាប្រធានផ្នែកពិគ្រោះសុខភាពផ្លូវចិត្ត និងការបំពានគ្រឿងញៀននៃមន្ទីរពេទ្យមិត្តភាពខ្មែរ-សូវៀត ព្រមទាំងជានាយកនៃមន្ទីរសម្រាកព្យាបាលផ្លូវចិត្ត សាន់រ៉ាយ។ លោកក៏បានបញ្ជាក់ផងដែរថា បញ្ហាផ្លូវចិត្តដែលកើតមានញឹកញាប់ជាងគេ គឺ ជំងឺថប់បារម្ភ ធ្លាក់ទឹកចិត្ត វិកលចរិត និងបញ្ហាផ្លូវចិត្តដោយការប្រើប្រាស់គ្រឿងញៀន ហើយវាអាចកើតមានចំពោះមនុស្សគ្រប់វ័យតែភាគច្រើនក្នុងយុវភាព (បុរសអាយុ ២០-៣៥ ឆ្នាំ និងស្ត្រី ២៥-៣៥ឆ្នាំ)។ តើមានកត្តាអ្វីខ្លះ ដែលមានទំនាក់ទំនងជិតសិ្នទ្ធទៅនឹងសុខភាពផ្លូវចិត្ត? •    កត្តាសង្គមសាស្ត្រ៖ សំដៅដល់សង្គមខ្នាតតូចនិងធំ រួមមានការប្រាស្រ័យទាក់ទងរវាងមនុស្សចាប់ពី២នាក់ឡើងទៅ សង្គមគ្រួសារ និងសង្គមជាតិទាំងមូល។ ដរាបណាបុគ្គលម្នាក់ៗមានទំនាក់ទំនងល្អ ចេះចែករំលែកសេចក្តីសុខឲ្យគ្នាទៅវិញទៅមក ក៏មិនមានទំនាស់ ឬហិង្សាក្នុងគ្រួសារហើយមានការរស់នៅចុះសម្រុងគ្នា ចំណែកឯប្រទេសជាតិ ក៏មិនសូវមានបញ្ហាសោកនាដកម្ម(សង្គ្រាម គ្រោះធម្មជាតិ…) ផ្សេងៗទេនោះ ការប៉ះទង្គិចបញ្ហាផ្លូវចិត្តក៏មិនសូវកើតមានដែរ។ •    កត្តាគីមីសាស្ត្រ៖ ការប្រើប្រាស់សារធាតុគីមីមួយចំនួន ស្របច្បាប់ និងមិនស្របច្បាប់ ដែលអាចបណ្តាលឲ្យមានការប៉ះទង្គិចដល់សុខភាពខួរក្បាល និងមិនអាចគ្រប់គ្រងស្មារតីបានល្អ  ដូចជាការសេពគ្រឿងញៀន អាភៀន ឬការប្រើប្រាស់ឱសថមិនបានត្រឹមត្រូវតាមវេជ្ជបញ្ជា ជាដើម។ •    កត្តាចិត្តសាស្ត្រ៖ ប្រសិនបើបុគ្គលម្នាក់ទទួលបានការចិញ្ចឹមបីបាច់ផ្នែកចិត្តសាស្ត្រ ក៏ដូចជាការគាំទ្រផ្លូវចិត្តបានល្អនោះ ពេលដែលចម្រើនវ័យទៅគឺប្រាកដជាមានភាពរឹងមាំ ហើយក៏មិនងាយaប្រឈម ឬទទួលការប៉ះទង្គិចពីកត្តាផ្សេងនោះដែរ។ តើបុគ្គលដែលមានបញ្ហាផ្លូវចិត្ត មានការប្រឈមទៅនឹងអ្វីខ្លះដែរ? •    បុគ្គល៖ ការគេង និងញ៉ាំមិនសូវបាន ជាហេតុនាំឲ្យមានបញ្ហាសុខភាពផ្លូវកាយរ៉ាំរ៉ៃ ហើយជាទូទៅ ក៏លែងចង់បំពេញកិច្ចការងារអ្វី ហើយជាលទ្ធផលក៏ត្រូវបាត់បង់ឱកាស និងចំណូលសេដ្ឋកិច្ច ជួនកាលអាចបង្កជាប្រតិកម្មទាន់ហន់ រួមមានការធ្វើអត្តឃាត ឬធ្វើមនុស្សឃាតទៀតផង។ •    គ្រួសារ៖ បាត់ចំណូលទ្រទ្រង់ជីវភាពគ្រួសារបាត់បង់សុភមង្គល ព្រមទាំងបង្កើននូវបន្ទុកដល់សមាជិកដទៃ។ •    សង្គម៖ បញ្ហាអសន្តិសុខ ដូចជា ការប្រើប្រាស់គ្រឿងញៀន ការធ្លាក់ចុះនៃសេដ្ឋកិច្ចជាតិ។ល។ តើការគិត និងសុខភាពផ្លូវចិត្តមានទំនាក់ទំនងយ៉ាងដូចម្តេចខ្លះ? មនុស្សភាគច្រើនបានយល់ច្រឡំថា ផ្លូវចិត្ត គឺពាក់ព័ន្ធនឹងបេះដូង តែតាមការពិត វាមានទំនាក់ទំនងជិតស្និទ្ធជាមួយខួរក្បាល (ប្រព័ន្ធប្រសាទកណ្តាល)។ ហេតុនេះហើយ ពេលខួរក្បាលមានបញ្ហា ការគិតក៏នឹងមានបញ្ហាដែរ ហើយផ្លូវចិត្តក៏មានការប៉ះទង្គិចផងដែរ។ រីឯអារម្មណ៍វិញ វាក៏មានឥទ្ធិពលលើខួរក្បាលផងដែរ។ តើផលវិបាកនៃការគិតច្រើន រួមមានអ្វីខ្លះ? វាអាស្រ័យទៅលើបែបផែននៃការគិត បើសិនជាបុគ្គលម្នាក់មានស្មារតីល្អ ចេះគិតបានត្រូវ គិតបែបវិជ្ជមាននោះ វាក៏មិនមានផលវិបាកអ្វីដែរ។ផ្ទុយទៅវិញ បើម្នាក់នោះគិតច្រើនហើយផ្តោតតែលើភាពអវិជ្ជមាននោះ ផលវិបាកនឹងកើតមានច្រើន ដែលអាចជាបញ្ហាផ្លូវចិត្ត ហើយនាំឲ្យមានផលប៉ះពាល់ដូចដែលបានរៀបរាប់ខាងលើ។   តើបុគ្គលមួយរូបគួរមានលក្ខណៈសម្បត្តិបែបណាខ្លះ ដើម្បីមានសមត្ថភាពក្នុងការគ្រប់គ្រងការគិត និងថែទាំសុខភាពផ្លូវចិត្តខ្លួនឯងបាន? •    មានអារម្មណ៍ល្អចំពោះខ្លួនឯង៖ គ្រប់ពេលវេលា ចេះធ្វើឲ្យខ្លួនឯងសប្បាយ •    មានអារម្មណ៍ល្អចំពោះអ្នកដទៃ៖ មើលគេក្នុងផ្លូវល្អ មានទំនាក់ទំនងល្អ សាមគ្គីគ្នាកសាងនិងរួមរស់ជាមួយគ្នា តាមផ្លូវយុត្តិធម៌ •    មានសមត្ថភាពក្នុងការដោះស្រាយបញ្ហា៖ ចេះប្រឈម ទប់ទល់ និងដោះស្រាយបញ្ហាដោយខ្លួនឯង ឬសុំជំនួយពីអ្នកដទៃ។ តើលោកវេជ្ជបណ្ឌិតមានសារអ្វីសម្រាប់ចែករំលែកបន្ថែម អំពីការថែទាំសុខភាពផ្លូវចិត្តឬទេ? ត្រូវចាំថា«សុខភាពបរិបូរពេញលេញ គឺសុខភាពផ្លូវកាយ និងផ្លូវចិត្តរឹងមាំ ព្រមគ្នាតែម្តង» ហើយត្រូវតែចេះទទួលស្គាល់ និងលើកទឹកចិត្តខ្លួនឯងមានមោទនភាពជាមួយនឹងអ្វីដែលខ្លួនឯងមាន។ រាល់ពេលមានបញ្ហាផ្លូវចិត្ត ដំបូងត្រូវចេះជួយខ្លួនឯងក្នុងការគ្រប់គ្រងភាពតានតឹងក្នុងចិត្ត តាមរយៈការអប់រំសុខភាពផ្លូវចិត្ត ដូចជាការធ្វើសមាធិ ឬស្តាប់ព្រះធម៌តាមបែបព្រះពុទ្ធសាសនា។ មិនត្រឹមតែប៉ុណ្ណោះ អ្នកក៏គួរចេះប្រើប្រាស់ពេលវេលាដោយបែងចែកពេលវេលាសម្រាកកាយចិត្ត ដោយការធ្វើលំហាត់កីឡា ឬដើរកម្សាន្ត។ ក្នុងករណីមិនអាចជួយខ្លួនឯងបាន អ្នកក៏ត្រូវទទួលជំនួយពីគ្រូពេទ្យជំនាញឯកទេសផ្លូវចិត្ត តាមរយៈការពិគ្រោះ និងព្យាបាលតាមបែបចិត្តសាស្ត្រ ដែលរួមមានទាំងសេវារដ្ឋ និងឯកជន។ បកស្រាយដោយ​៖ សាស្ត្រាចារ្យវេជ្ជបណ្ឌិត យឹម សុបុត្រា ប្រធានផ្នែកពិគ្រោះសុខភាពផ្លូវចិត្ត និងការបំពានគ្រឿងញៀននៃ មន្ទីរពេទ្យមិត្តភាពខ្មែរ-សូវៀត ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

គន្លឹះសុខភាព គន្លឹះសុខភាព គន្លឹះសុខភាព គន្លឹះសុខភាព គន្លឹះសុខភាព គន្លឹះសុខភាព គន្លឹះសុខភាព សុខភាពផ្លូវចិត្ត និងកំសាន្ត
ចែករំលែក
  • Jul 27, 2018 |
  • 7 ឆ្នាំមុន |
  • 4.5K មើល

ឱកាសការងារច្រើនមុខដំណែង ពីហេលស៍ថាម!

ដើម្បីបង្កើនការរួមចំណែកក្នុងការលើកកម្ពស់សុខភាពរបស់ប្រជាជនកម្ពុជា ហេលស៍ថាម កំពុងជ្រើសរើសក្រុមការងារបន្ថែមសម្រាប់បំពេញតួនាទីដូចខាងក្រោម៖ -ផ្នែករៀបចំមាតិកាទីផ្សារ ១ រូប     -ផ្នែកសម្ភាសន៍ និងរៀបរៀងអត្ថបទសុខភាព ១ រូប -ផ្នែកទំនាក់ទំនងលក់ជាន់ខ្ពស់ ១ រូប -អ្នកប្រឹក្សាសុខភាពបឋម ១ រូប -គណនេយ្យករ ១ រូប -ផ្នែកប្រមូលលុយ ១ រូប -ផ្នែកដឹកជញ្ជូន ២ រូប ចូលរួមជាមួយហេលស៍ថាមឥឡុវនេះ!  សម្រាប់ការដាក់ពាក្យ ៖ សូមផ្ញើប្រវត្តិរូបរបស់លោកអ្នក មកកាន់សារអេឡិចត្រូនិក jobs@time-media.com ឬមកកាន់ការិយាល័យ ជាន់ទី១ ផ្ទះលេខ ៨ ផ្លូវលេខ ៥៥៤ (ក្រោយសាលាបឋមសិក្សាទួលគោក)។  ទំនាក់ទំនងព័ត៌មាន ៖ 069 888 112 ឬ ទំព័រហ្វេសប៊ុកផេក Healthtime Pro ឬ Healthogo by Healthtime ផុតកំណត់ទទួលពាក្យ ៖ ថ្ងៃទី ១៥ ខែសីហា ឆ្នាំ២០១៨ ------------------- ក្រុមហ៊ុនហេលស៍ថាម ខប ជាក្រុមហ៊ុនផ្តោតសំខាន់លើវិស័យសុខាភិបាល និងសុខុមាលភាពប្រជាជននៅកម្ពុជា តាមរយៈការ ៖ 1. ផលិត ប្រមូលផ្តុំ និងផ្សព្វផ្សាយចំណេះដឹង ព័ត៌មានវេជ្ជសាស្រ្ត ឱសថ និងបណ្តុះបណ្តាលនិស្សិត និងអ្នកប្រកបវិជ្ជាជីវៈសុខាភិបាល ក៏ដូចជាចំណេះដឹងសម្រាប់លើកកម្ពស់សុខភាពសាធារណៈ 2. ប្រឹក្សា និងណែនាំអ្នកជំងឺឲ្យយល់ដឹងពីឯកទេសដែលគួរទៅពិនិត្យសុខភាព ពេលមានអាការៈផ្សេងៗ សម្រួលការណាត់នឹងជួបវេជ្ជបណ្ឌិត និងការប្រើប្រាស់ប្រភេទផលិតផលសុខភាពផ្សេងៗ និងសម្រួលក្នុងការជាវផលិតផលទាំងនោះ 3. ផ្គត់ផ្គង់ សម្ភារៈទីផ្សារ និងកាដូសម្រាប់ក្រុមហ៊ុនឱសថ មន្ទីរពេទ្យ និងឱសថស្ថាន ព្រមទាំងរៀបចំកម្មវិធីផ្សេងៗសម្រាប់វិស័យសុខាភិបាល។

ព្រឹត្តិការណ៍ និងព័ត៌មាន
ចែករំលែក
Top